بعد غياب حبيت اكتب عنها و طبعا ده مكاني المفضل ماليش غيره افنسيس 2006 فيس ليفت
انا اشتريت العربيه ديه في شهر 2 /2015 يعني قربت تكمل معايا السنه
العربيه ديه لاكانت في حساباتي ولا كنت بفكر فيها سبحان اللي وقعها قصداي بالصدفه كده وسعرها كان لقطه على كونها تويوتا وفئه اعلى من الكورولا و بالاماكانيات ديه وكانت مع واحد اقل وصف معفن ميعرفش قيمتها
اشتريتها و فيها شويه شغل (كباس تكييف و كوبلن داخلي )
اكتشفت مع الايام اني تقريبا المالك الوحيد ليها في الجمهوريه لدرجه اني لو قابلت حد معاه العربيه ديه ببقى عايز ادخل في حضنه و ابوسه ههههههههههه
قطع غيارها نادره و غاليه و انا من اسكندريه للعلم يعني مدينه كبيره و لاقيت 2 تقريبا اللي بيشتغلوا في قطع غيارها و مش كل حاجه كوجوده عندهم زي مثلا التابلوه وفرش الابواب الامامي انسى تلاقيه لان الشغل كله بيجي من انجلترا موطنها الأصلي و طبعا عجله القياده يمين عندهم فالبتالي متنفعش عندي
لا وكمان تلاقيهم بيلعبوك يعني روحت لواحد اشتري فوانيس اماميه جديده 4 مرات و كل مره بيزود السعر و الخامسه قولتله متستننيش اني اجيلك تاني ههههههه
نزلت الحرفيين لقيت الاسعار هناك جنان و هبل اكتر من اسكندريه
نزلت بورسعيد لقيت اني لما بقول عنها كله بيتنح و واحد بس لقيت عنده الكباس فقط سعره 1400 و اسكندريه 1800 و الحرفيين القاهره 3000 ههههههه
فكرت ابيعها واخرج من المأزق ده و حكسب فيها كمان بس حركب ايه بعدها ماحسش اني نزلت في المستوي ؟ ولا حاجه
و اللي في رنج سعرها مفهوش لا كماليتها و لا الراحه اللي لقيتها فيها
بصراحه اكتر حاجه ممسكاني فيها انك تحس راكب عربيه خليط متانه و اعتماديه التويوتا و رفاهيه الأروبي
وسعها من جوه انا اول مره اشوف كده مع اني نازل من عربيه وصفها سفينه (نوبيرا 2 ) ثبات جميل سحب حلو اوي كماليات و رفاهيه و امان فوق الوصف (5 ايرباج سائق+راكب أمامي + 2 كراسي اماميه+ركبه و ديه اول عربيه في اوربا تنزل بيها) عفشه مالتي لينك موتور 1600 vvti 109hp/150nm
عملت لملاكها جروب على الفيس عشان نتجمع و كده لقيت حتى الان 3 بس هههههههههه
والله ابقى مبيت النيه اني ابيع و انام اصحي على رفض من جوايا وانها حتقعد و استحملها
حبيت ارغي و افضفض معاكم فا ستحملوني
لو فيه مالك ليها حب يتفضل على الجروب يتفضل معانا و ينورنا طبعا
https://www.facebook.com/groups/454261398096859/