سوال اكيد ان شاء الله هيكون معانا حد فاهم وخبير بدهب او تاجر دهب وعندة محل صاغة دهب ينصحنا نصيحة لوجة الله
هل الافضل بعد انهيار الجنية نشترى بالباقية الباقية من الفاضل من الجنية دهب على شكل سبائك مثلا ؟؟
علما انى سمعت اشاعت والله اعلم ان تجارة السبائك غير قانونية ومش عارف الاشاعة ولا حقيقة !!
والجنيهات الذهب افضل ومفهاش مصنعية بس فيها غش كتير وبرضة ياريت حد ينصحنا نشترى ازاى جنية دهب مضمون
او استثمار فى دهب مشغول بمصنعية ولما تيجى تبيعة تخسر حق المصنعية وخلاص
بص يافندم الصراحه انا متابع جدا لسوق الدولار والذهب جميع المحلات الصاغه والصرافه موقفه الشغل لخايه ماتشوف المركزى ناوى على ايه حتى الدولار دلوقتى فى مسؤليه قانونيه للتجاره فى مفيش شك انن ااحنا فى وقتت عصيب وطاحن وكل واحد معاه قرشين خايف عليهم من التضخم
انت قلت الجنيهات فيها غش كتير
بس اول مرة اسمع عن حكاية السبايك
انا كنت متابع سوق الذهب لما اقترب من ٢٠٠٠دولار للاوقية
لكن الذهب انهار فى يوم و ليلة و ناس فقدت فلوسها
ثم حافظ الذهب على مستواه فوق ١٢٠٠ لفترة طويلة ثم انهار ربما مع انهيار سعر البترول و لسه مع ٢٠١٦ راجع فوق ١٢٠٠ و قفز فى يوم و ليلة مع خبر خروج بريطانيا من الاتحاد الاوروبي
خبراء الاقتصاد في المنتدى يقولولنا المتوقع
لست خبير في مسائل الدولارات و الذهب...لكن نظرا لكثرة السؤال حول فكرة الاستثمار في الذهب، انقل مجمل ما فهمت
اولا الاستثمار في الذهب يفترض فيه انه استثمار طويل الاجل ( نسبيا )
ثانيا يتطلب متابعة جيدة للسوق العالمي و بورصة الذهب
ثالثا افضل ذهب للاستثمار ( في مصر ) هو الذهب الكسر ثم السبائك ...لكن ما هو الذهب الكسر؟ هو المشغولات الذهبية التي يريد اصحابها بيعها...و كيف احصل عليها؟ اقرب طريق لذلك هو المعارف و الاقارب و الاصدقاء
سبايك بلا جدال
منين نشتري السبايك??????اقتباس:
المشاركة الأصلية كتبت بواسطة Karim Alaa
السبايك مش زى منتا فاهم سبيكه كيلو و كده روح للصايغ و قوله عايز سبيكه 21 مثلا و شوف عايزها كم جرام :) سبايك صغيره من غير مصنعيه خالص ممكن تتعلق دلايات فى السلسه و مش وزن واحد فى اوزان كتير حسب الطلب :) كنت زيك فى الاول و تنحت و قولت هما بيبعو سبايك
السؤال المهم هل دا الوقت المناسب لشراء الذهب ام الانتظار افضل بمعني متوقع انخفاض ام ارتفاع سعرة الفترة القادمة ؟
الذهب كاستثمار يعتبر من أفضل الطرق لحفظ القيمه لانه واخد منحنى صعودي بقاله فتره ولكن زي اي استثمار مرتبط بالاحوال العالمية فيه مخاطره برضه ولكن بتقل لكونك محتفظ بمعدن ذو قيمه في ذاته وده علي مر الزمن
الموضوع في مصر مختلف شويه وكل الكلام اللي حقوله ده رأي شخصي كونته من البحث في الموضوع والتعامل في الموضوع وبالتالي يحتمل الصواب والخطأ ولكن لعله يفيد
الذهب ٤ انواع ب٣ عيارات وهم دول المعروفين في مصر إنما في عيارات تانيه ولكنها مش مفصله في مصر
الأنواع هى الذهب الكسر والجنيهات الذهب والسبائك والذهب المشغول
العيارات هى ٢٤ و ٢١ و ١٨
الذهب الكسر ده ذهب كان مشغول واتباع وفي أوقات كتير بيبسي لونه اسود لانه بيتم حرقه علشان الصائغ يتأكد انه معلهوش اى حاجه خارجياً وبيكون مكسر ولكن مبيكونش عليه اى مصنعيه يعنى بيتوزن ويتباع ولكن المشكله انه ممكن في بعض الأوقات الصياغ مبترضاش تاخده كله وبالتالي بتكون مضطر تبيعه للي اشتريت منه خاصه انه ذهب مكسر مش حتقدر تعرف مصدره اذا كان بالفعل اتشرى من السوق ولا مسروق ولا قصته ايه وعلشان كده محدش بيشتريه كتير غير الخبره في المجال
تانى حاجه الجنيهات الذهب ، الجنيهات الذهب الاصليه دي مجموعه اتعملت سنه الف تمنمايه وحاجه وكانت النجليزى ودي مش متداولة كتير في السوق لان اللي معاه بيحط علي فلوسها زيادته لانها تعتبر نادره وبعد فتره حتبقي اثار إنما المتداول هو الجنيه المصري وده بيتعمل في مصانع في مصر وبيكون ٨ جرام عيار ٢١ وده بيكون عليه حاجه زي عموله من ٢٠-٥٠ جنيه حسب اللي بتشترى منه وممكن يزيد كمان شويه لو مدموغ إنما الغالب بيكون عليه ختم المصنع بس علشان تقل التكلفة لان الدمغه حتعلي سعره علي التاجر حوالي ٢٥ جنيه وبالتالي بيتداول غير مدموغ وبيتباع علي كده "بالرغم ان ده مش قانوني"
اما السبائك فالمعروف والأكثر انتشاراً هى السبائك عيار ٢٤ اللي بتكون ذهب صافي بيسموه ٩٩٩٩ او البندقي ودي بتكون اما جرام او ٢ جرام او ٥ جرام او نص اونصه ١٥ جرام وشويه او اونصه ودي بتكون ٣١.١ جرام والنص اونصه في منها أشكال ممكن تتعلق في سلاسل وبيكون عليها صور من جهه والجهه التانيه عليها معلومات السبيكة انها ٩٩٩٩ وإذا كانت سويسرى بيتكتب عليها وحجمها أد ايه وفي طبعاً اكبر من كده ولكن انتشارها اقل والسبائك بيكون عليها برضه عموله حوالي ٣٠٠ جنيه علي الأونصة
اما الذهب المشغول فهو الذهب الخاص بالزينة وبيكون عليه ضرايبه وعموله ومصنعيه وبالتالي مش بيكون للاستثمار غير طويل الأجل جداً علشان تعوض كل المصروفات دي
اما العيارات فَهى بتتقاس بنسبه النحاس للذهب فعيار ٢٤ بيكون ذهب صافي اما عيار ٢١ بيكون الكيلو فيه ٨٧٥ جرام ذهب و ١٢٥ جرام نحاس ومعيار ١٨ ٧٥٠ جرام ذهب و٢٥٠ جرام نحاس
يفضّل لينا كام حاجه نتكلم فيها الذهب بالرغم انه يعتبر ملاذ أمن بس محدش يقدر يتوقع اتجاهه ودايما فيه نسبه مخاطره والصايغ الشاطر مستحيل يأكدلك انه طالع ولا نازل لانه بيتأثر بحاجات كتير بره مصر وجواها ومن الحاجات دي البترول والدولار جوه وبره وتكاليف استخراجه والبورصة العالميه وهكذا
اما عن الغش في الذهب فهو زي اى حاجه تانيه بيتغش عادي جداً من اول العيار والوزن لحد الدمغه اللي عليه والموضوع مش سهل انه يتم اكتشافه خاصه العيار والدمغه
النهايه ان الذهب زي اى استثمار فيه مخاطره ولكن برضه بيحفظ قيمه الفلوس بشكل جيد جداً ولكن النصيحه يتم المضاربه فيه بفلوس زايده عن الحاجه علشان الخساره فيه مبتتحققش غير بالبيع ولكن لو الفلوس غير ضرورية ففي حاله نزول السعر حتستنى عليه فتره ياخد اتجاه صعودي وساعتها تقدر تبيع ومتخسرش خاصه انه مبيتأثرش بمرور الزمن فيتلف او يحصله حاجه
تحياتى وأتمنى لو حد عنده أضافه او تصحيح يفيدنا ،
سبايك افضل حاجة للاستثمار وبتبقى عيار 24
للاستثمار في الدهب من وجهه نظري يفضل ان تكون تاجر فوركس كي تستطيع مراقبة وتحليل الاسعاراقتباس:
المشاركة الأصلية كتبت بواسطة eslamrace
وكما تفضلت حضرتك يفضل ان يكون الاستثمار بفائض المال