زيت الموتور فوق الماكس ب 1 سم, يعمل مشكلة ؟

السلام عليكم

عربيتي رينو كليو 2005 1400 سي سي 16 صباب
كنت بغير زيت مع الفلتر .. من كتالوج العربية .. فهي بتاخد 4.9 لتر
حطيت فيها 4.5 وقسته بعد ما دورت شوية علشان الزيت ينزل في الفلتر كان في النص بين الماكس والمينمم
فكملت ال5 لتر

لما روحت حبيت اطمن عليها الصبح لقيت الزيت فوق الماكس ب 1 سم !
ومشيت بيها حوالي 100 كيلو ,
تنصحوني انزل الزيت ولا اعمل ايه ؟ وهيكون فيه مشكلة لو كملت بيه كده ؟

وازاي اقيس الزيت صح ؟ في ناس بتقول لازم تشغل الموتور وتطفيه وتستني 5 دقائق وبعدين تقيس
وناس تقول تقيس لما تكون العربيه مبطله من فتره

-------------
سؤال تاني
العربيه ماشية 92 الف كيلو .. بقالي غيارين بحط كاسترول ماجنتك 10w40 نصف تخليقي
وكاسترول نزلت 5w30 تخليقي بالكامل وعايز احطه .. ايه رأيكم ؟

متهيألي 1 سم زيادة يعتبر كتير...

المفروض لو الزيت كان أعلى من علامة الـMax مايكونش أعلى منها بأزيد من ربع التدريج بين الـMin والـMax

يعني لو فرضنا مثلا إن التدريج عندك مسافته 3 سم تقريبا.. يبقى الـ1 سم تعتبر 33% زيادة


بالنسبة لطريقة قياس الزيت.. فأغلب كتالوجات العربيات بتنصح إنك تشغل العربية شوية وبعدين تستنى حوالي 5 دقايق وبعدين تقيس المستوى.. وده المكتوب في كتالوج الكليو (صفحة 4.03)..

تقدر تنزله من هنا..
https://www.cdn.renault.com/content/...2BI/manual.pdf


...

اقتباس:

---

المشاركة الأصلية كتبت بواسطة borio1704

متهيألي 1 سم زيادة يعتبر كتير...

المفروض لو الزيت كان أعلى من علامة الـMax مايكونش أعلى منها بأزيد من ربع التدريج بين الـMin والـMax

يعني لو فرضنا مثلا إن التدريج عندك مسافته 3 سم تقريبا.. يبقى الـ1 سم تعتبر 33% زيادة


بالنسبة لطريقة قياس الزيت.. فأغلب كتالوجات العربيات بتنصح إنك تشغل العربية شوية وبعدين تستنى حوالي 5 دقايق وبعدين تقيس المستوى.. وده المكتوب في كتالوج الكليو (صفحة 4.03)..

تقدر تنزله من هنا..
https://www.cdn.renault.com/content/...2BI/manual.pdf


...

---

الف شكر يا غالي
هقيسه بالطريقة دي لعل وعسي القرايه تتغير
وبرضو هتأكد من حكاية ربع المسافة


لو لاقيته زايد .. ينفع اعمل الطريقة دي ؟

ولا ممكن اخرب حاجه .. معلوماتي على قدي معلش
[youtube]https://www.youtube.com/watch?v=ccAYvhl8SK0[/youtube]
.
.
.

اقتباس:

---

المشاركة الأصلية كتبت بواسطة Silent Storm

الف شكر يا غالي
هقيسه بالطريقة دي لعل وعسي القرايه تتغير
وبرضو هتأكد من حكاية ربع المسافة


لو لاقيته زايد .. ينفع اعمل الطريقة دي ؟

ولا ممكن اخرب حاجه .. معلوماتي على قدي معلش
https://www.youtube.com/watch?v=ccAYvhl8SK0
.
.
.

---

ينفع طبعا تستخدم الطريقة دي... بس اتأكد إن الخرطوم طوله أطول من عصاية مقاس الزيت... علشان ما يقعش منك جوة وما تعرفش تجيبه.

ولما تعملها حاول دايما إن مستوى الزيت يكون بين العلامتين.. مش أكتر ولا أقل.. يعني مش لازم يكون الزيت عند علامة الـMax.. ممكن أقل ومفيش مشاكل ما دمت ما نزلتش عن علامة الـMin.


...

اقتباس:

---

المشاركة الأصلية كتبت بواسطة borio1704

ينفع طبعا تستخدم الطريقة دي... بس اتأكد إن الخرطوم طوله أطول من عصاية مقاس الزيت... علشان ما يقعش منك جوة وما تعرفش تجيبه.

ولما تعملها حاول دايما إن مستوى الزيت يكون بين العلامتين.. مش أكتر ولا أقل.. يعني مش لازم يكون الزيت عند علامة الـMax.. ممكن أقل ومفيش مشاكل ما دمت ما نزلتش عن علامة الـMin.


...

---

تسلم يا باشا :)

كنت عايز رأيك في:

اقتباس:

---

سؤال تاني
العربيه ماشية 92 الف كيلو .. بقالي غيارين بحط كاسترول ماجنتك 10w40 نصف تخليقي
وكاسترول نزلت 5w30 تخليقي بالكامل وعايز احطه .. ايه رأيكم ؟

---

كنت بحط الاول موبل بعدين غيارين كاسترول gtx المعدني للاسف بعدين حولت على ماجنتك بنصيحه من كاسترول .. وعايز احط اللزوجه الاقل لان دي تقريبا الموصي بها للعربيه
فايه رأيك ؟

اقتباس:

---

المشاركة الأصلية كتبت بواسطة Silent Storm

تسلم يا باشا :)

كنت عايز رأيك في:


كنت بحط الاول موبل بعدين غيارين كاسترول gtx المعدني للاسف بعدين حولت على ماجنتك بنصيحه من كاسترول .. وعايز احط اللزوجه الاقل لان دي تقريبا الموصي بها للعربيه
فايه رأيك ؟

---

يمشي معاك.. بس احنا معيارنا الأساسي هو المواصفات بتاعت الكتالوج..

عربيات رينو اللي بتنزل مصر كلها ليها نفس المواصفات بالنسبة لزيت الموتور..

دي صورة ملخصة توصيات رينو لزيت الموتور بالكامل (مواتير البنزين العادية):

http://nileup.com/up/uploads/nilemotors_14704983111.png

وعلشان تتأكد.. يا ريت ترجع لكتيب الصيانة الدورية اللي جاي مع العربية.. فيه كل التفاصيل..

وعلشان خاطرك.. أنا هعيد ردي اللي كنت قولته لبعض الزملاء هنا وكانوا بيسألوا على الزيت المناسب لعربياتهم الرينو (فلوانس وداستر):


حسب الصورة.. المواصفة مرنة جدا.. وبتسمح إنك تحط معظم درجات اللزوجة بمختلف مستويات الأداء..

وبناء عليه.. مواصفات الزيت كالتالي:

اللزوجة
0W-30 و 0W-40
5W-30 و 5W-40 و 5W-50
10W-30 و 10W-40 و 10W-50
15W-40 و 15W-50

كل درجات اللزوجة المكتوبة في الكتالوج تمشي معاك... لإن درجة حرارة التشغيل في مصر لا يمكن تنزل تحت الصفر.


مستوى الأداء
لازم الزيت يكون مطابق لمواصفة رينو RN0700
أو مطابق لإحدى مواصفات ACEA المكتوبة اللي هي A1 أو A2 أو A3 أو A5
أو مطابق لمواصفة API كحد أدنى SL.. يعني SM و SN يشتغلوا بردو


أفضل زيت واللي يشتغل معاك تمام هو اللي يبقى مكتوب عليه مواصفة رينو RN0700 مع مواصفة ACEA A3 أو A5 وكمان يكون واخد تصنيف عالي في API زي SM أو SN... كل ده مع بعض.

فاحنا هنشوف من الكتالوج درجات اللزوجة المتكررة في الـ3 مواصفات دول وندور على زيت يناسبنا في السوق.

يبقى اللزوجات الأفضل هي:
10W-40
أو 5W-30 أو 5W-40
أو 0W-40 أو 0W-30

ما اعتقدش إن 0W-30 موجود في السوق.. إنما الباقي موجودين

طبعا.. اللزوجات دي مفيش منها زيوت معدنية في مصر.. أقل حاجة هتكون شبه تخليقي

هنا بقى اختيار اللزوجة يعتمد على أسلوب سواقتك..


عموما.. خلينا نشوف الأول إيه الزيوت المتاحة اللي تناسب اللي قولنا عليه ده كله:

شل هيليكس ألترا 5W-30
shell helix ultra 5w-30 | shell global

شل هيليكس ألترا 5W-40
shell helix ultra 5w-40 | shell global

آمسويل يوروبيان 5W-40 classic
amsoil european car formula 5w-40 classic esp synthetic motor oil

آمسويل يوروبيان 5W-40 improved
amsoil european car formula 5w-40 improved esp synthetic motor oil

آمسويل يوروبيان 0W-40
amsoil european car formula 0w-40 classic esp synthetic motor oil


على فكرة .. لزوجة 10W-40 هي فعلا المفضلة بالنسبة لرينو.. بس للأسف أنواع الزيوت اللي باللزوجة في السوق المصري نادر إنها تكون مطابقة لمواصفة رينو RN0700


للأسف.. موبيل وكاسترول وتوتال معندهمش حاجة فيها كل المواصفات دي متجمعة مع بعض... ومع ذلك .. تقدر تستخدم من عندهم بعض الزيوت اللي تمشي معاك.. بس مش هتكون أفضل شيء حسب الكتالوج.


...

متششششكر جداااااااا ليك
استفدت جدا ^______^

لو كده هكمل على 10w40 ان شاء الله .. هو كويس معايا .. بس سواقتي رياضيه حبتين وبقرص ع الموتور واجيب rbm عالي علشان كده كنت عايز اغير



كاسترول ماجنتك اللي بحطه
http://arabia.castrol.com/sites/defa...tec_10W-40.jpg

اقتباس:

---

معايير تصنيف زيوت المحركات حسب معهد البترول الأمريكي API SN

---

أهم حاجة خلي بالك إن العربية تكون على أرض مستوية لأن مقاس الزيت بيعتمد على الوضع الأفقي للعربية
أنا عملت زيك و زودت الزيت مرة بناءا على مقاس الزيت و كانت العربية مايلة
لما وقفت في أرض ميتوية لقيت الزيت قوق الMAX ب 5 سم
عملت زي ما انت قلت كده و جبت سرنجة 50 سم و خرطوم محلول و شفطت الزيت من المقاس
سحبت تقريبا 20 سرنجة يعني لتر و شوية و المقاس بقى يدوب عالماكس
الخلاصة أهم حاجة في القياس الأفقية
تاني حاجة الكتالوج عندي بيقول بعد ما أبطل العربية و هي سخنة خمس دقايق أقيس
و في الحالة دي بيكون الزيت تقريبا في النصف بين الmin و ال MAX

اقتباس:

---

المشاركة الأصلية كتبت بواسطة Silent Storm

متششششكر جداااااااا ليك
استفدت جدا ^______^

لو كده هكمل على 10w40 ان شاء الله .. هو كويس معايا .. بس سواقتي رياضيه حبتين وبقرص ع الموتور واجيب rbm عالي علشان كده كنت عايز اغير



كاسترول ماجنتك اللي بحطه
http://arabia.castrol.com/sites/defa...tec_10W-40.jpg

---

زي ما قلتلك قبل كده...

مفيش مشاكل إنك تستخدمه.. ولكن مش هو ده أفضل شيء لموتورك... خصوصا إن الزيوت المناسبة للموتور متاحة في السوق.


وخلي بالك من نقطة مهمة جدا فايتة على ناس كتير...

مستوى الأداء (أكواد الـAPI والـACEA والحاجات اللي زيهم) أهم بكتييييييير من درجة اللزوجة.


عموما... لو معظم سواقتك فيها قرص على الموتور.. فالأفضل إنك تروح على لزوجة أعلى... حسب الكتالوج طبعا.

أنصحك تدخل على الموضوع ده.. ممكن يفيدك..
http://www.nilemotors.net/Nile/481878-a.html


...

اقتباس:

---

المشاركة الأصلية كتبت بواسطة sherif_mahalla

أهم حاجة خلي بالك إن العربية تكون على أرض مستوية لأن مقاس الزيت بيعتمد على الوضع الأفقي للعربية
أنا عملت زيك و زودت الزيت مرة بناءا على مقاس الزيت و كانت العربية مايلة
لما وقفت في أرض ميتوية لقيت الزيت قوق الMAX ب 5 سم
عملت زي ما انت قلت كده و جبت سرنجة 50 سم و خرطوم محلول و شفطت الزيت من المقاس
سحبت تقريبا 20 سرنجة يعني لتر و شوية و المقاس بقى يدوب عالماكس
الخلاصة أهم حاجة في القياس الأفقية
تاني حاجة الكتالوج عندي بيقول بعد ما أبطل العربية و هي سخنة خمس دقايق أقيس
و في الحالة دي بيكون الزيت تقريبا في النصف بين الmin و ال MAX

---

تمام :tumb:

اقتباس:

---

المشاركة الأصلية كتبت بواسطة borio1704

زي ما قلتلك قبل كده...

مفيش مشاكل إنك تستخدمه.. ولكن مش هو ده أفضل شيء لموتورك... خصوصا إن الزيوت المناسبة للموتور متاحة في السوق.


وخلي بالك من نقطة مهمة جدا فايتة على ناس كتير...

مستوى الأداء (أكواد الـAPI والـACEA والحاجات اللي زيهم) أهم بكتييييييير من درجة اللزوجة.


عموما... لو معظم سواقتك فيها قرص على الموتور.. فالأفضل إنك تروح على لزوجة أعلى... حسب الكتالوج طبعا.

أنصحك تدخل على الموضوع ده.. ممكن يفيدك..
http://www.nilemotors.net/Nile/481878-a.html


...

---

الف شكر يا بشمهندس ^_^

ان شاء الله هغير باللي قلت عليه المره الجاية

اقتباس:

---

عموما.. خلينا نشوف الأول إيه الزيوت المتاحة اللي تناسب اللي قولنا عليه ده كله:

شل هيليكس ألترا 5W-30
shell helix ultra 5w-30 | shell global

شل هيليكس ألترا 5W-40
shell helix ultra 5w-40 | shell global

آمسويل يوروبيان 5W-40 classic
amsoil european car formula 5w-40 classic esp synthetic motor oil

آمسويل يوروبيان 5W-40 improved
amsoil european car formula 5w-40 improved esp synthetic motor oil

آمسويل يوروبيان 0W-40
amsoil european car formula 0w-40 classic esp synthetic motor oil


على فكرة .. لزوجة 10W-40 هي فعلا المفضلة بالنسبة لرينو.. بس للأسف أنواع الزيوت اللي باللزوجة في السوق المصري نادر إنها تكون مطابقة لمواصفة رينو RN0700

---

وهختار
آمسويل يوروبيان 5W-40 improved

بس عايز اعرف من فضلك ايه الجزئية الوحشه في كاسترول بالنسبه لعربيتي
مع العلم انه اللي حسيت فعلا معاه بهدوء الموتور


برضو نصيحه حضرتك عند تغيير الزست اعمل غسيل بالفلش ولا لا لأني متخوف منه جدا جدا جدا
ولا ينفع اغير نوعيه الزيت من غير غسيل ؟

اقتباس:

---

المشاركة الأصلية كتبت بواسطة Silent Storm

الف شكر يا بشمهندس ^_^

ان شاء الله هغير باللي قلت عليه المره الجاية

وهختار
آمسويل يوروبيان 5W-40 improved

بس عايز اعرف من فضلك ايه الجزئية الوحشه في كاسترول بالنسبه لعربيتي
مع العلم انه اللي حسيت فعلا معاه بهدوء الموتور


برضو نصيحه حضرتك عند تغيير الزست اعمل غسيل بالفلش ولا لا لأني متخوف منه جدا جدا جدا
ولا ينفع اغير نوعيه الزيت من غير غسيل ؟

---

بالنسبة لكاسترول ماجناتك... مشكلته إنه مش مطابق لمواصفات رينو ولا لمواصفات ACEA...

زي ما قلتلك قبل كده... أفضل زيت لموتورك هو اللي يحقق ال3 مواصفات... بس الكتالوج بردو بيسمح باستخدام زيوت مش محققة ال3 مواصفات.. وده من وجهة نظري بيديك مرونة في اختيار الزيت... بس أداء الزيت مش هيكون أفضل ما يمكن.


بالنسبة لاستخدام الفلش... ما أنصحش بيه نهائيا إﻻ في حالة وجود ترسبات طينية... ودي بتحصل لما تستخدم زيوت مستواها أقل من المطلوب أو لو ما كنتش بتغير الزيت في مواعيده.


ادخل على المشاركة دي لمعلومات أكتر..
http://www.nilemotors.net/Nile/3874869456-post2.html


...

مع الوقت اويل سيلات الموتور (الكرنك) تضرب

اقتباس:

---

المشاركة الأصلية كتبت بواسطة borio1704

بالنسبة لكاسترول ماجناتك... مشكلته إنه مش مطابق لمواصفات رينو ولا لمواصفات ACEA...

زي ما قلتلك قبل كده... أفضل زيت لموتورك هو اللي يحقق ال3 مواصفات... بس الكتالوج بردو بيسمح باستخدام زيوت مش محققة ال3 مواصفات.. وده من وجهة نظري بيديك مرونة في اختيار الزيت... بس أداء الزيت مش هيكون أفضل ما يمكن.


بالنسبة لاستخدام الفلش... ما أنصحش بيه نهائيا إﻻ في حالة وجود ترسبات طينية... ودي بتحصل لما تستخدم زيوت مستواها أقل من المطلوب أو لو ما كنتش بتغير الزيت في مواعيده.


ادخل على المشاركة دي لمعلومات أكتر..
http://www.nilemotors.net/Nile/3874869456-post2.html


...

---

تمام متشكر يا باشمهندس
قريت الموضوع مفيد جداً واحييك على المعلومات القيمة

هل فيه فرق كبير بين آمسويل يوروبيان 5W-40 improved والكلاسك ؟
ولو قررت اغير ايه الاحتياطات اللي اعملها من تغيير زيت لزيت مادام الفلش مش مسموح ؟
ومتشكر جدا جدا لذوقك وتواجدك المميز في الموضوع

اقتباس:

---

المشاركة الأصلية كتبت بواسطة تامر.محمد

مع الوقت اويل سيلات الموتور (الكرنك) تضرب

---

انا غيرتها فعلاً لما كنت بغير سير الكاتينه, الميكانيكي قالي جايبين زيت
بس مش فاهم ليه
ممكن حضرتك توضحلي ؟

اقتباس:

---

المشاركة الأصلية كتبت بواسطة Silent Storm

تمام متشكر يا باشمهندس
قريت الموضوع مفيد جداً واحييك على المعلومات القيمة

هل فيه فرق كبير بين آمسويل يوروبيان 5W-40 improved والكلاسك ؟
ولو قررت اغير ايه الاحتياطات اللي اعملها من تغيير زيت لزيت مادام الفلش مش مسموح ؟
ومتشكر جدا جدا لذوقك وتواجدك المميز في الموضوع

---

الفرق الكبير في السعر :)

وعلى حسب ما أنا فاهم.. الكلاسيك غالبا تخليقي من زيت أساس معدني .. إنما الـImproved تخليقي حقيقي من زيت أساس تخليقي PAO.

من وجهة نظري مفيش فرق هتحسه بين الزيتين في عربيتك... بس ممكن يفرق في عربيات تانية..

وعلشان أوضح أكتر.. هقارن بسرعة بين الزيتين..

الزيت الكلاسيك (باللون الأسود) الزيت الـImproved (باللون الأخضر)

كلاسيك: API SN, SM ............................. إمبروفد: API SN, SM, CF (مناسب لسيارات الديزل أيضا)
كلاسيك: ACEA A3/B3, A3/B4 .............. إمبروفد: ACEA C3 (موفر في البنزين وقليل في شوائب الكبريت)
كلاسيك: GM LL-B-025 ......................... إمبروفد: ™GM dexos 2 (المواصفة الجديدة لجنرال موتورز لمحركات الديزل)
كلاسيك: BMW LL-01 ............................ إمبروفد: BMW Longlife-04 (أحدث مواصفة لـBMW)
كلاسيك: MB-Approval 229.5 ................ إمبروفد: MB-Approval 229.51 (مواصفة محدثة من 229.5)
كلاسيك: Renault 0700, 0710 ................. إمبروفد: Renault 0700, 0710
كلاسيك: Volkswagen 502.00, 505.00 .... إمبروفد: Volkswagen 502.00, 505.01
كلاسيك: لا يوجد ........................................ إمبروفد: Chrysler MS-10850 (= مواصفة مرسيدس 228.31 لمواتير الديزل)
كلاسيك: لا يوجد ........................................ إمبروفد: Ford WSS-M2C917-A


من وجهة نظري.. وفر فلوسك وهات الكلاسيك... وكده كده ابقى خليه في الموتور مدة سنة.

والاختيار لحضرتك طبعا :)


...

ربنا يكرمك يا بشمهندس متشكر جداً
ان شاء الله بعد الغيار الجاي نجرب الامسويل