عربيتي الجين 2 بتاكل بنزين!

**Abdulhamid** · 06-08-2016 05:05 PM

السلام عليكم ورحمة الله وبركاته،،،

انا لسه شاري بروتون جين 2 موديل 2006 اوتوماتيك من فترة قريبة جدا وطبيعي لما اخدت العربية كشفت عليها وحطتها على جهاز كشف الاعطال وماكنش فيها غير عيب في بدال البنزين وغيرته بواحد استيراد من عند الامير.
عملتها صيانة كاملة غيرت كل الفلاتر وسيور وزيت الموتور وغيرت زيت الفتيس كمان.

نيجي لمشكلة استهلاك البنزين الرهيب 17 كم لكل 100 كيلو (داخل المدينة بالتكييف والسرعة لا تتجاوز 110 كم لو الطريق فضي)

من يومين غيرت رشاشات بنزين استيراد ولسه تحت التجربة. ومع ذلك قراءة العربية لاستهلاك البنزين 13 لتر لكل 100 كيلو والقراءة مش عايزة تنزل عن الرقم دا!

افيدوني اعمل ايه تاني؟ ولا ابيع العربية وعوضي على الله؟؟

**ahmed.biso13** · 06-08-2016 09:25 PM

انا راى تروح لمركز الصفا فى جسرالسويس يظبط البوابة بتاعة البنزين ويظبط التاكيهات
وتشوف بعد كده القياس
الا ان
راى هذ الاستهلاك مناسب
لان التكييف بيستهلك بنزين زيادة لانه حمل على الماتور
واصبر شوية على العربية لغاية السوق مايستقر وابقى شوف حاجة احسن

**Abdulhamid** · 07-08-2016 12:57 PM

المشاركة الأصلية كتبت بواسطة ahmed.biso13

انا راى تروح لمركز الصفا فى جسرالسويس يظبط البوابة بتاعة البنزين ويظبط التاكيهات
وتشوف بعد كده القياس
الا ان
راى هذ الاستهلاك مناسب
لان التكييف بيستهلك بنزين زيادة لانه حمل على الماتور
واصبر شوية على العربية لغاية السوق مايستقر وابقى شوف حاجة احسن

شكرا على الاهتمام والرد ياباشا
العربية حلوة وعجباني بس مكنتش اعرف ان استهلاكها بالشكل دا