اخوانى الكرام فجاة تكييف الاوكتافيا a7يخرج هواء عادى من غير اى برودة والفيوزات سليمة والعربية موديل 2014 لسة ماشية عشر الاف كيلوو وانتهى الضمان وحاجة تحبط لما عربية زيرو يحصل لها كدة افيدونا
عرض للطباعة
اخوانى الكرام فجاة تكييف الاوكتافيا a7يخرج هواء عادى من غير اى برودة والفيوزات سليمة والعربية موديل 2014 لسة ماشية عشر الاف كيلوو وانتهى الضمان وحاجة تحبط لما عربية زيرو يحصل لها كدة افيدونا
دا عيب بلف كونترول الكباس او كباس لو فيها شحنة كاملة او عيب نقص فريون بسبب عدم التشغيل في الشتا
راجع الضمان اولا
الضمان انتهى ازاي؟
والتكييف لازم تشغله في الشتا مره او مرتين ١٠دقايق في الاسبوع
اخى الفاضل شكرا على الاهتمام والافادة بس انا حضرتك كنت اشغل المكيف فى الشتاء وكنت اداوم على ذلك هو انا لما ادوس مغتاع ac لا شى يتغير بس ملاحظ انة المروحة مبتشتغلش يا ترى برضو بسبب الكباس ولو بلف الكباس دة سهل يتغير انا لى سنتين و3 شهور مشترى العربية والضمان سنتان فقط
حضرتك ان شاء الله الموضوع يكون بسيط ممكن يكون فيه تسريب فى دورة التكبف ادى الى فقد الشحنة ممكن مركز موثوق فيه يفيس الشحنة و اكيد هيحدد العيب فين
حضرتك تقصد المراوح الخارجية بتاعته الراديتير ولا مروحة الطابلوه او البلاور فان؟
لان لو الخارجية يبقى التكييف مابيشتغلش اساسا ودا عيب كهربا او نقص فريون
لو الداخلية يبقى مشكلة كهربا او حساس حراره
عموما قيس شحنة الفريون اولا قبل التشغيل وشوف ضغط الكباس على العدادات بيتغير يبقى الكباس بيشتغل مابيتغيريش يبقى مابيشتغلش
وهنا وارد يبقى عيب كهربا فيوز او كتاوت او فيش واسلاك توصيلات الكهربا ء بالذات اذا كان فيه فريون بس وارد في نفس الوقت عيب نقص فريون لو عملت قفلة على حساس الضغط او شغلت الكباس دايركت واشتغل تقدر تطمن على الكباس و هنا لازم نعالج التسريب اولا وتغير بلف كونترول الكباس لانه بيضعف مع الوقت
احسن حاجه روح شوف كلام واكشف في التوكيل واعرف التكلفة والسبب الاول
اخوانى اليوم ذهبت عند واحد كهربائى سيارات واول ما قاس الفريون قال لى المكيف مفيهوش فريون خالص وقعد يدور على مكان للتسريب بالماء والصابون فلم يجد اى مكان للتسريب المهم شحنت فريون اشتغل المكيف وقال لى جرب وتعالى لو هرب نحل التابلوة ونشوف الثلاجة كلام كانة يقول هعمللك قلب مفتوح
العربية ليس بها اى خبطات فى اى حتة وماشية فقط عشرة الاف كيلو يا ترى ايه سبب تهريب الفريون وهل لو سافرت للتوكيل ممكن عندة اجهزة يعرف بيها مكان التهريب ولا برة التوكيل زى جوة وهل عدم استعمال المكيف لفترات طويلة ممكن يسرب الفريون مين يدلنى حالتى النفسية زفت ازاى عربية المانى ناقص اشيلها وامشى بيها تعمل كدةة بعد عشرة الاف كيلو فقط
عدم استخدام المكيف مش مبرر لتسريب الفريون الا لو سبته ل فترات كبيرة جدا لحد ما ال سيلات الكاوتش نشفت و بدات تسرب فريون و ده مش متوفر في حالة حضرتك. طالما ما فيش فريون يبقي فيه مكان تسريب لازم يتصلح ممكن يكون سيلات كاوتش او وصلة عاوزة تتربط كويس او حتي خرم في احد المواسير. طالما مالقتش مكان التسريب و صلحته توقع ان الفريون يتسرب تاني. امتي بقي يتسرب يتوقف علي حجم و مكان الخرم في المواسير.
اخى الفاضل المحترم اشكر سعادتك على التفاعل معى وربنا يجعلة فى ميزان حسناتك
بس لى استفسار عن التوكيل الى فى القطامية هل عندة اجهزة حديثة للتعرف على مثل هذة المشكلة ولا الامر زى برة صنايعى يجرب فى الزبون وان ما كنش دة يبقى دة لحد ما الزبون يولع فى العربية وخاصة ان تجربتى طويلة من قبل مع التوكيل والصنايعية فى سيارة مرسيدس بعتها
ممكن تشحن فريون بالصبغه او الكترونك ليك دتكتور
هنحتاج بس نشحن فريون بالصبغه(ماده بتلون الفريون والفريون بيلون مكان التسريب اللي بيخرج منه ونقطع الشك باليقين ) ونحتاج لو فيه تراب كتير على الموتور يتغسل بالفوم والهوا طبعا للمواتير الانجكشن وعربية جديده زي اللي مع حضرتك عشان الصبغة تبان مع الكشاف ونجرب العربية فتره حلوة وبعدين نكشف بالكشاف
و انا عندي كشاف الصبغة الفوق بنفسجيه ومكاني في القاهرة
والتوكيل عنده محطة الخدمه الكبيره بالكومبيوتر بتعمل فاكيوم وليك تست والمفروض انا بتغير الزيت وتشحن فريون بالصبغة عشان لو عملت اي تسريب مستقبلا يكشفوا عليه بس الفكرة الفني بتاع التوكيل ممكن يعمل فاكيوم ويوقف ربع ساعة مش هايظهر حاجه معاه طبعا لو تسريب بسيط يورح دايركت شحن وممكن فريون من غير صبغة توفيرا للخامات لان معظم تكلفة الفريون بتخش على ورشة الضمان والعميل مش هايدفع حاجه فبيبقى تكلفة عليهم يبقى يشحنو فريون وكمان صبغة المهم روح التوكيل وخليهم يعملوا كشف ويزبطوا الشحنه لانه ببستخدموا فريون وأجهزه كويسه وانت هتلاقي فرق وحاول تغلس عليهم يدخلوها ضمان اعمل نفسك ماتعرفش حاجه عن ضمان التكييف وان العربيه كلها على بعضها ضمانها كذا وحماية المستهلك والكلام دا
اليوم توكيل غمرة قال لى بعد الكشف انة العربية بها تسريب داخلى ولازم تغير سربنتينة المكيف الداخلية طيب عرفت ازاى قال حطيناها على الجهاز اخوانى انا مرعوب على فك التابلوة يا ترى اصدق كلامهم واغير وهل يرجع التابلوة زى الاول. ارجو من عنده خبرة يفيدنى لوجة اللة وكم س
اعة يستغرق هذا الامر
اليوم توكيل غمرة قال لى بعد الكشف انة العربية بها تسريب داخلى ولازم تغير سربنتينة المكيف الداخلية طيب عرفت ازاى قال حطيناها على الجهاز اخوانى انا مرعوب على فك التابلوة يا ترى اصدق كلامهم واغير وهل يرجع التابلوة زى الاول. ارجو من عنده خبرة يفيدنى لوجة اللة وكم ساعة يستغرق هذا الامر
هاقول لحضرتك المعلومات الفنية دي للمساعدة والافاده ولان كلنا اخوه هنا في هذا المنتدى العزيز على قلبي واعذرني للاطاله عليك وانصحك تتفرج على الفيدوهات اللي عندك في الأخر
بالنسبة للتوكيل وكشفه بالجهاز فهو اعتمد على طريقة الفاكيوم وانا شرحها في بقية كلامي وبالنسبه للطابلوه هايفك الطابلوه عادي جدا ومافيش قلق هايرجع زي الاول حضرتك انت استلمه صح وراجع عليه قبل ماتمشي ونبه عليهم قبل الشغل انهم ملزمين بتغيير اي حاجه تبوز منهم غير كدا هم بيبقوا عارفين كل مسمار وعندهم المعدات والمنوالات الخاصة بالورش للصيانه
حتت انهم عرفوا منين انها التلاجه فغالبا ( لان طريقة الكشف بالصبغة والاشعة فوق البنفسجية او بالليزر زي مابيسموها ومتعارف عليه ماحدش بيستخدمها غير كدا في جهاز الكتروني ليك دكتكور بيصدر نغمات واصوات عند وجود تسريب الطريقتين مافيش حد او انا ماشفتش وماعرفش حد بيستخدمهم وخليني اتكلم عن نفسي من خلال خبرتي في السوق سواء مراكز صيانه او مراكز خدمة او حتى توكيلات زي غبور على سبيل المثال مع ان كل دول عندهم الامكانيات بس الفنيين بيقلبوا الشغل غالبا ويعتمدوا على الخبرة والعيوب الشائعة والقصة دي انا قلتها لحضرتك سابقا )
اللي بيتم كبس النظام هوا او بيعمل فاكيوم ( الفاكيوم بيفرغ النظام من الهواء فقط وينتظر ويراقب العدادات او في التوكيلات والمراكز الكبيره اللي بتستخدم محطة خدمة شحن التكييف بالكومبيوتر الجهاز بيبقى في الاوبشن دا انه يدي الفني انذار او الارم ان التكييف بيسرب بس مش اكتر من كدا فيمنعه انه يشحن على الفاضي توفيرا للفريون كمان بيبقى فيه خاصية شفط الفريون او استرجاع وتغيير الزيت من غير فك اي جزء ) ويراقب الضغط على العدادات ويسيبه نص ساعه لو الضغط نزل او الفاكيوم ارتفع يبقى كدا في تسريب وبيكشف خلال الفترة دي ولما يكبس هوا بس عن طربق المياه والصابون والفقاقيع مع ملاحظة ان الطريقة دي بتنفع فقط مع التسريبات الكبيره زي الخراطيم والوصلات اللي مابتبقاش مربوطه كويسه او فيها تنفيس بسيط بسبب اولسيه ضارب ومابتجبش غير منطقة حوض الموتور اللي فيها الكباس والسربنتينه الخارجية والوصلات والخراطيم والمواسير وطالما الفني مالقاش تسريبات في دول يبقى التسريب في التلاجه لانها الجزء اللي فاضل(كاتخمين لان هي الحاجه الوحيده اللي ماكشفش عليها ) بس عشان تتأكد اكتر انها هي ولا لا المفروض انها (التلاجه)
تتعزل يعني لو حضرتك عايز تعمل الحوار دا برا زيادة تأكيد قبل تصلح ويرجع العيب في حاجه تانيه استخدم احد الطريقتين
١- اعزل التلاجه يعني الوصلات الداخله ليها تتطبب( الطبب دي هاتشتري وصلات او تخرطها او فيه فنيين زي ( أحمد حنفي في المعادي والمهندس حارث في فيصل محطة المطبعة ومركز كوول اير في الحرفيين انا ماتعاملتش معاهم بشكل شخصي لكن سمعتهم في الشغل كويسه جدا بيبقوا عاملين حسابهم في الحوارات دي ) وتضغط باقي النظام هوا لغاية 300psiوننتظر لمدة ساعة على الاقل ( بأكد عليك من غير التلاجه لانها ممكن ماتستحملش الرقم دا ولو استحملته ممكن كبسها يطق مع ضغط الفريون لما تتشحن لانها في الظروف الطبيعية مابتشتغلش عند الرقم دا) وخلال الفتره دي يكشف على الكباس والخراطيم والسربنتينه الخارجية بالماية والصابون كويس ويتراقب الضغط لو الدنيا تمام التلاجه وتتاكد اكتر بعد فكها من خلال انك بتكبسها لوحدها برا ( مثلا الضغط يبقى ١٠٠:١٥٠psi مايزدش عن كدا ) وبتعملها طبب خاصة او الفني الشاطر واللي عنده عده ومعدات وفاهم بيجهز الكلام دا عنده ويستني ساعة وكمان يغطسها في مياه وبيبان او بيكون واضح اول مابتطلع بقع الزيت وتراكم الغبار عليها زي الطينه ودا بيبقى مسربة بشكل قاطع.
الطريقة دي بتاخد وقت وممكن العربية تبات في التوكيل لو الفني بوز حاجه ولا في قطع غيار ناقصة في المخزن وبعتوا يجيبوها المهم روحلهم بدري من اول اليوم وربنا يكرمك وتطلع اخر اليوم و مهم كمان تسألهم ضمان التكييف دلوقتي قد ايه بعد التصليح؟؟؟؟
٢-الطريقة التانية بشحن فريون بالصبغة وتستخدم التكييف لغاية ما الفريون يفضى وبعدين نكشف بالكشاف والنظاره الخاصة ومهم جدا ان خرطوم صرف التكييف ييقى نظيف وسالك لانه هوا الحكم هنا او المكان اللي بتظهر فيه الصبغة طبعا باقى اجزاء التكييف لازم تبقى نظيفه عشان تبان وتظهر مع كشاف الاشعة الزرقا او UV او الليزر زي مابيتسمى .
دا في حالة اذا كان فيها تسريبات ودي مابتاخدش وقت كتير غير انك بتنتظر لما الفريون يفضى ( يوم يومين شهر على حسب بيفضى في قد ايه وقت)
حاجه اخيره حابب انك تعملها وانصحك بيها بتغيير الخراطيم وجميع الاولسيهات وتغيير ابر بلوف الخدمة او الشحن لو تم الكشف بطريقة الفاكيوم لان احيانا بيبقى فيها تسريبات ومابتظهرش بالطريقة دي.
اسأل عن قطع الغيار والتكاليف داخل التوكيل وخارجه وقارن مستوى الشغل .
ودي مشاركة ليا في احد المواضيع شبه موضوعك وفيها روابط فيديو تقدر حضرتك تعرف منها معلومات مفيده وطرق الكشف
ودا فيديو عربي لطريقة الكشف بالجهاز الالكتروني ليك ديتكتور
https://youtu.be/nY-MwtXU5bI
اخى الفاضل تحية اعزاز وتقدير لسعادتكم على تلكم المعلومات القيمة جدا جدا ولكرمكم واستفاضتكم فى الشرح وربنا يجعل كل هذا فى ميزان حسناتك. يارب.
انا ذهبت للتوكيل الساعة 8 صباحا ومشيت منة الساعة 6مساء خلال هذة الفترة تم تغيير السربنتينة الداخلية مبلغ التكلفة 8000 جنية غير 1200 لصيانه12.5 الف كيلو. التقفيل بدرجة 90 فى المائة مع بعض اللحوسة فى فرش السقف والقوايم من الداخل خاصة انى لونة ابيض وادينى موش عارف انظفه ازاى لانة اكيد هيسيب اثر بالاضافة الى لحوسة و لاسباب كتير اولها كرم واحترام وزوق عالى جدا من صاحب التوكيل الذى اثرنى بفضلة عمل لى تخفيض محترم فتحية اعزاز للدكتور على بك وانا الان بجرب واشوف
شكرا لكلام حضرتك كلنا اخوات وفي المساعده يافندم
احيه على البلد حسبي الله ونعم الوكيل
8000
بالخصم اوفر الصراحة
التلاجة اساسا برا تعمل كام؟وصناعة ايه ؟
ليهم حق مراكز التكييف تطلب 4 و 5 شابك راكب
1000 فك وتركيب تابلوه
500 مصنعيات اخري ( شحن وفريون وكشف واويلسيهات وفك وتركيب اكصدام وكشف وكبس و
واي قصة ماعدا قطع الغيار )
3500( سعر التلاجة الاصلي بالضمان من 6 شهور الى سنه وممكن تقل على حسب الصناعه وممكن تزيد)
بس ارجع اقول الوكيل احسن عشان الضمان المفروض التكييف يبقى ضمانه قد ايه بعد اللي اتعمل فيه ؟
بس من حقك كل حاجه ترجع زي ماكانت 100 \100
ماتتنازلش عن حقك والشغل المفروض يتعمل بنضافه عالية
ولازم تاخد منهم التلاجة القديمة والاجزاء اللي اتغيرت
وتشوف التنفيس فين عشان تطمن ان التكلفة تستاهل ومايبقاش في اي اعطال قدام ؟
ياترى حد اتفرج على الفيديوهات ولو بشكل سريع ؟؟؟
حضرتك اتفرجت عليها ؟؟؟؟
صعوبة الحوار كله في الطابلوه
ومش معضله لان فيه مراكز بتعمله
كمان التوكيل موجود الحمدلله الموضوع تم على خير باذن الله
لو اي حاجة ماتأجلش الزياره ليهم
وماتنساش
شغل تكييفك مرتين تلاته اسبوعيا صيف شتا
ماتشغلش التكييف وانت على سرعة نهائي يفضل على السلانسيه فقط
نظف السربنتينه والتلاجه وفلتر التكييف مره كل شهر او اتنين بالهوا
اتاكد ان خرطوم صرف حوض التلاجة سالك ومافهوش اي وساخة تلم تراب ورطوبه تملح وتبوظ التلاجه مستقبلا
حاول على ماتقدر الابتعاد عن ركن السيارة في الشمس فترات طويله
اتاكد دايما انك مشغل وضعية الريسكل للهوا
مادخلش هوا فريش الا لما تبقى عايز وفلتر التكييف راكب( وماتشلش فلتر التكييف فتره طويله) وماتنساش تقفله عشان الجو الجميل بتاعنا بيدخل تراب جامد يتراكم بعد فترة ويكون طينه مع ندي التكييف بيعمل تمليح والمواسير تتاكل وتنفس وتسرب الفريون
مرة اخرى تحية تقدير واحترام لحضرتك يا فندم
انا بالفعل اخدت السربنتينة المخلوعة واللة زى ما تكون لسة مطلعها من الكيس لان العربية مشت 12 الف كيلو فقط ولم اعرف ولم اسأل عن الجديدة صناعة اية اتلبخت لان وانا باستلم العربية كانو ناسبين خرطوم الفايظ وكانت المية بتنقط جوة العربية على رجلي فاصبت بالصدمة لان كان اول القصيدة كفر. ناهيك عن وساخة فرش القوايم وبعض اجزاء من فرش السقف بالمناسبة يافندم انظفها ازاى من غير ما تبقع لانى موش عاوز اغسل السطحية كلها لانة شفت الغسيل الكيماوى فى مركز فى اكتوبر عبارة عن دعك بالصابون ثم مسح بالمية ويقول لك فبريكة وغسيل كيماوى واسماء موش عارف شان كل حاجة فى البلد واحية ثم احية ثم احية المهم الحمد للة وحسبنا اللة
انا بالفعل شفت الفديوهات واشكر حضرتك عليها فهى قيمة جدا
هو حضرتك من سكان اكتوبر؟ ولا فين؟
في اي حي؟
هو انا ممكن اشوف التلاجه القديمة ونعملها كبس عشان نعرف العيب منها ولالا؟ لزيادة التأكيد عشان نتفادي اي أخطاء مستقبلية للاطمنآن.
وشكرا لكلامك وتحيتك ومانريد منكم لا جزاء ولا شكورا انما نبتغي وجه الله تعالى وحده في مساعدة الزملاء و نقل العلم