الموضوع: معلومات عن سيارتي وتجديدها وأماكن قطع الغيار

داتشيا نوفا 97

أولاً /
روحت أماكن كتير لقطع الغيار
رينو بورسعيد في نزلة كوبري غمره الحمد لله لقيت عنده صاج ولاقيت أبواب جديدة ورا شمال وقدام يمين وتخيلوا أني لاقيت شاسية جديد هناك
وفيه طبعاً حاجات ناقصة

رينو البساطي راجل محترم بس معندوش كل حاجتها بس بصراحة أنا أتبسطت

رينو هوم ميشيل حليم عنده كل حاجة ما عدا الأبواب وغالي موت الفوانيس لوحدها 300 والإشارات بـ45
والكبوت 1500 وأسعار بس أنا برضو بقول ربنا ما يحوجني ليه

وطبعاً روحت الوكالة وكل بتوع الرينو هناك عارفين الداتشيا بس بيقولولي ما فيش صاج إستيراد كل أللي لها عندهم عفشة وماكنة . ولا قيت تابلوة يركب عندي تحفة بس سعرة غالي
......
ثانياً /
أولا أشتريت 3 ألواح صاج وهعملها أكسدامين سبورت و فوجات وفتحات تهوية الأكسدام الواحد هيبقى جزئين علوي وسفلي

وأيضاً كبوت ورفرفين أمامي علشان تبقى وشها مظبوط على الشعرة .

ناوي برضو أغير الصالون بكراسي فيرنا أو أي كراسي تبقى كويسة

وفرش الأبواب كمان

وطبعاً ناوي أغير التابلوة بواحد رينو 9

السمكري صنايعي شاطر بس المشكلة أنه مش مقتنع أنها صاجها قليل وعاوزني أجيبلها أبواب
علشان متعدلها مقابض بيجو .

أنا بقول أجيب مقابض فيات أونو أو تمبرا وأركبها

ومكن الأزاز أغيره بس مش عارف أيه البديل أو أظبطها إزاي

المطلوب : أعرف أماكن لو فيها صاج أستيراد من عدمه زي عين شمس أو بورسعيد

ده رقمي بعد إذن الأدمن لو حد حابب يستفسر عن شئ
01200881298

أشرف فارس اخبارك ايه يارب تكون بخير وتخلص عربيتك على خير وتطلع افضل ما انت عايز ،، بخصوص مقابض الباب انت تقصد الاكره الداخليه ولا الخارجيه ، اصل انا عندي الاكره الخارجيه ادام يمين مكسوره ومش لقيها فلو ظهرة ادامك وانت بدور على حاجاتك ياريت تبلغني ، انت اشتريت كبوت ورفرفين ولا انا فهمت غلط ولو اشتريتهم يا ريت الاسعار وبخصوص موضوع الاكصدامات ياريت تحط صور ليهم بعد ما يخلصو على خير بالتكلفة يعني اشتريت صاج بكام ومصنيعيتهم كام ، الصالون وفرش الابواب هتلقي في موضوع في المنتدي لحد زملنا كان مغير فرش الابواب الداخلي لفرش لانوس ومعدل فيه وكاتب كل حاجه بالتفصل ، وموضوع مكن الازاز انا غيرت الاتنين الامامي عندي وكان الصنيعي هو الي مغيرهم وجيبهم من عندو وبيقولي بتوع كيا فافضل حاجه تخلي الي هيركبهم هو الي يجبهم عشان ميدخلجش في حوار لو طلعو مش تمام ،