سؤال عن عفشة البيكانتو

الحقيقة أنا جديد فى المنتدى العظيم بتاعكو ده ، وكمان فى عالم السيارات
سؤالى :
أنا لسه شارى بيكانتو 2008 ، من 4 شهور وعملت 5000 كيلو
رحت عملت صيانة ال 5000 فى أبو رواش و العربية استلمتها زى الفل ، كان ليا ملحوظة وهى انها بتتنطط جامد ومش ناعمة ، المهندس قاللى هنكشف على العجل والعفشة الأمامية وفعلا العربية بقت زى الفل. المشكلة اللى مديقانى جدا دلوقتى هو انى دلوقتى على المطبات وأوقات فى الطرق المتعرجه بسمع صوت تزييق فى العربية من ورا فى الناحيتين الخلفيتيين ده حصل فى يوم لما رجعت من التوكيل ( أنا ساكن فى الإسماعيلية 250 كيلو لغاية أبو رواش) .
مش عارف ده ممكن يكون ايه ، غير كده العربية 100 100 فى كل حاجة.
ممكن حد يساعدنى ويقوللى ايه سبب الصوت ده و ممكن أعمل ايه؟
شكرا

my e-mail : shadyjr100@yahoo.com
shadyjr100@windowslive.com

mob. 0122718993

السلام عليكم

انا كمان معايا بيكانتو 2008 و بعد صيانة ال 5000 بقيت أسمع صوت تزييق فى الجانب الشمال فى الخلف بس لسه هاروح اشوف فيها ايه

أنا عايزه أسأل على كتيب الضمان و الصيانه .. أنا لسه مستلمه بيكانتو2009 من التوكيل فى أبو رواش..بس لما سألته على كتيب الصيانه و الضمان قالى إنى باخده مع أول صيانه ...الكلام ده صح !!؟؟ ...أنا أعرف إن الناس كلها بتاخده من الأول ... ياريت لو حد يوضح لى علشان أنا قلقانه...

انا استلمت كتيب الضمان بعد العربية ب اسبوعين بس انا جبتها من محمد زكى

حضرتك بعد ما ترخص العربية ، تاخد صورة من الرخصة و تروح المعرض اللى انت جبتها منه ، و بتاخد كتيب الضمان .

السلام عليكم:
أولا للأخت اللى مخدتش كتيب الضمان ، فعلا ده صحيح وحصل معايا، قالولى كتيب الضمان مع اول صيانة لكن لما روحت المشوار الطحن ده 300 كيلو من الأسماعيلية ، عشان صيانة ال 5000 ، قالولى الضمان راح معرض عربيات فى المهندسين ، وطبعا لحد دلوقتى دايخ مش عارف اجيبة لأنى مش شارى العربية من معرض عربيات لكن من معرض فى اسماعيليه. المهم متقلقيش هما هيعملولك الصيانة الدورية بدون مشاكل ، لكن لو حاولتى تعملى اى صيانة فى النص لو ظهر اى مشكلة ورحتى توكيل تانى غير ابو رواش ( زى جاويش وعيسى توكيل كيا على طريق مصر اسماعيلية) زى ما انا ما عملت النهاردة ، مرضيوش يفحصوا العربية غير لما ياخدو الفلوس.قالولى من غير كتيب الضمان مش هنعملك حاجه ، اضريت ادفع فلوس ، والحمد لله المشاكل اللى انا كنت رايح عشانها زى ماهى ( صوت التزييق ورا ، وكمان علبة المية الخضرا كانت بتسرب) بصراحة توكيل معفن ، حتى هو عبارة عن ورشه وبس مش زى ابو رواش خالص . أنا هوديها ابو رواش مع صيانة ال 10000
.
قالوللى زيتنا العجل ، هى دى المشكله ، طبعا طلعو كدابين لكن مرضتش أرجعلهم وقولت هبقى اروح ابو رواش.
لو سمحت يا استاذ عمر ، ممكن موبايلك عشان ابقى اعرف منك قالولك ايه عن موضوع الصوت ده ؟؟
انا موبايللى 0122718993 لو حد عنده اى استفسار


سلام