-
ما بعد التسقيط
كنت طرحت مشاركه من فتره اخد فيها رايكو انى اسقط ولا اعمل عمره و بعد نقاش استخرت ربنا و قررت اسقط
اخدت الميكانيكى و نزلنا الوكاله و لفينا اكتر من ساعتين لحد ما لقينا مكنه استاندرد جبناها من محل اسمه الصعيدى بالفتيس
كان بيتكلم فى 4500 خلصناها على 3200
و بالفعل بص عليها الصنايعى و لففها الاول ب ايده و بص على بوجيه و لون الزيت
و دورنا المكنه على الارض كله تمام ومفيش اى حاجه
خدنا المكنه و الورق و اتكلنا على الله
سقطنا المكنه
و ركبنا الشكمان و غيرنا زيت و فلتر و دورنا
النتيجه
صوت ناعم جدا
عزم كويس جدا
سحب على التانى 60كم
و ده كله لسه مغيرتش طقم كهربا
بس فى مشكلتين دول محتاج رايكم فيهم
الاولى فى صوت تاكيهات يكاد يكون غير مسموع اطلاقا
التانيه
الشكمان بيجيب دخنه بيضه
الميكانيكى قالى احنا معانا شهر ضمان
قالى صوت المكنه و كبسها مريحنى بس قلقان من الدخنه البيضه
قالى احرق بيها مشوار سخن و اقرص عليها جامد لو الدخنه راحت خلاص يبقى ده كان تخزين او شئ عارض من النقل و الركنه
مراحتش يبقى نكلم الراجل و نرجعهاله زى ما متفقين والجديد النهارده بفتح غطا الموتور لقيت عليه زى رغاوى بيضا كده
بس دلوقتى لو رجعتهاله كده هتكلف مشال و مصنعيه تانى ولا تبقى على حساب التاجر
و انا كان عندى حل تانى
انا خايف برضو اجيب واحده تانيه و تطلع فيها مشكله اشيل انا الليله مصنعيات و مشال
ايه رايكم اعملها طقم شنبر ولا ارجع المكنه و اخد فلوسى و اعمل عمره للمكنه القديمه ارجوكم افيدونى انا بجد تعبت و نفسيتى زفت
-
رأي شخصي
رجعها و شوف غيرها لأن صرفك عليها مش مضمون و أما تصرف على عمرة موتورك الأصلي أحسن ما تصرف على عمرة موتور استيراد
و الأفضل تشوف مكنة تانية إستيراد يمكن ربنا ييسرلك و تلاقي حاجة أحسن
بس فاصل في المصنعيات و خلي بالك لأن التاجر هيعصلج في الترجيع و التغيير
-
مهو انا مش هروح لوحدى برضو انا عارف انه هيرخم و يتنح فى الترجيع او التبديل
بس مش هعرف اطلع منه بحاجه صح
يعنى هلبس انا مشال و مصنعيه تانى صح؟؟؟
-
علشان كده العمرة للقديم بتبقى ساعات احسن لانك عارف عيوبها ومزاياها واللى فيها
والمكن الاستيراد كله بحالات وزى البطيخة وعايز حد ثقة ومحترم اولا بيبقوا شايفين حالة العربيات وهم بيقطوعها بره وثانيا لو فى حاجة بيتلزم بيها
المفروض انت معاك فاتورة وموضح فيها الضمان وكده بس برضه روح وعوضك على الله المصنعية والمشال حاول تتكلم معاه وشوف الميكانيكى رأيه ايه مع انه كلهم استغفر الله العظيم
وربنا يتوب علينا وعليك من المستعمل افشل شئ فى الدنيا العربيات المستعملة
Content Relevant URLs by
vBSEO 3.6.0 PL2