الموضوع: علاج للخدوش

فين يا باشا
تعبنا من الانتظار

كل الاسف اخي الكريم علي التأخر وكان بودي رفع فيديو ولكن المشاغل ؟؟؟

طريقة ازالة الخدوش الغير عميقة أو الخدوش الرفيعة البسيطة

أولا الأدوات ؟

صنفرة 5000 وصنفرة 3000 وشريط لاصق وبخاخة مية مليانة بها مليء غطاء حاجة ساقعة صابون سايل وبولش وواكس WAX ان توفر

طريقة العمل

1- تحديد الخدش وليكن الخدش بطول العربية وموازي للارض نحدده بطول الشريط اللاصق
2- نقوم ببخ كمية مناسبة من الماء المضاف ليه الصابون السايل علي الخدش
3- نقوم بحك الخدش بالصنفرة الــ 3000 بشكل عمودي عليه لو كان الخدش بالعرض مع استخدام البخاخة
4- نقوم بمسح منطقة العمل بقماشة قطنية باستمرار لمشاهدة النتيجة
5- سيختفي الخدش تدريجيا وعند اختفاؤه نهائيا نقوم باستخدام الصنفرة الــ 5000 بشكل دائري مع استخدام البخاخة لفترة بسيطة
6- نقوم بتنظيف منطقة العمل بماء عادي بدون صابون وتركها فترة بسيطة لتجف
7- يأتي دور البولش للتلميع بشكل كافي وتركه 15 دقيقة ليجف بحسب نوعه
8- ويأتي بعدها الواكس WAX للحفاظ علي البولش ومبروك عليك ازالة الخدش


[] ملحوظة هامة هذه الطريقة صالحة تماما ومجربة مع الخدوش البسيطة السطحية وليس الخدوش العميقة
[] يا ريت التجربة تكون في خدش جانبي مش ظاهر ولو مشي الحال علي البركة كمل علي باقي الخدوش

وشكرا وبالتوفيق ان شاء الله

شكرا اباشا علي الطريقه ديه بس ايه هيا الصنفره ال ٣٠٠٠ و ال ٥٠٠٠ ديه

شكرا اباشا علي الطريقه ديه بس ايه هيا الصنفره ال ٣٠٠٠ و ال ٥٠٠٠ ديه

مشكور اخي علي المرور

والصنفرة 3000 و 5000 ده كود ورقم بدرجة خشونة الصنفرة وكل الكود ما بقي عالي كانت الصنفرة ناعمة وكل ما بقي منخفض بقت خشنة وللأسف احنا هنا في مصر مش بناخد بالنا من الاكواد دي اللي هي في غاية الاهمية وبنقول للبياع صنفرة ناعمة او خشنة دون تحديد الكود بتاعها

وعلي فكرة اي صنفرة هتشتريها هتلاقي وراها مكتوب رقم

اهم حاجه ربنه يوفقك وتلاقي الاكواد دي وتنفذ الطريقة ..... بالتوفيق

معلومه جديده عليا و شكرا علي الرد السريع

السلام عليكم
انا لسه مشترى سيارة لوجان سوداء زيرو من شهر كنت ركنها والسايس نظفها بالفوطة الزفرة فعمل على الكبوت والشنطة بعض الخدوش البسيطة جدا لا كن في خدش باين اوي لكن كل الخدوش سطحيه لكن عند حك الاظافر بها تشعر بعمق بسيط جدا يعيق حركه اظافرك

السؤال

- 1 هل يمكن علاج هذه الخدوش بدون التأثير على لمعان السيارة الفابريكة ؟
- 2ما أفضل شيء لإصلاح هذه الخدوش واماكن الشراء؟


شكرا لكم