للناس العباقره في المستعمل القديم
ايه رايكوا في تويوتا كرولا 85 ؟؟ هل لو جبتها تستحمل معايا سفر يومي مسافه 180 كيلو
قطع غيرها منتشره ولا لا
معايا في حدود 30 الف اجيبها ولا لا
ياريت تردو عليا لاني تااايه والله :120146b
عرض للطباعة
للناس العباقره في المستعمل القديم
ايه رايكوا في تويوتا كرولا 85 ؟؟ هل لو جبتها تستحمل معايا سفر يومي مسافه 180 كيلو
قطع غيرها منتشره ولا لا
معايا في حدود 30 الف اجيبها ولا لا
ياريت تردو عليا لاني تااايه والله :120146b
:angel10:خليك فى تيوتا كورسيدا المستعمل
افضل وقطع غيار متوفرة
او مازدا 929
او تمبرا من 94 الى 95
لو سفر كل يوم ١٨٠ كيلو اركب مواصلات أحسن
أو زود ٣٠ و هات المسطرة أو العيون أو الكريستالة
حضرتك عايز عربيه مستعمله موديل قديم تسافر بيها يوميا 180 كيلو يعنى فى الشهر تقريبا 5400كيلو متر شهريا فى سنه واحده 65 الف كيلو معقوله فى عربيه عجوزه عمرها 30 سنه فيها خير تدهولك نصيحه من واحد فى الاصل ميكانيكى 12 سنه وغيرة 16 عربيه انتى ليك حل واحد الزيرو احسن ليك لان المستعمل مش هيستحمل سفر يومى نهائى وسدقنى هتصرف اد تمنها مرتين او تلاته على الاعطال والاوناش نصيحه كل المستعمل فى مصر خلصان يدوب مشوار الصبح وترجع بسلامه لبيتك لكن 180 كيلو كل يوم مش هتلاقى غير الجديد ودايما الزيرو ستر للجيب وشكرا ؟
أتفق مع حضرتك و لكن
فيه عربيات قديمة حمارة شغل
منها
تويوتا المسطرة و الملكة و العيون
و اللانسر الكريستالة
بس مفيش حاجة أقل من خمسين هتنفع تسافر يوميا ٢٠٠ كيلو و توفر بنزين و قطع غيار
يمكن فيه حد عنده اقتراحات تاني
بس ده على حد تجربتي و أصحابي معاهم العربيات دي مأدية و مبتقولش لأ
متشكر جدا ع الردود والتعاون يا جماعه طب العربيه دي افضل ولا سويفت 92 او 93 ؟؟
باشا ..... انا نفس ظروفك اسمع مني
اما بمشي 200 كيلو يومياااا بقالي 3 سنين وطريق الزراعي اعوز بالله
لما جيت اختار جبت مرسيدس 200 زلموكه وقولت هتستحل موديل 85 اول الزلموكه (تخيل) سنتييين رايح جاى يكفيني اقولك انا عمري موقفت اغير كوتش مثلا . وبعدين قاولي الجملتين بتوع قديمه وشكلها وحش و مش لايقه عليك و بقالها 30 سنااااااا وجو كده كرهوني في العربيه بعتها.
جبت تويوتا كرولا 2007 قالولي دا انضف حاجه ( عربيه زباله) وجهت نظري . بس بتمشي المشوار دا يوميا
هيا موفرة في البنزين (بس) .
رايي الشخصى هات زيرو ......... اسمع مني
ممكن تشترى مرسيدس 200
اوبيجو 504 موديل الثمانينات
هتكون فى حدود المبلغ وقطع غيار متوفر جديد واستعمال
وحمارة شغل وعزم عالى جدا
وامكانية تركيب تكييف
بس اهم حاجة تكون حالة ممتازة
حضرتك قولت كلام كويس جدا علي المستعمل ونصحتني بالزيرو رغم انك بتشتكي منها انا مش فارق معايا الشكل خالص حاجه مش في دماغي نهائي اهم حاجه الاداء انا عارف ان الفلوس اللي معايا متجبش شكل واداء فانا اخترت الاداء لو المرسيدس 200 او التويوتا كرولا 85 تقضي الغرض يبقي تمام اووووي
الاثنين زى بعض
لان البيجو ده فيه منه قطع غيار فرنساوى
واليابانى تسد ونفس سعر قطع الغيار لانه حاجة اليابانى غالى
والاثنين هيسدوا معاك لان ظروفك الاقتصاديه زى حالتنا
وانت مش حمل الجديد لان اى عطل فيه اول خبطة 600 جنيه ونش غير التوكيل والحساسات والبساسات دول 600 وانت طالع
انا راى البيجو لانها حمارة شغل وسعرها الحالى 25000 الى 35000 حسب الحالة وماسكة نفسها
انا العيد اللى فات كنت عند الميكانيكى فاصحبها راح يجيب قطع الغياروالميكانيكى قالى اطلع جربها وشوف رايك ايه
يادوب بدى غيار الاولنى ولقيت العربية فى اخر الشارع
على الرغم من انها موديل 78 وصاحبها مش مهتم بيها
على عكس الشرقاوةوالدمايطة شوف الصورة دى
انا شرقاوي والعربيه منتشره هنا وحالاتها كويسه جدا فعلا .. بس لو الاتنين زي بعض انا اميل للياباني اكتر
يا باشا فى الاول والاخر ده اختيارك وراجتك النفسية اهم حاجة فى الموضوع
وربنا يوفقك
فى حدود التلاتين الف ممكن تجيب اكسيل 92 ل 98 وممكن تزود 10 الاف وتجيب لانوس 97 ل 99
كان معايا العربيتين دول الاكسيل 96 سنتين و اللانوس 99 سنه ونص ودلوقتى لوجانزل 2000 وشايف انهم بتوع شغل وصياناتهم سهله وقطع غيار متوفره
الف شكر علي التعاون والردود
خلاص نفسيا استقريت علي التويوتا وربنا يسهلي فيها الف شكر يا جماعه تعبتكو معايا