شايفين ان تويوتا كورولا موديل 85 افضل ولا سوزوكي سويفت 93
بفرض ان العربيتين حاله كويسه
معايا 30 الف انه افضل في العربيتين بالسعر ده ياريت تساعدوني ربنا يجازيكوا خير لاني تااايه حرفيا :120146b
عرض للطباعة
شايفين ان تويوتا كورولا موديل 85 افضل ولا سوزوكي سويفت 93
بفرض ان العربيتين حاله كويسه
معايا 30 الف انه افضل في العربيتين بالسعر ده ياريت تساعدوني ربنا يجازيكوا خير لاني تااايه حرفيا :120146b
فيه معلومه مهمة قوي لازم حضرتك تعرفها
أولا
مفيش حاجة اسمها العربية دي أفضل و لا دي
ده عامل زي ما واحد يقول الموبايل أفضل و لا التابليت و لا اللاب توب؟
أو الآي فون أفضل و لا السامسونج و لا البلاك بيري؟
كل حاجه لها مميزات و عيوب
و احنا بنقارن بين المميزات و العيوب عشان نشوف إيه المناسب لينا
يعني الخلاصة
لازم تدي معلومات عن إحتياجاتك عشان تاخد معلومات عن خياراتك
مبدأيا
بتسوق كويس و لا بتتعلم
بتمشي مسافة قد إيه
زحمة و لا فاضي
مطبات و لا سريع
يوميا و لا اسبوعيا
أسره و لا لوحدك
عايز شنطة هتشباك و لا سيدان
قطع غيار ايه
اعادة بيع ايه
مصاريف ايه
تكييف و لا إيه
مانوال و لا أوتوماتيك
و
و
كل حاجه من دول تحدد إنت محتاج إيه
و رأيي الشخصي
التويوتا أفضل من السويفت بالنسبالي عشان مواصفاتها مناسبة ليا
بالنسبالك طبعا كلام تاني
متشكر جدا علي الرد السريع ده والاهتمام من حضرتك
مبدئيا دي اول عربيه ليا وبتعلم فيها
انا كنت ناوي اسافر بيها يومي 90 كيلو يعني 180 رايح جي وطبعا الناس حزروني من كدا بالتالي انا ممكن اسافر بيها المسافه دي مره او مرتين اسبوعيا غير كدا هتبقي مشاوير خفيفه جدا جدا
بمشي طريق سريع زحمه قليله جدا
الاستخدام الاغلب هيكون لوحدي نادر يعني اما تكون الاسره معايا
يفضل السيدان
عاوز قطع غيار متوفره وفي المتناول ده اكتر حاجه قلقاني
اعاده البيع مش شاغل كبير بالنسبه ليا لاني هستخدم العربيه كتير هتطول معايا يعني مش جايب اتعلم وابيع هصرف عليها وارعيها تمام بس طالما مريحاني خلاص مش في دماغي بيع
بالنسبه للتكييف حاجه مش اساسيه ومش عامل تتوقف عليه العربيه خالص يعني لو مفهاش تكييف مش مشكله ولو فيها وبياثر عليها شويتين مش قضيه
مانول طبعا وانا مش عاوز خالص حكايه الاوتوماتك حاليا بس لو يكون ينفع يتركبلها مستقبليا فتيس اتوماتك يبقي افضل لكن مشرط اساسي
انا كل اللي محتاجه عربيه متقرفنيش كتير يعني كله بيعرف يصلحها قطع غيار متوفره ومش غاليه اوي يعني في المتناول وطبعا مريحه في القعده واسعه انا مبجريش بالعربيه جامد يعني ميهمنيش ثبات اوي انا مش هعدي ال 100 باي حال من الاحوال