الموضوع: اشتريت عربية مستعملة فيات ومش عارفة اتعلم

المشاركة الأصلية كتبت بواسطة م/أحمد عبد الفتاح

موضوع زيادة الاسعار ده احنا السبب فيه لأننا كلنا بنفكر نفس التفكير إننا نلحق نشترى قبل ماتغلى نفس فكرة الزيت والسكر بتوع زمان :) - فالتجار لما يلاقوا كده يرفعوا الاسعار - يعنى ممكن تلاقى تاجر بيبيع عربية عالزيرو مثلاً بـ ١٠٠ الف جنيه وتاجر تانى بيبيعها بـ ٩٥ الف جنيه وتاجر تالت بـ ١١٠ الف جنيه على حسب ضميره ممكن يكون صحى سنه صغيره أو تاجر محتاج فلوس علشان يلفف دورة رأس المال وهكذا - هل اللى باعها بـ ٩٥ الف ده مش كسبان ؟ طبعاً كسبان لكن مش زى النصابين التانيين.
اعتقد إن الاسعار حاتستقرشوية بعد هوجة الصيف

يعنى ده مش تفكيري لوحدى بقى

للاسف فعلا الاغلب بيفكر كدة واعرف ناس كتير اشتروا قبل متزيد تانى

بس على فكرة استحالة الاسعار تستقر اللى انا شايفاه
كل حاجة بتزيد الضعف و فى عربيات بتزيد فى اليوم الف جنيه

يعنى اعرف واحدة كانت حتشترى عربية تانى يوم لاقتها زادت 3000 جنيه

وفى تفاوت فى الاسعار فعلا بين المعارض

خلاص خليها على الله ححاول اتعلم المانيوال

بس لو متعلمتش اعمل ايه تفتكر حتتباع بنفس السعر ولا حخسر فيها

متقلقيش ، كنت زيك كدا في الاول وحاسس ان العربية هتخبط في الرصيف ، رغم اني بين الرصيف والعربية حوالي اكتر من متر
بس عشان انت لسه محفظتيش ابعاد عربيتك
وبعدين امشي بالعربية في شارع مستقيم الاول وفاضي عشان تتعلمي طبعا بوجود حد جنبك يعرف يسوق ، وشوية شوية هتتعلمي
زي الطفل الصغير
اول مرة يربط ازار القميص بيتلخبط
وتلاقيه بيبص على مكان الزرار فين وفتحة القميص فين
بعد شوية هتلاقي ان الطفل دا بيربط زراير القميص كلها وعنيه مغمضة
فمتقلقيش هي مساله وقت وتعود مش اكتر