كم عدد الكيلومترات المقبول لسيارة مستعملة؟موضوع هام بعض الناس تركز على النوع فقط

**Mody_Samir** · 09-08-2016 01:32 AM

كم عدد الكيلومترات المقبول لسيارة مستعملة؟
موضوع هام بعض الناس يركز على النوع و لا يهتم بالكيلومترات
السؤال:
عدد الكيلومترات المقبول سنويا فى المستعمل ؟
و عدد الكيلومترات المقبول اجمالا بوجه عام ؟تعتبر بعده السيارة فى حالة غير مرضية.

**Lolo86** · 09-08-2016 01:49 AM

مش فاهمة يعنى ايه الكيلومترات
انا اشتريت فيات 128 مستعمل بس معرفش الموضوع ده ايه

**borio1704** · 09-08-2016 02:30 AM

المسافة المتعارف عليها عالميا ما بين 15-20 ألف كيلومتر سنويا..

يعني لو اشتريت عربية عمرها 5 سنوات مثلا.. فالمفروض تلاقيها ماشية حوالي 75-100 ألف كيلومتر تقريبا.

طبعا الموضوع يختلف حسب طبيعة استخدام العربية نفسها خلال الفترة دي..

لو كانت العربية بتسافر كتير أو طبيعة سواقتها على طرق مفتوحة.. فالمتوقع إنها تكون ماشية كيلومترات كتير أكتر من المعدل ده.. بس في المقابل هتكون حالتها الميكانيكية كويسة...

على العكس من العربيات اللي أغلب وقتها مشاويرها داخل المدينة في الزحمة والطرق المكسرة... كيلومتراتها قليلة ولكن حالتها الميكانيكية وحشة...

الحالة النادرة إنك تشوف عربية ماشية كيلومترات قليلة جدا (حوالي 10-30 ألف كيلومتر خلال 5 سنوات)... ودي بقى معناها إن صاحبها نادرا ما كان بيخرج بيها أو ممكن بكون عنده عربية غيرها.. وبيدل على كده حالتها العامة من بره وجوه.. هتلاقيها كإنها زي الفابريكة.

...

**Mohamed Desoky** · 09-08-2016 03:23 AM

المشاركة الأصلية كتبت بواسطة borio1704

المسافة المتعارف عليها عالميا ما بين 15-20 ألف كيلومتر سنويا..

يعني لو اشتريت عربية عمرها 5 سنوات مثلا.. فالمفروض تلاقيها ماشية حوالي 75-100 ألف كيلومتر تقريبا.

طبعا الموضوع يختلف حسب طبيعة استخدام العربية نفسها خلال الفترة دي..

لو كانت العربية بتسافر كتير أو طبيعة سواقتها على طرق مفتوحة.. فالمتوقع إنها تكون ماشية كيلومترات كتير أكتر من المعدل ده.. بس في المقابل هتكون حالتها الميكانيكية كويسة...

على العكس من العربيات اللي أغلب وقتها مشاويرها داخل المدينة في الزحمة والطرق المكسرة... كيلومتراتها قليلة ولكن حالتها الميكانيكية وحشة...

الحالة النادرة إنك تشوف عربية ماشية كيلومترات قليلة جدا (حوالي 10-30 ألف كيلومتر خلال 5 سنوات)... ودي بقى معناها إن صاحبها نادرا ما كان بيخرج بيها أو ممكن بكون عنده عربية غيرها.. وبيدل على كده حالتها العامة من بره وجوه.. هتلاقيها كإنها زي الفابريكة.

...

الله اكبر عليك ياهندسه انتى بتجيب من الاخر وبتقول اللى احنا نفسنا نقوله وبطريقه سلسه جدا ربنا يخليك لينا

**abohend** · 09-08-2016 03:29 AM

طبعا طبيعة الاستعمال و حالة العربية هي الفيصل
لكن بصورة شخصية أنا شايف أن بعد 100 ألف العربية هتقرفك و هتفتح بقها مهما كان إستخدامك و طبيعة سواقتك و الطرق اللي بتمشي عليها

100 ألف و أقلب و أتمتع براحة الزيرو

أما لو بتشتري....يا زيرو يا كسر زيرو...يا حالة نادرة و قليل ما هي

**Mody_Samir** · 09-08-2016 05:59 AM

المشاركة الأصلية كتبت بواسطة abohend

طبعا طبيعة الاستعمال و حالة العربية هي الفيصل
لكن بصورة شخصية أنا شايف أن بعد 100 ألف العربية هتقرفك و هتفتح بقها مهما كان إستخدامك و طبيعة سواقتك و الطرق اللي بتمشي عليها

100 ألف و أقلب و أتمتع براحة الزيرو

أما لو بتشتري....يا زيرو يا كسر زيرو...يا حالة نادرة و قليل ما هي

رأى مفيد..ألف شكر يا هندسة
بالمناسبة هى ال206 مريحاك..انا ناوى انشاءالله 307 .. ياريت الرأى و النصيحة

**borio1704** · 09-08-2016 01:31 PM

المشاركة الأصلية كتبت بواسطة abohend

طبعا طبيعة الاستعمال و حالة العربية هي الفيصل
لكن بصورة شخصية أنا شايف أن بعد 100 ألف العربية هتقرفك و هتفتح بقها مهما كان إستخدامك و طبيعة سواقتك و الطرق اللي بتمشي عليها

100 ألف و أقلب و أتمتع براحة الزيرو

أما لو بتشتري....يا زيرو يا كسر زيرو...يا حالة نادرة و قليل ما هي

أتفق معاك بدون شك...

وده تحديدا اللي بيخلي معظم شركات السيارات دلوقتي تديلك ضمان 5 سنين أو 100 ألف كيلومتر.. علشان حاجتين..

أول حاجة ... إن عمر أي جزء كاوتش في العربية في حدود الـ5-6 سنوات... بعد كده بيبدأ ظهور التشققات بشكل واضح على الكاوتش ومعاها تبدأ مشاكل كتير زي:
التسريب من مياه التبريد مثلا وما يتبعه من سخونة وجوان وش السلندر مثلا...
أو مشاكل ضعف العزل عموما ودخول مياه الأمطار أو الجو الخارجي للكابينة..
بالإضافة لمشاكل تشققات جلب أجزاء العفشة عموما..

تاني حاجة.. بعد الـ100 ألف كيلومتر غالبا بتبدأ مشاكل استهلاك قطع الغيار المتحركة بالذات... زي اسطوانة الدبرياج.. رولمان بلي العجل.. المساعدين.. طلمبة المية.. طلمبة البنزين... إلخ..
ولو إن دي مش قاعدة عامة.. خصوصا لو بتتكلم على عربية ياباني... لإن أغلب المشاكل دي بتبدأ تظهر فيها بعد الـ200 ألف أو أكتر.

والأكيد بردو إن طريقة الاستخدام بتفرق زي ما قلنا قبل كده.

...