سلام عليكم

أنا عايز نصيحتكم عشان أنا بثق في أعضاء الجروب الكرام....دلوقتي أنا عايز أشتري ريس ...و قبل ما أقول نوعه ,هقول الهدف منه إيه ...مجرد رفاهيه ..مش رفاهيه كمنظره أو هفضل أطلع دخان بالعجل و أبوظ الكاوتشين و الكلام ده , أنا قصدي رفاهية ركوب الموتوسيكل ذات نفسه .

مشاويري بالموتوسيكل هتبقى حجات مره في اليوم مسافة كيلو بالكتير و هتبقى أيام الأجازه ..يعني بدل ما بمشيها على رجلي,هاخودها على الموتوسيكل (عشان حابب أمشي بالموتوسيكل) ....و يوم ما تزيد أوي أوي هتبقى 20 كيلو و هتبقى مره في السنة ...ده غير إنه هيفضل مركون يعني هيستعمل بس فترة الأجازه و بس .

بعد كل ده ...هل يناسبني موتوسيكل صيني ولا ياباني ,و في الحالتين هجيبه مستعمل .

من وجهة نظري لأن استعمالي خفيف جدا ,هل ممكن يناسبني الصيني بسبب رخص تمنه و كمان عشان لسه هتعلم عليه ,فمش عايز أجيب حاجه نضيفة تتبهدل مني ,و مش هينفع أجيب بجاج ولا نحله ولا أي حاجه من الحجات دي عشان شكلها مش داخل دماغي ..فبدور على حاجه نفس الريس في الشكل على الأقل ...لكن الأداء في كل الأحوال مش هيبان أوي عشان استخدامي ليه هيكون خفيف جدا جدا.

والنقطة إلي مشجعاني إن الصيني هعرف أجيبه حديث ..بدل ما أجيب هوندا موديل 89 .


و آسف على الإطالة ...و ياريت تنصحوني بما يتناسب مع الكلام إلي أنا كاتبه .

و شكرا جزيلا.