-
استفسار تكلفه النقاشه
السلام عليكم ورحمة الله وبركاته كنت سألت من كام يوم عن أسعار السيراميك محدش فدني أتمنى الإفادة ف الموضوع سعر النقاشه حتي عشان هبدا بالنقاشه قبل السيراميك اسحب يعني سكنتين معجون أو 3 ووش بطانه ع ما سمعت تتكلف كام ولو هعمل ف المستقبل أكمل النقاشه الون كرانيش متركبه واسم رسمه ديكور مثلا ع حيطيتين ف الريسبشن وف الأوض التانيه مثلا حيطه أو اتنين. انا جبت واحد من يومين بس لشقه العائله كان ف حاجه عاوزة اتظبطت طلب ف غرفتين بعملهم معجون وشين ع كلامه ويلون فيوتك هيركب ف السقف ويرسم ديكور ع حيطه واحدة بس يعني ف الغرفتين اتنين حيطه وطالب 1500 مصنعيه حاسه كتير مبالغ فيه مساحه الغرفه كلها 20 متر الاتنين 40 متر افيدوني بقي
-
للرفع مفيش حد يفيدنا بردوا
-
كالعادة محدش هيفيدك يا عمرو بيه
المنتدى بقى نايم شوية يمكن الناس ممعاهاش تشتغل دلوقتى او فيه ناس بتكسل تكتب الله اعلم
بس بالنسبه للنقاشه انا لسه موصلتش للمرحله دى انا فى مرحله الابواب و هدخل فى السيراميك بعد شهر غالبا و يا ريت كنت وصلت للنقاشة كنت هحاول افيدك والله بس الى اعرفه عنها ان مفيش صنايعى سعرة زى التانى و برضه زيادة السعر لا تعنى الجودة دى بتبقى حاجه تقديرية
-
والله عندك حق مش مهم يكون حد بيعمل حاليا بس حتي قريب بس محدش بقي يشارك مش عارف ليه الناس بقت تبخل بالمعلومات وبعدين انا كنت هعمل زيك السيراميك بس عرفت ان الصح تدي وشين معجون ووش بطانه لو شقتك ع المحارة يعد كدة تعمل سيراميك والكلام دة سمعته من ناس صنيعيه وناس خبرة وكذلك النجارة بعد الكلام دة بعد السيراميك والمعجون انا سيبهم حلوق زي ماهما
-
التكلفه تختلف من منطقه لاخرى ومن صنايعى لاخر. وممكن نفس الصنايعى يعمل شقه كامله فى منطقه شعبيه بالسعر ده وممكن يعمل الاوضتين بالسعر ده. الرقم انا شايفه مناسب كدهان الحجرتين بالابواب ودهان السرر وعمل حائطين ديكور وبالتوفيق
-
بص سيبك من موضوع المنتدى ده او غيره لان الواضح ان جروبات الفيس قضت على المنتديات عامه ومبقاش فيها تفاعل كبير زى زمان ودى حاله عامه مش بتخص المنتدى ده بالذات عندك الجروبات دى حتفيدك ان شاء الله
https://www.facebook.com/groups/DecoristaEgypt/
https://www.facebook.com/groups/Scho...dModernDecors/
https://www.facebook.com/groups/Craftsmen.eg/?fref=nf
ممكن تعمل فيهم بحث مش لازم موضوع جديد وتلاقى طلبك ان شاء الله
-
الف شكر على الإفادة بعت طلب انضمام ومنتظر الموافقه
Content Relevant URLs by
vBSEO 3.6.0 PL2