الخفافيش فى منطقتنا الجديده

**EgyArmy** · 09-08-2016 11:38 PM

طول عمرى ساكن فى اماكن منتشر فيها سكان كتيرة بس لما نقلنا لمكان جديد فاضى و فى الايام الاولى روحت هناك و بركب لمبه على السلم ففاتح الباب و فجأه حاجه عديت جمب راسى و دخلت الشقه انا قولت جرادة او عصفورة و كبرت دماغى و بكل هدوء كدة ركبت اللمبه و دخلت اخبط فى الكراسى لو عصفورة او جراده هتطير بس للاسف مظهرش حاجه قولت ارفع كرسى الانترية لقيته خفاش متعلق فى ضهر الكرسى و شكل امه خطر كدة رغم اننا شوفت تعابين و سحالى و حربايات و بلاوى سودا و اتعاملت معاهم لكن خفاش كان اول مرة بالاخص انه اسرع من الحاجات دى و بيطير يعنى الحاجات دى ارضى لكن ده فوق و تحت المهم طلعت اجرى وراه بالمكنسه حوالى نص ساعة لحد ما رشق فى المروحة فداخ و وقع على الارض روحت مكمل عليه قبل ما يكمل علينا و بالاخص اننا كنت هسيب الشقه و ماشى و هيتبقى اهلى فيها يعنى كان ممكن تحصل مصيبه من كتر الخوف

المصيبه الاخطر يا رجاله اننا دخلت الحمام عشان اغسل ايدى و استحمى و امشى سمعت صوت زقزقه غريبه جدا فى المنور رغم انه مقفول بس مفتوح من السطح

انا قولت ياض عشان المنطقه فاضيه كبر دماغك تلافيها صوت المواسير بس لما سييت البيت جالى نداء كدة ان مصدر الصوت دة كارثه بالاخص لانى لما كنت فى شقتى فوق كنت ببص على المنور قبل كدة لقيت حاجة شبه العشه بس عامله زى السبت طيب الخفافيش بتولد فى عش ولا ايه ؟

خلاصه الكلام انا قررت لما اروح ادخل المنور الصبح و اشوف ايه الى بيحصل ده و منه ولا من شبابيك الشقق الى فوق و جاى من الشارع طيب لو فجأه لقيت خفافيش هعمل ايه ؟

و الحاجات دى من النهايه بتلزق فى الوش ولا اشاعات ؟
و فيه حل بس للاسف مقلق منه انى اجيب صقر او بومه فى قفص و الخفافيش بتترعب منهم بس البومه و الصقر طيور جارحه يعنى ممكن الواحد يتعض منهم و يحتلوا المكان يبقى بدل خفافيش تبقى صقور او بومات يعنى فقر اكتر و برضه مقلق من الخفافيش لان عضتهم بتجيب صرع او داء الكلب و فيه اطفال بتبقى فى البيت

و هل الخفاش ده مصاص دماء يعنى ولا بياكل حشرات ولا ايه و هحاول اوريكم شكله بعد اغتياله

حد له تجارب فى المصيبه دى ؟

**EgyArmy** · 09-08-2016 11:42 PM

اهوه ايه دة ؟
راسه و ودانه على الشمال و رجله على اليمين

**lonedoctor** · 09-08-2016 11:56 PM

موضوع غريب جدا كان الله فى عونك
ده فين المكان ده فى مصر اللى منتشر فيه وطاويط؟
حسب معلوماتى انه الوطواط اعمى ويعتمد على الموجات الصوتية فى الحركة وتحديد الاتجاه يعنى مركب رادار بسلامته
فيه اجهزة تصدر موجات صوتية تطرد كل هذه الانواع من الحيوانات حتى الفئران ولكن انا لا ادرى متوفرة فى مصر ولا لا
انا مش عايش فى مصر فليس عندى فكرة كاملة
هذا مجرد اقتراح ربما تستفيد منه
تقبل تحباتى

**EgyArmy** · 10-08-2016 12:20 AM

المشاركة الأصلية كتبت بواسطة lonedoctor

موضوع غريب جدا كان الله فى عونك
ده فين المكان ده فى مصر اللى منتشر فيه وطاويط؟
حسب معلوماتى انه الوطواط اعمى ويعتمد على الموجات الصوتية فى الحركة وتحديد الاتجاه يعنى مركب رادار بسلامته
فيه اجهزة تصدر موجات صوتية تطرد كل هذه الانواع من الحيوانات حتى الفئران ولكن انا لا ادرى متوفرة فى مصر ولا لا
انا مش عايش فى مصر فليس عندى فكرة كاملة
هذا مجرد اقتراح ربما تستفيد منه
تقبل تحباتى

برضه المعلومات دى اعرفها و يمكن دة سبب فى انه يلبس فى المروحة تلاقى الرادار بتاعة اتشوش هههههههه

و بمناسبة مصر حاليا يا باشا عندنا العرس و الفران و القطط و الكلاب بقوا اكتر من الشعب نفسه حتى فى ارقى اماكن الجمهورية و بما انى من اسكندرية فالموضوع منتشر اكتر فى الصيف كأنهم مصيفين و بيمشوا جمبنا على الرصيف عادى جدا و شوية شوية بحس انه مع التطور فى اسلوب الكائنات مع الانسان ممكن يلبسوا نضارات شمس و يقعدوا يشيشوا على البحر

**عﻻء سالمان** · 10-08-2016 01:18 AM

متديش الموضوع اكبر من حجمة دى كائنات ضعيفة غالبا بتكون فى تجمعات بس قليلة اﻻنتشار و مش مؤذية زى مانت فاكر

**EgyArmy** · 10-08-2016 01:47 AM

المشاركة الأصلية كتبت بواسطة عﻻء سالمان

متديش الموضوع اكبر من حجمة دى كائنات ضعيفة غالبا بتكون فى تجمعات بس قليلة اﻻنتشار و مش مؤذية زى مانت فاكر

ياباشا انا بالنسبالى والله عادى جدا انا كنت ببقى نايم فى الجيش و اصحى ادام وشى حرباية و كنت بضحك بس وقتها ظروفى كانت مخليانى كدة لكن حاليا عندى اهلى فى البيت دة و اطفال و دول لو شافوا برص ممكن يعملهم حالة رعب من البيت لمدة سنين مابالك حاجة انا عن نفسى كنت مقلق منها لانها اول مرة اشوفها مع العلم ان البيت نضيف جدا و مفيهوش زباله او صرف مكشوف او اى حاجه من دى بس المنطقه فاضيييييييه جدا و فيها اراضى كتيرة اوى

**amr011111** · 10-08-2016 09:05 AM

حلك تجيب حداد يعمل حديد وعليه سلك شبك تسقف بيه فتحة المنور من فوق وطبعا حديد بسلك شبك على كل شبابيك الشقه

**ahmad--ezzat** · 10-08-2016 09:57 AM

arkham city ههههه

حاول فعلا تجيب حد يسد فتحه المنور ...خد بالك الحجات دي مش مؤذيه اه بس بتجيب امراض خصوصا فضلاتها...ربنا يحمينا

**abokoko** · 10-08-2016 04:26 PM

الافضل ان تعمل بحث مركز علي النت

ربنا يعافيك ويعافينا جميعا
ممكن تقول لنا علي اسم المنطقه

**sherif_mahalla** · 10-08-2016 06:01 PM

معظم أنواع الخفافيش مصاصة دماء الحيوانات
حتى اللي بتتغذى علي الحشرات
موضوع إنه يلزق ده مرعب
بس مش عارف له أصل و لا لا
عموما هو حيوان ليلي
يعنى مش هيهاجم بالنهار
فحاولوا تقفلوا بالليل و ربنا يحفظكم
و كده كده في المناطق الجديدة مفيش حد بيخرج بالليل
ممكن تربي كلب مع إن الخفاش ممكن يهاجمه و يمرضه بس هيحميكوا من الحيوانات الأخري
ممكن تطعمه من السعار أول بأول

الموضوع: الخفافيش فى منطقتنا الجديده

LinkBack

أدوات الموضوع

عرض

الخفافيش فى منطقتنا الجديده - انشر الموضوع فى :

-

-

-

-

-

-

-

المواضيع المتشابهه

حد يعرف طاسات الفيرنا الجديده والشبكه الجديده بيتباعوا فيين بعيدا عن التوكيل

تجربه ضبابيه لشراء صني الجديده من السبع مصر الجديده و اتمني نهايه سعيده

يا ناس ضرب نار في منطقتنا

حكايه اغرب من الخيال ( حكايه حقيقيه في منطقتنا )

لانهاء ايهم اسرع الكورولا الجديده او السيفيك الجديده

الكلمات الدلالية لهذا الموضوع

المفضلات

المفضلات

ضوابط المشاركة