بص انا حاسس بيك و مقدر بس غالبا ردى مش هيعجبك لانى ضد كل انواع الدعم الاستهلاكى من اى نوع او شكل دلوقتى هتغلى عليك شويه و هتقلل ساعات عمل التكيف الى هو غالبا ممكن يبقى سقع الاوضه و تشغله فتره و تقفله فتره ولو حد صحى مقلق من الحر سهل يفتحو تانى
لكن لو فضل يدفع فلوس عشان الناس تستهلك (دعم استهلاك) هيفضل يطبع فى فلوس هيقلل قيمه الجنيه اكتر مهى متنيله و كل شىء هيغلى عليك يعنى لو هتغلى الكهربا 50 لو مغلهاش فى خلال سنه حياتك كلها هتغلى 500 ثانيا لما الدوله حالها يقف و انت بتدفع نفس تمن الخدمه الحقيقى من غير دعم خدمتك عمرها مهتقف بدل مقعدنا سنتين مش لاقين كهربا
ليه يدعم استهلاك عشان نشغل تكيف اكتر و نشوف تليفيزيون اكتر بينما الصح يدعم انتاج عشان يشغل عمال اكتر يبقى معاهم فلوس يدفعو تمن الحجات بسعرها الحقيقى و طول مهو بيدبك الخدمه بتكلفتها و من غير زياده يبقى كده فل و مفيش دوله متقدمه فى الكون بتدعم استهلاك سلعه لان ده بيزود استهلاكها اكتر من العادى بتاع الناس بياخدو اكتر من الى محتاجينو و بيودى البلد فى داهيه اى بلد مهما كانت
شوف حضرتك و انا معاك مش عارفين ازاى هنعيش من غير تكيف و لاااااااااا و عباس الضو بيقول لاااااااااا و مش اقل من 60 فى الميه من التاس مش لاقيه تجيبه و لا بتفكر فيه اصلا و عايشين و قادرين غير القرى الى مفيهاش كهربا يعنى ولا حتى مروحه
الحياه ممكنه من غير تكيف سعره العادل هيخليك تستهلك فعلا الى انت قادر عليه بدل متستهلك زياده لمجرد انك قادر و الدوله تكمل الفرق و تقلل قيمه العمله
اسف بس الدوا الاقتصادى كله مر و سنين الدعم و الميغه هندفع تمنها كلها سواء عجبنا او لا و كل ما بقى اسرع كل ما يمكن عيالنا يلحقو يلاقو حاجه يعيشو عليها
ملحوظه ردى ده كله لا يعنى انى موافق على تصرفات الحكومه الحاليه ولا شايفها جنه و لا حتى بتطبق الى انا عايزه صح بس دى نظره اقتصاديه بحته و كفايه مسك فى ديل الحكومه كفايه دعم استهلاك و استيراد و نبدا دعم انتاج فقط
المفضلات