-
الي الخبراء افيدوني؟
اهلا باعضاء المنتدي المحترمين انا هخش في الموضوع علطول
انا معايا في حدود30 الف جنيه وعاوز اشتري حاجة كويسة كنت بفكر في اللانسر القديم او سوزوكي سويفت عشان السنتر والازاز الكهربا والتكيف اهم حاجة ههههههههههه انا قريت كتييييييييير كيا بريدا النترا94 اوبل كورسا اكسل اكسينت سيتروين الzxوaxو xara ودايو القديم الاسبيرو وغيره دماغي خلاااااص مش عارف ايه المناسب وايه اللي اجيبه ويعمر لان استخدامي هيكون يومي وطبعا المدام ممكن تركبها فعاوز عربية لا تعطل ولا الاقيها بتتصل وتقول الحقني العربية ولعت عشان كده فكرت في اللانسر بطة او سوزوكي سويفت كخيارات اوليه بس مش عارف الياباني هيكون ايه في ناس بتقولي تقدر علي السعر اللي معاك تخلص حاجة من السوق بيكون في لقط وناس تقول لا متنزلش السوق السوق في غش شوية ولازم تكون فاهم اكثر من اللي مصنع العربية اصلا ولما احترت قلت النايل موتورز والاعضاء الكرام حد هيفصلي الموضوع ويقولي الكلام النهائي افيدوني افادكم الله
-
خليك فى او الاكسيل او الدايو
عشان قطع الغيار
وخد معاك سمكرى وميكانيكى من طرفك عشان يبصواعليها
واخر حاجة الكيا برايد عشان غالبا بدون تكييف
-
يبقي الاكسل والدايوطب والسويفت و الميتسوبيشي اللانسر 93و94 ولا بلاش الياباني ولا الثمن اللي معايا لازم يعلي شوية عشان اجيبه ولا محتاج فعلا خبير لو هجيبه من السوق والدايو الاسبيرو دي كويسة ولا الرايسر ولا السيلو وقطع الغيار ممكن الاقي معلش لو بتقل عليكم بالاسئلة
-
ياجماعة هما فين الخبراء فين الردود الشاملة الوافية اللي بلاقيها دايما هنا في المواضيع وبتقطع اي حيرة الردود المميزة بتاعة نايل موتورز
-
-
للاسف 30 الف جنية فى الاسعار اللى موجودة دلوقتى هتحيب ( اكسيل فاضية اوبشن وعايزة مصاريف - او سوزوكى سويفت )
ممكن تخليك فى الكيا برايد
لكن اى يابانى موديل من 90 وانت طالع سعرة هيكون اعلى من كدة بكتير
-
طيب وغير الياباني مافيش غير اكسل انا لقيت لانسر92 ب31 الف وبيقولوا سهل الاقي تاني في السوق صحيح ولا مستحيل ولا هيبقي عاوز مصاريف ولا ايه
-
اللي يحكمك في الموضوع ده حالة السيارة
يعني كل الأنواع اللي اتكلمت عليها كويسه بس الحالة هي المعيار
يعني سويفت أو اكسل حالة كويسة ممكن
أو لانسر بطة بس اظن ب 30 الف هتبقى بتكح تراب
شوف ميكانيكي و كهربائي و عفشجي كويس و توكل على الله
-
دلوقتي انا اتوفقت يا جماعة وقدامي عربية اكسل موديل98 ودي علي30 فيها كل حاجتها
وفي عربية اكسنت 99 علي35 وبيقول فبريكة دواخل والعربية رشة برة نضافة 1500
وفي لانسر90 خليجي فبريكه جوه لسه طلعه من تجديد. فرش جلد بويه سمكره بويه سنتر زجاج كهربه كوتش جديد وفي سوزوكي سويفت93 لاتحتاج اي مصاريف
وفي اكسنت تانيه دي في معرض علي 30 وفي اكسنت بس دي منطقة حرة بور سعيد شكل العربية نضيف بس حتة منطقة حرة معرفش صاحبها بيقولي ان لازم اللي يشتريها يكون من بور سعيد يا اما يدفع مخالصة او حاجة زي كده
وفي لانسر93 علي 37 الف خليجى/99%دواخل فبريكة/رشة برة نظافة /مكنة وشاسيه بحالة ممتازة/ آلات جروعفشة ممتازة/تكييف ثلاجة ب2 نظام تبريد-سنتر بالريموت-فرش جلد-سوند سيستم-جنوط14وكوتشات
انا كلمت الكهربائي عندي قالي ان الاكسل دايما تكيفه بيبوظ حتي لو لسه مصلحه اخره معاك في انه يشتغل شهر شهرين ويرجع يبوظ تاني قلقني شوية منها دلوقتي انا حيرتي زادت اختار ايه انا عاوز باور زجاج كهربا تكييف يكون كويس وشديد وعربية ناعمة في السحب والمشي والعزل بتاعها يكون عالي مش عاوز اسمع اي دربكة او حتي صوت الموتور او رجرجة مطب اختار ايه افيدوني افادكم الله
-
محدش رد وانا حيرتي بتزيد لقيت اوبل فيكترا95 وفي حدود الفلوس اللي معايا وفي اوبل كورسا وكيا برايد بجد تعبت ومحتاج حد يفيدني بين الاوبل والاكسنت والاكسل والسويفت ولدايوالاسبيرو واللانسر بطة ورينو كليو94 وينو ميجان99 والستروين zx بجد خلاص وكل واحدة بتكون مميزة عن التانية السيتروين فرنساوي وناعم ودخلت علي الرابطة الاستاذ روتانا بيقول صاجها حلو بس اهم حاجة موتور زهر والرينو كليو وميجان فرنساوي برضه يعني نفس الكلام واللانسر بطة والدايو الاسبيرو وسع وتكييف ومعرفش باور ولا لاء بس قريت هنا في موضوع انها احسن من الرايسلر والسيليو والسويفت والاكسل الكل يقول اكسل طب لقيت اكسنت يقول احسن بين كل دوول اختار ايه وطبعا السكودا فيلشيا بس اهم شئ يكون عالجت عيب السخونة بجد محتار وعاوز كده حد خبير ربنا يجازيه خير يفصلي حيرتي دي بشرح مفصل عن انسب الخيارات واقارن ايه واحذف ايه واللي انا محتاجة قولته بمشاركاتي فوق ربنا يجازيكم خير وياريت حد يغير اسم الموضوع او يفتحه للنقاش لانه فعلا موضوع مهم وهيبقي مرجع كويس للي عاوز يجيب عربيه بسعر معقول لان تقريبا الاسم بيعمل قراءات بس لكن مافيش مشاركات ولا نقاش وبعتذر للاطالة
Content Relevant URLs by
vBSEO 3.6.0 PL2