لقيت فى غطاء زيت طحينه

**golfman** · 10-08-2016 05:14 PM

سلام عليكم
حصل معايا مشكله امبارح كوعه المياه اتقطعت ومحدش بالى ان الحراره رفعت للاخر لقيت مره واحده زى صوت تخبيط بسيط بوص على عداد لقيت حراره على الاخر المهم دلوقتى ركبت كعوه وزودت المياه لقيت العربيه بتقطع بصيت على بوجهات لقيت بوجهات زى محروقه المهم غيرتها لقيت صوت عربيه اختلاف شويه بس بوص على غطاء بتاع زيت لقيت فيه زى طحينه بس زيت نفسه زى الفل مش فى اى حاجه خالص
مش عارف اعمل ايه اغير زيت واصبر شويه ولا اروح لميكانيكى واكيد لو روحت عند ميكانيكى هيفتج فتحه وفى نفس الوقت خايف يكون فى حاجه ياريييييييييييييييت حد يرد عليه بسرعه

**miam0502788391** · 10-08-2016 06:04 PM

تابع الزيت وشفه بينقص ولا لأ
كمان شوف الميه فى القربة بتنقص ولا ثابته
لو فيه طيحينة فعلا على الغطا يبقى ده جوان الوش ضرب فعلا والحرارة هتلاقيها بتعلى دايما

**ahmed.biso13** · 10-08-2016 06:45 PM

دى اعراض بداية وش سلندر
والحق نفسك واعملها دلوقتى بمزاجك
بدل ماتعملها هى معاك وترجع شايلها على اكتفاك
او ونش فى ازمة العيد او الشتاء
دا اذا اكتفاك كانت تستحمل زق وجر اساسا
زى ماحصل معايا من سنتين فى العربية الشاهين فى عز الشتاء وانا رايح للدكتور عشان ابنى كان مريض ساعتها
فاعمل حسابك العربية طول ما ايدك فيهاعلى طول عمرها ماتقل بأصلها معاك اوتفضل شايلاك انت وعيالك
لان سبحان الله العربيات دلوقى اصبحت بتحس بصاحبها زى ال بنى ادم وبقت واحد من الاسرة

**juba8** · 10-08-2016 09:25 PM

دى اعراض بداية وش سلندر
شوف الميه بتنقص ولا لا

**tameem2010** · 11-08-2016 10:58 AM

ده اما جوان وش السلندر او وش السلندر نفسه قفع من الحرارة
هتلاقي زي ريم زيت عايم على وش المياه في القربه
نقصان في المياه كتير
نقصان زيت بس مش كتير قوي
العربيه هتاكل بنزين
هتبقى ملخبطة معاك في السلانسيه
صعوبة انك تدور العربيه
هتلاقيها بتسخن منك في السرعات العاليه او التكييف
ده جوان وش السلندر سافر
تغيره مش مشكلة
هتروح للميكانيكي هيجيب واحد تاني وهو رخيص مش غالي
والخراط عشان يجلخ وش السلندر نفسه
وهتغير مياه
وتغير زيت وفلتر زيت

وكل حاجة هترجع مظبوطة

الليلة ممكن تتكلف منك في حدود 800 جنيه بالزيوت والمياه والمصنعيات
وبتاخد يوم او يومين شغل

الموضوع مش صعب
طالما العربية بتدور وشغاله يبقى وش السلندر لسه فيه نفس مش هيحتاج يتغير لانه طبعا غالي ومش موجود الا استيراد