هشتري عربية مستعملة

**Basel Ashraf** · 13-08-2016 05:36 AM

انا بقالي أسبوع متابع المنتدي بسم الله مشاء الله في أهل خبرة فوق الوصف كنت عايز بس استفسر عن شوية حاجات معلش استحملوني انا هشتري عربي 128 و دي هتبقى اول عربية ليا انا لسه 19 سنه ف طبعا حضرتكم عارفين فكر الشباب ف كنت عايز أسأل عن تكلفه كماليات و هل متاحه انا تبقي في ال 128 ولا لا
تابلوه يكون شكله مودرن هيبقى في حدود كام
زجاج كهرباء وسنتر لوك
لو حبيت اغير الموتور ايه المناسب و ف حدود كأم
معلش انا معنديش خبره في العربيات ف لو ممكن شوية نصائح وشكرا لتعبكم

**bluemail** · 13-08-2016 08:29 AM

اهلا بيك ونورت المنتدي
اولا التابلوه، في ناس كتير بتركب تابلوه البولو، شكله اشيك بكتير، سعره تحت 1000
ثانيا ازاز كهربا وسنتر وانذار، في حدود 1000
ثالثا الموتور المناسب ال 1300 في حدود 3500

اهم حاجه في ال 128 انك تجيب عربيه اساستها سليمة الشاسية مش فاتح
لان ده العيب الازلي في 128، لازم يكون معاك سمكري ثقة وحط تحت ثقة دي 128 خط
ممكن كمان تعمل تقويه للشاسية خصوصا لو فكرت تغير الماتور
متنساش كمان تركب شدادات
بالتوفيق

**Basel Ashraf** · 15-08-2016 01:46 AM

طبعا متشكر جدا أن حضرتك رديت انا لفيت كتير و لقيت عربيات فيها الموتور 1300 بس هل لو موديل العربية في ال 70 متنصحش بيها ولا عادي مش بتفرق لو الأساسيات سليمة
تاني حاجه انا معايا 20 الف جنيه ف حضرتك شايف ان ال128 حل مناسب و مش لازم ارمي فيها الفلوس كلها ؟ وشكرا لتعبك معلش انا اول مرة ف موضوع العربيات