سؤال بخصوص الانترا 2007

**teto_madany** · 02-08-2007 05:03 AM

هل حوار ان الوش بتاع الالنترا بلاستيك ده صح ولا لا و هل ده يبقى عيب قاتل الواحد يصرف نظر عن العربية خالص ولا اييييه الكلاااام؟؟؟؟
شكرا
طارق عسكر

**Hossam Mounir** · 02-08-2007 11:14 AM

بص يا سيدى هوه مش الوش ... هو الصدر اللى بيبقى مقدمة الكبوت وبيركب عليه المصابيح الأمامية ... وهو مش بلاستك ...هوه فيبر أو Compound Material ... وده نوع من اللدائن البلاستيكية مجمعة سوياً وبتبقى من مشتقات البترول ... وأحب أقول لسيادتك أن معظم العربيات الجديدة كده ... ودخلت هذه اللادائن فى صناعة السيارات والطائرات علشان يخفف من الوزن الأجمالي ... لأن لو العربية بقت كلها حديد x حديد مش هتمشى وتسحب ... ومكنش هيبقى عندنا العربيات اللى بتجيب 120 و 140 و 160 كم / ساعة بدون أى مشكلة ...
بص من الأخر كل الجديد صاجة زى الزفت ...وأكصدماته فيبر ... فالمسائلة دى اتحسمت من زمان ... وما تدورش عليها ... المهم تكون بتسوق بحرص ... ومخلي بالك من العربيات اللى حواليك ... ومخلي بالك ... وأنت بتركن العربية ... دى أهم حاجة ...

على فكرة فى قضيب من الصلب خلف الأكصدام الامامي يعمل على عدم وصول الخبطة إلى الرادياتير وبالتالى الصدر ... فى حالة الحوادث لا قدر الله ...

تحياتى للجميع ...

م / حسام منير

**teto_madany** · 02-08-2007 05:54 PM

انا مش عارف اشكر حضرتك ازاي على الرد
انا عارف ان صاج الجديد كلو زي الزفت بس كان في احد الاعضاء الكرام قال انو كان شايف كتيير في التوكيل مخبوط من قدام و الريدياتير واقع و ان الوش بيتغير في التوكييل ب 1500 جنيه و كده...
اشكر حضرتك مرة تانية
طارق عسكر

**Hossam Mounir** · 02-08-2007 06:19 PM

بس كان في احد الاعضاء الكرام قال انو كان شايف كتيير في التوكيل مخبوط من قدام و الريدياتير واقع و ان الوش بيتغير في التوكييل ب 1500 جنيه و كده...

وده للأسف حقيقة ... يعنى كل اللى قاله PAYOO ... بخصوص الموضوع ده مظبوط ... بس زى ما قلتلك كدة ... المفروض أن ده ممكن يحصل مع خبطة امامية جامدة لا قدر الله ... وبالتالى لو سيادتك حريص ومركز فى القيادة ... تتلافى أى شئ ... وده أمر وارد لأى سيارة حديثة أو قديمة مهما كانت ماركتها أيه ... وبردة نصيحة ليك حاول تأمن ... علشان لو لا قدر الله حصل أى حاجة - وبالذات مع السواقة اللى الواحد بيشوفها فى بلدنا دى - ما يبقاش الضرر كبير عليك ...

تحياتى للجميع ...

م / حسام منير

**Salah_sr** · 02-08-2007 09:20 PM

مع أحترامي للأخ العزيز حسام منير و الأخ طارق عسكر إن وش العربيات كله ضعيف أنا أعتقد العيب مش في العربيات و لكن العيب فينا و السواقة و الشوارع الهباب و الدليل إذا دخلت أي موقع عالمي أو خليجي خاص بالعربيات مش حتلاقي هذه الشكوي إلا في مصر سيدى لقد أصبح الوضع المروري في مصر علي حافة الأنهيار و الحكومة غائبة تماما عن الشارع و المشكلة سوف تصل لدرجة لا تطاق مثل مشكلة المياه و هو ده حالنا لك الله يا مصر

**teto_madany** · 02-08-2007 09:45 PM

يا استاذ صلاح هو احنا لسه هنوصل لدرجة لاتطاق ده احنا الحمد لله وصلنا ليها و بمرتبة الشرف
اشكرك على الرد يا استاد صلاح

**محمد البحيري** · 03-08-2007 06:44 PM

مش عارف بس برضه العربيات كترت اوي ومش عارف بعد كده هتروح فين :roll:

**ahmed1981** · 03-08-2007 07:46 PM

في عربيات أمريكي قديمة موديلات تمانينات وكبيرة نوعا ما زي الكابرس الوش بتاعها قدام كله الياف زجاجية (فايبر جلاس)
ومفيهوش مشالكل بل بالعكس عملى ومتين وخفيف

**ابوحميد** · 03-08-2007 08:04 PM

اعتتقد ان العيب الاساسى مش فى السواقة على قد ما هو من الزحمة
الزحمة بتعلم الناس سوء السلوك ولان الواحد للاسف عشان مينتظرش شوية بسيطة يعمل حاجت مؤسفة
زى مثلا البوزbase
:roll: :roll: :roll:
الدليل على كدا لما الواحد يسافر برة الخليج مثلا يحس بالفرق لان مفيش زحمة تجبر الواحد يمارس عادات مش كويسة فى السواقة
حاجة اخيرة ان القانون مش بيتطبق على الكل
برة مثلا عقوبات صارمة ماشية على الكل احنا عندنا عقوبات لكن ناس اه وناس لا
وربنا يصلح الحال