عرض للطباعة
يا جماعة انا عايز استفسر عن الموضوع دة بجد
فى ناس جابت العربية دى وبيشتكو منها مر الشكوى + العيوب اللى بتظهر فيها و كركة وتكتكة وغربلة على سرعات وضعف فرامل وخلافو
وفى ناس بتشكر جدا فى العربية وبتقول انها 100 100 وبتستحمل وحمالة اسية ومفيش اى اصوات وتقفيل تمام
انا عايز اعرف العربية دى انت وحظك ولا اية بالظبط
استاذي الفاضل
المسأله مش بتكون انت وحظك
قبل ما تستلم العربيه تقدر تشيك عليها وتجربها
واي عيوب محتمل انو يظهر في اي عربيه
لكن العيوب البسيطه اللي بتظهر في العربيه ( على حسب كلام ملاكها )
بتكون بسيطه وسهله تتصلح
واسأل اهل الخبره
شكرا :dfgf:
اخي العيوب الخفيفه دي موجوده في كل سيارات الجين 2 بس ده بيرجع لحساسيتك وكنت راكب ايه قبلها وخبرتك في مجال السيارات
ومقارنتك بغيرها
وانت من النوع اللي بتركز اوي في الاصوات الخفيفه وكده يعني
في ناس بتلاحظ وفي ناس مش في دماغها المواضيع الطفيفه دي
وشكراااااا
السلام عليكم و رحمة الله و بركاته
بُص يا باشا
أولا طبعا أنا شايف أن اسم أو عنوان الموضوع مبالغ فيه شوية
لأن معنى الكلام ده أنك تشتري عربية و تطلع بايظة أو ضايعة .... الخ
اللي بيحصل أيه
العربية فيها عيوب تقفيل و بتظهر مع ناس و ناس لاءة
وصف الناس للعيوب هو اللي بيختلف
فيه ناس بتهول في إظهار الجمال ( ساعات أنا بعمل كدا ) و فيه ناس بتهول في التعبير عن غضبها من العيوب
يعني فيه أخ زميل و هو أبن حميدو أشنرى العربية و فيها صوت طقطة في الأمام
طبعا الراجل كان زعلان جدا لسبب مهم
ان العربية عليها كلام كتير ( الثقة قلت مع المستخدمين الجدد من كتر الكلام )
و في الأخر العفشة كانت عايزة تتربط و لما أتربطت المشكلة أختفت
يعني الناس دخلت و قعدت تتكلم عن عيوب الجين 2 و مش عارف و الاخر طلع الموضوع أن العفشة عايزة تتربط
لذلك أنت ممكن تدخل الموضوع تسمع الشكوى .... و منعرفش أي أسبابها أو مسببتها و بعد كدا ما تتابعش الحل اللي حصل
يبقى سمعت الشكوى بس و مسمعتش الحل
يبقى الشكوى هي اللي هاتقعد معاك ....كمرجع لأنك أصلا خايف من العربية
يا راجل ده من كتر الكلام على العربية
الناس بقت موسوسة جدا و بتشتكي لو العربية داست على زلطة في الشارع
و الناس بقت خايفة جدا جدا و مرعوبة من المشاكل اللي ممكن تقابلها و ده مش كويس للناس اللي تملك العربية و لسة جداد و مش واثقين فيها
لأنه كدا بيسمع كلام كتير و ده بيرعبه و يخليه موسوس زيادة عن اللزوم
الخلاصة
ان العربية فيها مشاكل تقفيل بسيطة ( الكل متفق على كدا ) و حلها سهل في التوكيل
أمثلة لمشاكل التقفيل
عفشة عايزة تتربط
زرار لمبة الصالون مفوت ( بيتغير مجانا في التوكيل )
مكنة الزجاج بتعمل صوت !!!! بيترش عليها WD40
زراير الدريسكيون للتحكم في الكاسيت ساعات بتعلق أو تعكش الوظيفة بتاعة الزرار و برضه بيصلحوها في التوكيل أو بيغيروها و ساعات بتصلح و ساعات لاءة و ده عيب نادر الوجود و لكنه موجود
أصوات بتخرج من السيارة ( دي مش عيوب بس الناس بتعتبرها عيوب )
الكنبة الخلفية بتعمل صوت
الحل :
يا إما تلف على قطعة حديد منهم شيكارتون خفيف أو قطعة سفنج صغيرة
طيب الصوت بيطلع ليه ؟؟
لأن الكنبة و القفل بتاعها أو الحتة اللي بتبيت فيها
قطعتين حديد بيلمسوا بعض
المفروض كان المصنع لف جلد حوالين واحدة منهم علشان الصوت إنما في الواقع الأثنين حديد .... فطبعا مع الحركة على الشوارع المصرية المستوية جدا !! لازم يطلع صوت
و الحل أنا شرحته سابقا
الشنطة فيها حمالتين حديد .... برضه حديد في حديد فلازم يعمل صوت و حلها أسهل من حل الكنبة
ترش WD40 على الحمالتين و أنت فاتح الشنطة على أخرها ز الصوت بيروح لمدة لا تقل عن شهر مثلا
و ترش رشة كمان لما الصوت يرجع
أدي يا سيدي أشهر مشاكل الجين 2
و لكن لا يوجد أي مشكلة من المحرك أو العفشة أو صندوق التروس أو أساسيات العربية بالاضافة إلى الاداء الممتاز من السيارة و الثبات والاتزان الرهيب
أنا مش هاتكلم عن مميزات لأن الناس أتكلمت كتير في المميزات
نقطة كمان عايز أقولها
فيه ناس بتحب تشتري الحاجة و تكبر دماغها بعد كدا
يعني لو لقى صوت من الكنبة بيعتبرها مصيبة سودا على الشركة و اليوم اللي أشتغلت فيه
و ده لو سألته هايقولك دي عربية زبالة ... و تقفيل زبالة ....لأن النوع ده من الناس بيبقى صعب ارضائه و كمان قيه ناس تانية بتشتري العربية و منتظرين منها حاجات كانت في مخيلتهم مثلا و لما يشتروها مش بيلاقوها فيها
فطبعا لازم يطلع يقول العربية فيها و فيها
الأهم بقى
لما تسمع المشكلة مكتوبة على الأنترنت ....الكلام بيكون متهول شوية علشان صاحب المشكلة يقدر يوصل المعلومة للي بيقرأ ....أو المتلقي اللي هو بيقرا بيفهم حسب تخيله للموقف
و ضيف بقى على كل ده
كتر الكلام اللي الواحد بيسمعه + العربية مش ياباني = ثقة أقل للناس اللي بتبص لبلد المنشأ كمبدأ للحكم على العربيات أو المنتجات عموما
يعني أسمع كلام ناس على الرينو مثلا و متغاظين علشان عاملين رفارف فيبر !!!
طبعا الشركة عاملة كدا علشان تخفيف الوزن مع ان العربية ما شاء الله كسبانة 5 نجوم بحالهم في اختبارات التصادم و الأمان الأوروبية
بس برضه المصريين مش عاجبهم ( ثقافة الياباني مثلا )
أنت لو راكب عربية و داخلة دماغك 100 % ....... لو عفاريت الدنيا طلعت فيها هاتلاقيها ألف عذر
إنما لو راكب عربية و داست على زلطة في الشارع ......هاتقول يا خرابي !!!
الأمثلة اللي أنا ضربتها للتوضيح و هي ليست للتقليل من السيارات الياباني أبدا لأنها سيارات قوية و ممتازة و معمرة أيضا ( و لكن ليست وحدها )
السلام عليكم
خليك واثق فى الجين والله عربيه ممتازه الثبات بتعها مش هعرف بجد اوصفه انا كنت مستعجل عشان اوصل واحد صحبى, واخد الدائرى على 170 و مش حاسس انى بجرى و فادى زى ما انت عايز العربيه حبه الاسفلت و مسكه فييه باديها و سنانها عشان تلبى رغباتك و ربنا الحافظ طبعا انا مش بقول كده عشان اقولك اجرى انا بقولك ان العربيه كويسه جدا و بتنافس بشده عربيات اكبر من فئتها
كلام مظبوط ١٠٠ في الــ ١٠٠ بجد إنت راجل تمام .. وجبت من الأخر.اقتباس:
المشاركة الأصلية كتبت بواسطة tutankhamoun
+100000000000000000000
يعنى انا مثلا لم اعير انتباه للخشونة على 3000 ار بى ام لانها لا توثر فى اى شىء معايا ومع الوقت قلت جدااا ومركبتش الجلدة حتى الان والى بتدهولى جين2 الجميلة اكتر بكتير من الحاجات الهايفة دة الى ممكن اعملها فى التوكيل فى اى وقت :victory::victory:
ربنا يوفق
باختصار شديد هى بطيخه فعلا
معلش يا توت انا من أنصــار البطيخ :dfgf:
و بناء علية لالالالالالازم عند الاســـتلام :
1 - تخبط عليها كويس
2 - تحط ودنك عليها من كل ناحـــــــــــــية
3 - تكشف علي اللون بتاعهــــــــــــا كويس غامق ... فاتح .... مستوي
4 - تــسأل حــــد أشتري من الشــــادر دة قبل كــــــــــــدة
5 - لو بعـــد دة كلة طلعت قرعــــه .... ها نعمل لك اية ها تكلها ها تكلها
aiwa tb3an hia bati5a
lma tigi w tla2i 3arbytak btzamar mn kol 7eta
w tla2i el 3agla el ymin bt3ml tak taka
w wara fe sot karkara w enta btrkn tsm3 za2za2a
w wa7d tani baa2alo 100 allf wla 3omro sm3 ai sot
tb2i di bati5a wenta w 7azak
kman f 3eeb a5ar zahar ma3 tweety w ahmed siyam hwa en el doko bytla3
w da 3eeb katl bsara7a
ana ba7b el 3rbya bs lo fe 7ad ydmanli enha tkon bati5a 7amra hashtriha now
bs el moshkla eni msh sakn ganb el twkil w msh fadi aro7lo kol yom 3ashan y2rfni
la2n el twkil btro7lo aktr mn mara 3shan tsl7 el 3rbya
ya3ni msh mn awl mara el 3rbya bt5las
momkn tdhalo w trg3lk feha moshkla wa7da ma7lola wel ba2i zi mahwa
el 3rbya 3ayza wa7d nieto 7lwa w 2rfeto 7lwa w 7azo 7lw :D w fadi 3shan lo 7asl mshakl yzen 3ala el twkil
:D عجبتني : fe sot karkara :D
:Dهي بطيخة و لا شيشة ولا موتوسيكل :D
heheh
da bas 3shan el 7bka el deramia
ya3ni hafdl a2ol sot ta2ta2a ktir
lazm ykon f she2 mo5talef :D
هههههههههه
انا اسف للعنوان يا استاذ توت
بس حبيت الصورة تبقى واضحة عندى مش اكتر
انا حجزت العربية وابتديت اخاف من كلامكو
انا كنت حاجز الافيو ولقيت ناس بتقولي دي عربية زبالة
روحت مغير حجزت الجين 2
انا من النوع اللي خبرتو ضعيفة فالعربيات يعني عايز اريح دماغي ومش
عايز اي مشاكل تنصحوني بأيه؟؟؟
انصحك بنيسان صنى
حتى نيسان صنى فيها عيوب والتوكيل برضة متعب ودة لانك فى فى مصر والاستهتار يقى على الكيف ولسة فى موضوع مفتوح جديد عن نقص زيت الماتور وراجع منتدى نيسان للتاكد وشوف انت مستريح مع اى عربية وصلاة استخارة وكلة هايبقى تمام
ربنا يوفق
aiwa tb3an mafish 3arbya b 90 alf w mfhash 3yoob
dal civic eli kant b 140 feha 3iob
el impreaza feha 3iiob
kolo f 3iob mafish 7aga hatla2iha kamla
bs bardo el gen enta w 7azak momkn tla2i el moshkla 5afifa w tet7al bsor3a w momkn tla2iha sa3ba w y2olk msh hatet7al zi ba3d el aswat el feha now ma3 tweety
يا جماعة عيوب تقفيل احسن ميت مرة من عيوب في الموتور والضفيرة والكلام دة كلو
(باكد على صلاة الاستخارة يا جماعة)والله مهمة جدا
السلام عليكم
المشكلة دى عادية لا يمكن ارضاء كل الناس بنفس السلعة و الناس اللى بتشكر عندها حق و اللى بتشتم برضه عندها حق كل واحد حسب ثقافته و حساسيته و خبرته و ثقته فى نفسه و فى سيارته و طبيعى ناس لا يعجبها السيارة و أرجعوا الى جريدة الوسيط و أنظروا الى الاعلانات اللى معمولة تجد ناس بتبيع سيارات عاملة 500 و 1000 و 2000 كيلو ليه لأنها لم ترضى عن السيارة أو لعيوب فيها من وجهة نظرها و من جميع الماركات أنا واحد لا أحب اليابانى ليس لعيب لكن لأن مش ممكن كل المصريين يركبوا اليابانى فقط أنا كنت فى فرنسا من حوالى 3 شهور معظم السيارات هناك فرنسى أو أوروبى و اليابانى قليل و الكورى منعدم و الصينى ليس له أثر و الأمريكى يعنى Ford دى ثقافة شعب و نظامهم
الخلاصة اللى مش عاجباه الجين 2 يبيعها و يريح باله لأن مهما قيل و شرح لهه لن يقتنع فيوفر وقته و فلوسه و أعصابه و خلاص
أنا عندى السيارة موديل 2007 أوتوماتيك كويسة جدا و مبسوط بيها و راضى عنها تمام الرضى العيب الوحيد فيها فعلا استهلاكها للبنزين داخل البلد حريقة خاصة مع التكييف و شكرا
اقتباس:
المشاركة الأصلية كتبت بواسطة ashraflotfy1
كلام زي الفل ..... موافقة تامة و كلام جميل
ربنا يباركلك في العربية و يقيك شر الطريق و يحفظ طريقك