الموضوع: انطباعاتي واستفساراتي عن فلوانس 2017 هاي لاين

هل هناك اختلاف في الشكل من 2016 ل 2017 في الفلوانس ؟

المشاركة الأصلية كتبت بواسطة bota41

هل هناك اختلاف في الشكل من 2016 ل 2017 في الفلوانس ؟

مفيش أي اختلاف هيا هيا زي ٢٠١٦

كلمت التوكيل امبارح - قالى ان العربيتين الموجودين موديل 2016
واحدة ب 203 و التانية 222
و لما سألتهم على 2017 قالولى لا يوجد اى معلومة فى الوقت الحالى

فممكن حضرتك تقولى هى ثمنها كام و جيبيها منين و ايه الفرق بينها و بين 2016

المشاركة الأصلية كتبت بواسطة ahmed_bq

بسم الله الرحمن الرحيم

اشتريت العربيه الفلوانس الجميله من شهر تقريبا وفيما يلي بعض انطباعاتي واستفساراتي لملاك السيارة الاكثر خبره فيها اذا سمحتو

مبدأيا العربيه ما شاء الله جميله وناعمه ومريحه وتكييفها والكاسيت بتوعها جمال جدا

1- اماكن التخزين قليله اوي:
مكان الاكواب رخم حبتين وخصوصا اني بدخن وبحتاج الطفاية تبقى مش في الفتحه البعيده اللي قدام ...
مفيش مكان حلو للموبايل وخصوصا لو كبير زي الايفون 6 بلس ...
مفيش مكان للجنيهات الفضيه ...
ومفيهاش درج صغير حتى في كل التابلوه ده .. رغم ان الدرج بتاعها ملعب.
هوا صحيح الدرج فيه تبريد؟

فيه حلول او اكسسورات متجربه لعلاج موضوع اماكن التخزين ده؟

2- الفوجات:
لونها اصفر مبوظ شكل العربيه وسط الزينون والليدات ... هل ممكن اركب لمبات تلجي او زينون من غير متطلع من الضمان؟
دا غير انها مش مظبوطه وبتفرش على الارض ويادوب بشوف النور بتاعها... هل ليها رجلاش؟ وممكن اعمله انا ولا صعب؟

3- مخادع الرأس:
هيا ازي المخادع دي بتنزل تاني لاقل مستوى ... انا رفعتها وهيا حلوه بتريح بصراحه .. بس مش عارف انزلها تاني .. ازاي؟

4- الكاسيت:
مفيش حل اني اقلب فولدرات في الفلاشه من غير مدوس على البكره اللي في الكاسيت واعمل رجوع؟
ويا سلام لو حد من محبي المزيكا يقولي احلى ظبطه للكاسيت ايه ... طبعا لما عملت Sound Localization على Vehicle الصوت بقى احلى كتير ... بس الصوت عالي اوي بزياده يعني بعمله على 16 بيبقى عالي واحيانا الصوت بيبوظ ... اعتقد ان حد حريف كاسيت ممكن يوقلي احلى ظبطه اذا سمحتو.

5- البصمة:
العربيه ما شاء الله صوتها واطي ... سعات بنسى وانزل والكارت في جيبي وافتكر ان العربيه دايره ... حاسس اني هسيبها دايره مره ... مفيش اوبشن يخليها تبطل لما الكارت يبقى مش جواها؟

6- السحب:
العربيه CVT وانا معايا عربية تانيه لانسر سوبر اكشن فواخد على الفتيس ده ... بس العربيه ساعات بتتنح شويه ثانيه كده بعد المطبات مثلا ... ومش دايما .. فدا علاجه ايه ولا لما اروح الصيانه اقولهم؟ علما بان موتورها بتاع السنترا ..السؤال هل السنتر بردو كده؟


حبيت اعرض انطباعاتي وبعض الاسئله لخبرا الفلوانس يفيدونا ويفيدو الناس في المنتدى العظيم ده
دمتم بكل خير ... وشكرا مقدما

اولا الف مبروك وربنا يكفيك شرها



هتلافي عندك كلمة اسمها setup فى الكاسيت دوس عليها وهتلاقي فى القايمة ال انت عايزه سواء بلوتوث او اي حاجة انت عايز تظبطها

المخادع فى زرارين واحد من الجمب مدور كده والتاني فى الحديدة من تحت خالص بتاعت المخدع دوس عليها وهتنزل




عيوب العربية ال انا شايفها بصراحة

مكان الكاسيت من تحت اه القرف ده يعن عربية بحجم رينو فلوانس يكون الكاسيت بتاعها كده ما ترفعوا شوية يا اخي واه الزراير ال انت حتططها دي ال متتشفش ولا عارفين ندوس عليها لو حد اعد جمب السواق بيكون صعب انك تدوس عليها يمكن ده انا حسوا بس عشان كان معايا كروز 2011 وطابلوه الكروز بصراحة احسن منها ده من وجه نظري ده غير انها فقيرة زي ما بتقول فى التخزيين الفراغ ال ادام الفتيس ميشلش علبه سجاير



من مميزات العربية الصراحة يعني مشوفتش اسهلاك فى البنزين زيها العربية ما شاء الله العربية الصفيحة ال هي 20 لتر بتعمل معاك 270 كيلو مستريح واحيانا والله بتجيب معايا 300 بس متزدش عن سرعة 120 على الطرق السريعة غير طبعا وسط البلد

صالونها برده واسع جدا ده غير شنططها ال 510 لتر بصراحة هي عربية ومش اي عربية

الف مبرووووك