عرض للطباعة
السلام عليكم...اتمتي يا جماعه اللي عنده خبره ف الموضوع وبيتعامل مع موظفين الحكومه يفيدني....لو انا عندي محل او اي مصلحه زي كده..ولازم لها اجراءات وتصريحات وورق من هيءات حكوميه..شغلي ممكن يمشي من غير رشاوي وقرف...يمشي بما يرضي الله....ولا كده كله حيقف ومفيش حاجه حتتعمل ... افيدوني لو سمحتم
بما يرضي الله؟؟اقتباس:
المشاركة الأصلية كتبت بواسطة البليهيس
و هو فيه حاجة ماشية بما يرضي الله في البلد كلها
حضرتك اكيد كنت مسافر
من الآخر لما بحب أخلص حاجة فى الحكومة بروح على الفراش أو الساعي أو بتاع الأمن و ألاغيه و هو حيخلص لإنه بيبقى عارف مين اللى بياخد و يخلص
هي البلد ماشية كدة و الناس اللى فى الحكومة عارفين إنها سبوبة
اقتباس:
المشاركة الأصلية كتبت بواسطة ahmedwagdy03
للاسف انا مسافر برة مصر من زمان اوى واخر مرة كنت فى اجازة الشهر اللى فات
المهم كنت عايز انقل ولادى واحد اعدادى وواحد ابتدائى من ادارة الى ادارة داخل القاهرة صراحة لم اكن اتخيل ان الوضع فى مصر فى القطاع الحكومى وصل لهذه الدرجة
المشكلة انا ممكن ادفع فلوس لاى حد واشترى وقتى وكرامتى ايضا لكن ماعرفش مين اللى بياخد ومين اللى مش بياخد وممكن تيجى تدفع لحد يطلع شريف ويعملك مصيبة
العجيب انه الموظفين الحكوميين اللى قاعدين على مكاتب بيعملوا اشياء ادارية مع احترامى لاى انسان هم اوطى الطبقات الاجتماعية ثقافيا وماديا والغريبة انهم بيتعاملوا مع الناس بطريقة فى منتهى قلة الذوق وعدم الاحترام ولا ادرى ما السبب فى ذلك
لدى موضوع لو حكيته لن يصدقنى احد يدل على ما وصل اليه الحال عند هؤلاء
عندى ابن انتهى من المرحلة الابتدائية وعنده ضعف سمع فكان فى مدرسة خاصة بضعاف السمع وطلع التانى على محافظة القاهرة واسمه وصورته طلعت كانت موجودة فى كل الميديا وموقع الوزارة وانا اصلا ولا امه نعرف حاجة
جينا ننقل له من المدرسة قالوا ورقه راح المدرسة الاعدادى ومالناش اى علاقة بيه روحنا الادارة قالوا ضعاف السمع مش تبعنا طيب تبع مين قالوا ما نعرفش اسال فى المديرية
روحت المديرية لقيتهم بيقولوا ازاى بقى تبع الادارة اياها فقلت لهم هما بينكروا قالوا لا غلط طيب مين يلزمهم بالكلام ده اعمل طلب مثلا وتوقعوا عليه والا اهبب ايه قالوا لا مالناش دعوة طيب انا عايز انقله فى مكان اقامتى الجديد فين الولد يروح قالوا اقرب مدرسة لضعاف السمع طيب ايه هى اقرب مدرسة قالوا ما نعرفش امال مين اللى يعرف ؟
طيب بلاش انا عايز اطلع بيان نجاح انه الولد حصل على الشهادة الابتدائية قالوا ما نعرفش لكن اسالة فى حاجة اسمها لجنة الامتحانات جنب معهد التعاون
روحت هناك الناس ضحكوا على وقالوا هنا ثانوية عامة ودبلوم بس قلت لهم يعنى فى المديرية بيوجهونى غلط ومش عارفين قالوا ايوة طيب اروح لمين ؟قالوا روح الوزارة
روحت الوزارة علشان ادخل ده موال كانك رايح امن الدولة وعلشان توصل لقسم التربية الخاصة ده موال تانى وماحدش عارف حاجة ومافيش استعلامات وكله بيقولك بناء على مفهومه الشخصى ومافيش اى قوانين ولا لوايح ثابتة تنظم اى اجراء فى البلد
وصلت الوزارةاخر اوضة فى الدور السابع بعد ماسالت طوب الارض وقابلت ناس قاعدة مااعرفش بتعمل ايه وقالوا لى انه فيه مدرسة بيبقى فيها كونترول المدارس هى اللى بتطلع بيان النجاح
رجعت المدرسة وبدات من الاول قالوا لى عليها فى احمد سعيد فى العباسية سالت هناك رفضوا وقالوا احنا كونترول بس ومالناش دعوة ببيانات النجاح
بعد كدة شوفت معرفة ورجعت تانى للادارة اللى روحتها الاول وقابلت فيهل راجل مخضرم قالى ما تتعبش نفسك لو لفيت مصر كلها مافيش اى حد هيديك بيان نجاح والمشكلة دى فى الادارة من 4 سنين طيب ليه كده؟
قالى لانه المدارس بتاعت ضعاف السمع رافضة تنصاع لاوامر الادارات التعليمية اللى تتبعها فالادارات اتخذت قرار بانها تنفى اى علاقة بينهم وعيش حياتك بقى شوف مين ينفعك فى مااااسر ام الدنيا
وحتى الان لا يوجد اى هيئة تتبع وزارة التعليم ممكن تدينى بيان نجاح لابنى اللى طالع التانى على المحافظة والوزارة حاطة اسمه وصورته على الموقع الرسمى ليها
الانكى من كدة تخيلوا واحد عايش برة مصر فى دولة بتعمل كل مصالحك وانت فى بيتك على النت والمصالح الحكومية فيها قصور مكيفة فيها كل حاجة واضحة بالدور والنظام والاحترام وفجاة تلاقى نفسك فى صفيحة زبالة اسمها المصالحة الحكومية
كل المصالح الحكومية الناس اللى فيها لابسين هدوم قذرة ومافيش حد منهم استحمى من كام سنة وقاعدين على دكك وكراسى مكسرة فى اماكن فى منتهى القذارة كلها زبالة وتراب وطين وفاكرين نفسهم بنى ادمين وكمان بيتعالوا على خلق الله والواحد فيهم استغفر الله العظيم فى سوق البنى ادمين لو اتباع ما يجيبش جنيه
وكل المبانى مافيش فيها اكسجين والدنيا حر نار ومراوح قديمة مشغلينها على وشك انها تولع او تعمل ماس كهربائى
انا فرحان فيهم انه الدولة هتفصل 3 مليون موظف اللهى يولعوا بجاز كلهم
ههههههه والله هم يضحك وهم يبكي......قصتك عشتها بكل تفاصيلها استاذي السنه اللي فاتت دي.....طب يجماعه كده ربنا مش حيبارك ف حاجه....الراشي والمرتشي ف النار.....الهي كل مرتشي يولع بجاز وسخ.....يعني ايه طيب.. نعمل ايه
ازيدك من الشعر بيت
انا مدرسه بالأزهر وحط تحت الأزهر دي ١٠٠ خط
روحت اجدد اجازتي شيخ المعهد الأزهري ايوه ابو عمه وقف أن طلب فلوس عيني عينك عشان يوافق يمضي علي طلب تجديد الاجازه انتي مش بتسالي؟ وكأن انا بسافر عشان اجي أدفعهم للوطن يرضي مين ده
لا بقى معلش استاذى الفاضلاقتباس:
المشاركة الأصلية كتبت بواسطة البليهيس
سعادتك لازم تحكى لى كل التفاصيل الله يبارك فيك
يا اما نعمل موضوع منفصل كل واحد يكتب فيه خبراته مع المصالح الحكومية
اقتباس:
المشاركة الأصلية كتبت بواسطة lonedoctor
مشربتش من نيلها؟! جربت تغنيلها ؟! يبقى انت اكيد اكيد فى مااااسر ام الدنيا
:chatting:
ربنا يرحمنا برحمته...يعني حتي لو عوزين الحلال ف البلد دي مش قدرين نحصله...حسبي الله ونعم الوكيل..وبلاها مشاريع من اساسه...احنا بنتعلق ف رضا ربنا
النداء الثانى والاخير لسعادتك علشان تسرد الموضوع بتاعك اللى يشبه موضوع ابنىاقتباس:
المشاركة الأصلية كتبت بواسطة البليهيس
اتمنى ان تفعل ذلك للانه على فكرة انا للان فشلت تماما انى انقله بسبب الموضوع ده ويمكن من حكايتك نلاقى حل او ثغرة فى حصون المصالح الحكومية
تقبل تحياتى
lonedoctor
:satelite::satelite::satelite::satelite::satelite: :satelite::satelite::satelite::satelite::satelite:
انا ملاحظ ان معظم الى داخلين يعلقوا من عينه الى بيقولوا ماااسر
فرجاء
علشان الموضوع يكون فيه مصداقية فى القصص الى بتروى بلاش ندخل السياسة فى حياتنا
وكمان مصر فيها حاجة اسمها الرقابة الادارية ودى هيئة رقابية
وفى كمان النيابة الادارية ودى هيئة قضائية
ممكن تقدموا شكوى فى اى من الجهتين وعن تجربة بتجيب نتيجة ونتيجة كويسة كمان
فبلاش قصة بكره تشوفوا ماسر والكلام الفارغ ده واحترموا البلاد الى انتوا عايشين فيها اذا سمحتوا
لان مصر ملهاش علاقة بالنظام الحاكم علشان تتمسخر على اسمها
مصر مر عليها الفراعنة والهكسوس والرومان والفتح الاسلامى والعهد المملوكى ثم العثمانى ثم الملكى ثم الاحتلال الانجليزى ثم النظام الجمهورى ومحدش اتريق على اسم مصر
النظام متغير لان دى سنه الحياة لكن مصر منذ بدء الخليقة اسمها مصر حتنى فى القرأن اسمها مصر
عندك خلاف سياسى فده شأنك ودى حريتك
عندك مشكلة ففى جهات تجبلك حقك وبكررها عن تجربة
لكن لوسمحت احترم اسم البلد الى انت عايش فيها
اتمنى تتكلم بطريقة فيها احترام اكتر من كدة وبلاش كلمة من عينة
ثانيا بالرغم اننا ما دخلناش السياسة فى الموضوع نهائيا لكن انت مش هتحجر على افكارنا نتكلم براحتنا
الموضوع اللى ذكرته حقيقي 100 % ومازلت حتى الان لم تحل مشكلة ابنى
عندى فى كل تفاصيل الحياة مشكلة لو حكيتها حتعرف اننا مش عايشين فى دولة وانا اصلا مش عايش فى مصر من 15 سنة واكتر وبانزل اجازات بسيطة جدا لا تتعدى الشهر مش هاقضيها فى شكاوى ولف على النيابة والشرطة والمحاكم لانه مافيش حل اصلا
لا يعنينى اى شئ يخص السياسة من قريب او بعيد والفريقين المتناحرين سياسيا بالنسبة لى يولعوا بجاز مش فارقة معايا انا عايز اعيش فى دولة محترمة بغض النظر عن اتجاه اللى ماسك السلطة
بالمناسبة كان فيه احتفال فى احد مستشفيات الاسماعيلية بحضور المحافظ بمناسبة تركيب مراوح فى المستشفى
والعبد لله اللى بيكلمك طبيب استشارى ورئيس قسم الطوارى والرعاية الحرجة وشهادتى من بريطانيا
مافيش مستشفى فى بلاد الواق واق بيركب فيها مروحة سعادتك علشان العدوى فى negative pressure rooms and hepafilters وحاجات زى كدة قدامك الظاهر 100 سنة على ما توصل ام الدنيا ويبقي فيها بنى ادمين بيشغلوا مخهم
ولما تبقي كل مناحى الدولة شغالة بالهجايص كدة يبقي فين الدولة اصلا
هاعمل انا ايه بالصاد ولا بالسين فى ماااسر ولا مصر يا فرحتى
http://b.top4top.net/p_229odvc1.jpg
ده الاحتفال سعادتك
معلش حضرتك طول بالك شوية وإن شاء الله هتتحل
حضرتك معلش روح الرقابة الإدارية وقدم شكوى هناك وقضى أجازتك كلها فى الشكاوى
الناس فى مصر ياأستاذنا بتحارب بعض بطريقة فظيعة لا أخلاق ولاتربية ولادين ولانظام ولارحمة ولا أى حاجة بجد 90 % من الشعب عاوز الحرق إلا من رحم ربى ، أنا إتعقدت من الناس اللى فى البلد دى ومش عاوز أتعامل مع حد خالص وعاوز أهاجر بأى طريقة بس مش عارف ، للأسف البلد من السئ للأسوء والناس بتآكل وبتحارب بعض فيها ومفيش أخلاق خالص مش عارف تتعامل مع موظفين الدولة ولا زمايلك فى العمل ولا سواق التاكسي ولا الصنايعى ولا المستشفيات الحكومية أو الخاصة ولا المدرسين ولا المرور ولا القطاع الخاص وشركات المحمول ، والسايس فى الشارع وأصحاب المحلات والعاملين تحس أنهم كلهم عاوزين ينهبوك ويبيعوك هدومك !!! حتى الجيران لازم تلاقى أكتر من واحد فيهم مليانين رخامة وقلة ذوق وجليطة !!!
مفيش هيئة حكومية دخلتها وخرجت مبسوط كل الطبقة الزفت اللى شغالة الموظف زى مايكون فيه تار بينه وبينك بيتعامل بمنتهى الجليطة وقلة الذوق والتعالى على الناس لمجرد أن فى أيده حاجة ومفيش فرق بين موظف راجل أو موظفة ست كله عاوز أما يسرقك لأما يقرفك فى عيشتك ويدوخك لأما بيعاند مع مديره على حساب المواطن !! المهم مفيش ضمير نهاااااائى
بجد الناس فى البلد دى بقت حاجة تقرف بطريقة فظيعة واللى سافر بره وشاف الجنسيات التانية هيعرف قد أيه أحنا معظم شعبنا وحش جداً ومقرف
بعتذر عن تاخري في سرد ما حصل لاولادي السنه اللي فاتت واتمني يا دكتور متزعلش مني لاني مش بدخل كتير.....وانا مش استاذ انا استاذه. هههههه..ست مش راجل وححكيلك باختصار لان الموضوع مختلف شويه.....انا لما نزلنا كان عندي ولد مخلص اعدادي ورابح اولي ث والتاني كان رايح تالته اعدادي...المهم رحت المنطقه ولان اختي مدرسه وكانت تعرف مديرة المنطقه قبل كده ومتخنقه معاها ومقدمه فيها شكوي.....فكانت حذره شويه معانا....مرخمتش جامد....والولد رغم انه كان جايب 98 الا انهم اصرو يخلوه وكانه اجنبي وباللفظ كده قالتلي لما ولادنا تدخل نبقي نشوف لو ف مكان ندخله.....بس طبعا وللاسف اضريت ساعتها ادفع مبلغ مالي كتبرع بس اجباري للمدرسه...عشان المدير يتكرم ويدخل الولد المدرسه......الولد التاني دخلته مدرسه خاصه اصلا عشان شهاده واخد ف كل المواد دروس خصوصي....اشتريت يعني لابني مكان نكتبه ف الاستماره مش اكتر...وطبعا فلوس ف العبيط بتخدها المدرسه علشان ولا حاجه...نهش وبس....بكرر اعتذاري يا دكتور لتاخري ف الرد......اما بالنسبه للاخ اللي بيعلمنا ازاي نتكلم...فانا اوافق الاستاذ خالد في كل كلمه قالها....مصر فعلا ملهاش دعوه هي هي البلد اللي اتغير ..شوية الحجات اللي فيها...اللي تشابها مع اشكال البني ادمين بيتقال عليهم بشر لكنهم لا يمتو للبشر بصله الا من رحم ربي......وبس ....وبرضه ربنا يرحمنا برحمته ويعاملنا بالرحمه وليس بالعدل...
لا ولا يهمك يا اختى الكريمة
ازيدك بعض التفاصيل
انا ابنى اللى عنده ضعف سمع المدرسة قبلته ودفعت المعلوم طبعا على شكل تبرع وقلت مش مهم لوجه الله يجيبوا بيها دكك للعيال ولا وسائل تعليمية ولا الله اعلم هتروح فين لكن الادارة رفضت لانه المدرسة مافيهاش قسم لضعاف السمع
طيب مديرة المدرسة والناظر اللى اخدوا التبرع مش عارفين انه مافيش عندهم الموضوع ده؟
طيب اذا المنطقة كلها مافيهاش قسم لضعاف السمع الولد يروح فين وبينه وبين اقرب مدرسة 60 كيلومتر على الاقل
الولد التانى اصلا كان فى مدرسة خاصة ولفيت على كل المدارس الخاصة اللى فى المنطقة رفضوا علشان مافيش اماكن
وعيش حياتك فى مااااسر ام الدنيا
طيب الموضوع ده هاروح اشتكى فى النيابة اقول ايه ؟
واشتكى مين اصلا ؟
وفى النهاية هى البلد رمل وهوا وطين ولا شعب وحكومة وقوانين
اخواني الأعزاء ياريت متعمموش الكلام
هو فعلا فيه موظفين فاسدين في البلد وبيكرهوا الواحد في عيشته لما ييجي يعمل اي مصلحة وبالأخص بتوع السجل المدني او الشهر العقاري او المرور او الصحة مثلا ولكن مش كل الموظفين فاسدين زي اي مكان فيه الحلو وفيه الوحش
انا شخصيا شغال في جهه حكومية اقسم بالله من 8ل3 كل يوم مببطلش شغل دقيقه واحده الا وقت الصلاة فقط وأي حد بيطلب حاجه بخلصهاله وقت ما يطلبها ماعدا طبعا اي حاجه مخالفه للقوانين واللوائح لو في ايدي ولو مش في ايدي بوجهه توجية صحيح علي حد معرفتي ولا أنكر ان معايا ناس زمايلي في نفس المكان مبيشتغلوش نص ساعه في اليوم ومقضينها لو كل واحد بقي رقيب علي نفسه وراعي ضميرة ربنا هيكرمنا وربنا يصلح الأحوال للناس جميعا