الموضوع: تحذير من كيوت ديزاين Cute Design

شغل سئ جداا

برجاء حذف الموضوع لعدم اكماله بالشكل الامثل

.ولثقتي الكبيره فيهم وفي تدينهم فهي لا تصافح الرجال وابوها واخوها ملتحين .. وطبعا اخدوا نسبه علي الفلوس دي كلها
.
.
.
.
وابتديت اعرف ان مظاهر التدين لا تنبئ ابداا عن بواطن الناس


كويس إنك عرفت و محدش بيتعلم ببلاش .لو التدين بالدقن لكان الهنود السيخ أكثر الناس تدينا فى العالم لأنهم الأطول لحى. الناس دي للأسف لم يتعلموا من مشايخهم أن الدين أخلاق و معاملة و لكن تعلموا كيف تبدو متدينا.
الغريب فى زماننا هذا أن اليابانيين الذين يعبدون بوذا هم أفضل الشعوب فى الأخلاق و المعاملة

عرفت للاسف ان مصر معظمها بقت ناس زي كده اخطف واجري " وان الله غفور رحيم"

المشاركة الأصلية كتبت بواسطة ias_98

الموضوع بدأ اني عندي فيلا في الرحاب و زي اي انسان بيحب تبقي حاجته كويسه و تتشطب كويس
ابتديت مع مكتب اي سي دي سي م/ وسام وعملت معهم تعديلات المباني والغرف وتحت الحاح من اخت زوجتي والتي كانت تعمل مع مكتب كيوت ديزاين في الوقت ده من شهرين تقريبا ومع تواجدهم في فيلا حماي فذلك سيسهل الاتصال والتعامل معهم قررت امشي المكتب الاول ICDC
رحت لهم مع زوجتي وقعدت مع صاحبه المكتب نوران وكانت قعده وديه جداا وكان ده في اكتوبر 2014 واتفقنا تعمل التصميم والتنفيذ بنسبه 15% وسافرت وبحكم شغلي بسافر شهر وارجع اجازه شهر وابتدينا شغل واعطيتها تمن الرخام حوالي 50 الف وعربون الالوميتال والشيش 35 الف وعربون التكييفات 20 الف بعد الحاح منها في موضوع التكييفات لتفادي غلوها !! ..ولثقتي الكبيره فيهم وفي تدينهم فهي لا تصافح الرجال وابوها واخوها ملتحين .. وطبعا اخدوا نسبه علي الفلوس دي كلها
في الوقت كان معي المشرف امير ولما رجعت اصريت ان امير يشرف علي تشطيب فيلتي ولكنها قالت مستحيل لانه مشرف عام علي المشرفين وانه ذراعها الايمن ولا يمكن تتركه في مكان واحد
فوافقت ومضينا العقد علي ان تكون مده التنفيذ سنه من تاريخه نوفمبر 2014
وابتدوا الشغل و جبت انا السباك والكهربائي من طرفي من خلال جيراني في الرحاب وكانوا ناس ممتازين وبحسن نيه وقبيل سفري اخبرتها انني اشتيريت بعض طلبات الكهرباء الداخليه بملبغ يقترب من عشره الاف جنيه مع المكتب الاول وبخببث اصرت ان ارسل لها الفاتوره لتفادي شراء نفس الحاجات مره اخري !!! وفوجئت انها وضعتها ضمن المصروفات التي ستاخذ عليها نسبه مع العلم انني اشتريت طلبات الكهرباء تلك قبل التعاقد معها باربعه اشهر تقريبا وعندما سالت ليه تاخدي نسبه علي حاجه انتي لا اشتريتيها ولا عملتي فيها حاجه فوجئت بكميه جدل وكلام ملوش اخر منها ومن ابيها (ضابط بالمعاش) واخيها (يعمل خارج مجال المقاولات) وكلاهما لا يفهم اي شئ فى شغل التشطيب ولا المقاولات وفوجئت عند رجوعي بانها رفدت امير (ذراعها الايمن!!) واحضرت لي بواب بياخد 1500 ج شهريا وبانها لازم تاخد نسبه علي مرتب البواب وهنا اوقفت كل شئ وابتديت اعرف ان مظاهر التدين لا تنبئ ابداا عن بواطن الناس وكنت علي وشك طردهم ولكن نصحني بعض من يعملون معهم ان استمر لان معهم الرخام والالوميتال ومقدم التكييف.. واصرت ايضا علي ذلك ولتاني مره اتنازل بعد تنازلي فى موضوع فاتوره ادوات الكهربا بعد اجتماعي مع والدها ولاجل خاطره تنازلت عن 1500 ج نسبه لهم في فاتوره الكهربا وكمان 225 ج شهريا نسبه في مرتب الغفير !! ولكني اصبخت ادقق في الحسابات واعطيهم دفعات بحساب
وتوقعت بعد ذلك سرعه في التنفيذ ولكني فوجئت بعدم الرد علي التليفون من نوران وبرد اقل ما يقال عنه انه سئ علي الواتس "فسالتها بعض الاسئله ولكنها ردت انا مش مطلوب مني اشرح لك كل حاجه... يا نهار مدوحس وكنت علي وشك طردها ولكن اعتذار اخيها ودماثه خلقه احرجتني
وانهينا الشغل الداخلي للسباكه والكهربا مع مشرف من طرفها اسمه وليد كان موظف امن ومعندوش اي خبره في التشطيبات ومع متابعه مشرف اخر اسمه شريف ده عنده خبره ولكنها رفدته بعد كده لغلطاته واذا به يطردهم من فيلا يتابعونها وياخذها لحسابه بالاتفاق مع صاحبها مما ترك المكتب بدون اي حد يتابع بيفهم شغل تشطيبات وقسموا الشغل عليها هي وابيها واخيها وهي لا تتابع معظم الوقت وابيها واخيها ليس لديهم خبره
وفي اثناء ذلك اخذت جاري ليقابل نوران لتشطيب فيلته ايضا ونصحت جاري التالي ايضا بهم فلم يكن هناك ما يعكر الصفو وكنت ما زلت اثق فيهم .. والاتنين هربوا من اول لقاء وقال لي الاول دكتور احمد جاري دول ناس مش لارج بيتكلموا في نسبه علي الغفير وغيره من قبل ما نبتدي
وابتدينا شغل المحاره مع صنيعي من طرفها اسمه محمد جمال وقالت فيه شعر وبعد مماطله منه وتسويف مشيته وجبت واحد تاني من الرحاب لتسريع وتيره الشغل وسافرت وتركت لهم المتابعه وكان اخيها يتابع الشغل عندي وعند نزولي وجدت مشرف جديد اسمه امجد يصرخ ان محاره الثلاث ادوار سيئه وانها محتاجه تضبيط وبحضورها اقرت كلامه وهنا ثرت وقلت لهم اين انتم لماذا لم توقفوا الشغل وتغيروا الصنيعي فردوا ببرود شديد ان الصنيعي ده من طرفك وخفنا انك تقول بتمشوه عشان تجيبوا صنيعي المكتب!! فذكرتها ببند فى العقد " في حالة إدخال العميل صنايعي من طرفه في أي بند من البنود يتم إختباره أولاً و في حالة عدم قدرته على أدآء ما هو مطلوب منه طبقاً للمواصفات المتفق عليها يتم إخطار العميل ليقوم باستبداله بآخر على مستوى جيد"
طبعا حجج وكلام وجدل انا مليش فيه واخيرا عرفت اني سادفع لمبيض المحاره الجديد محمد جمال لعمل المرمات وضبط المحاره تقريبا نفس المبلغ اللي دفعته للاول وبكده تتكلف المحاره ضعف التمن لعدم متابعتهم وعدم وجود حد بيستلم من الصنيعي الاول او اختباره زي ما بيقول العقد ... ولم يعرضوا ولو من باب درء الرماض في العيون ان يتحملوا جزء من تمن المرمات او علي الاقل لا ياخذوا نسبه علي مرمات المحاره ولتالت مره اتنازل لهم ولا احملهم اي شئ في مرمات المحاره والتي تعدت 30 الف جنيه وبحضور والدها والذي كنت احترمه واقدره جدا ولكن للاسف!! ستكتشفون كم هو سئ واهم حاجه عنده الفلوس فقط ومصلحه المكتب ويتحرق العميل
وبعد جهد جهيد انتهت اعمال المحاره وبداء الجبس اللي اخده نفس صنيعي المحاره لاقتناعي انهم يجيبوا صنيعيه المكتب ونخلص
وفي اجتماع مع نوران وصنيعي الجبس لتحديد معاد تسليم الجبس قال لها محمد جمال صنيعي الجبس الصح نعمل الرخام ونجليه ونغطيه قبل عمل عمدان الديكور للريسبشن اللي واقفه علي الرخام لتفادي ميه جلي الرخام فردت باستهتار انت هتعلمني شغلي انا بعمل الجبس الاول علي طول ومفيش مشاكل فسكت الرجل .. وفعلا صدق الرجل وعمدان الجبس شربت ميه لما اتكرعت لانهم كمان جلوا قبل عمل وزر الرخام اللي اتعمل في الاخر ومنذ اكتر من سته اشهر ندهن عمدان الجبس وتنتطر الدهان وتتطلع رطوبه وما زلت اعالج المشكله دي للان
الابواب: اتفقت مع صنيعي من طرف جاري في الرحاب عمله كل نجاره الفيلا اسمه فيصل وذهبت للمكتب وعملنت اجتماع مع الثلاثي كالعاده هي وابيها واخيها وعرضت عليهم عدم اخد نسبه علي النجاره كتعويض عما حدث من مصاريف زياده في المحاره ولان النجاره لا تحتاج اشراف فتحولت وارعدت وازبدت وقالت لا ابدا انا لا اترك اي بند علي الاطلاق واخبرتني انها سترسل لي غدا النقاش والاسترجي واسمه محمد والذي قالت في شغله كنقاشه واسترجي شعر وانه من افضل الصنايعيه في مجاله وانه ممتاز في الصنعتين!! اللي هيشتغل عندي ليري شغل فيصل النجار عند جاري ويحكم عليه وجائني محمد (اللي هو نقاش واسترجي !!) وطلع القطط الفاطسه في شغل فيصل وقالي خليك مع صنايعيه المكتب اظرف فسالته مين في المكتب بيعمل النجاره قال انا فاتصلت بنوران وسالتها ازاي الرجل ده نقاش واسترجي وكمان نجار فقالت التلاته اخوات وقريبين من بعض ومفيش مشكله هيعملك شغل كويس وانا هتابعه وكالسحر اتفقت معه علي عمل باب الفيلا الرئيسي ارو باكامل والابواب الداخليه ارو ماسيف
وابتدا محمد نقاشه ونجاره وشغل استر الباب الداخلي ب 1800 ج وباب الفيلا ب 6000 ج في الابواب وحصلت مشكله كبيره بين محمد سعد ونوران وابيها وساب لهم الشغل واصبح عدوهم اللدود منذ ذلك الحين وطلعوا فيه كل السيئات .. طيب ما انتي اللي اقنعتيني بيه وبشغله وانه سوبر صنايعي وظهرت عيوب كتير في النقاشه خضوضا في الدور الارضي وظهرت شقوق في الباب الرئيسي للفيلا واكتشفت انه زان مش ارو وجابوا صنيعي تاني نقاشه اسمه ابراهيم (صبي صنايعي) يصلح في النقاشه وجابوا نجار تاني ومعه استرجي يصلح شغل الاستر قعدوا فوق السته اشهر حتي شهر يونيو 2016 لما طفشت منهم ومشيتهم وجبت ناس تانيه تصلح عك النقاشه ولكن الاسترجي الجديد صلح الباب بنسبه كويسه واتفقت مع مهندس احمد عبدالقادر يكون معي في الاستلام منهم والذي قال ان هناك عيوب في الجبس والنقاشه والابواب ظاهره جداا ولابد من معالجتها واتركهم يعالجوها ثم نستلم ولحد شهر 6 الماضي لم ينهوا النقاشه ولذلك رفضت نزول نقاش من طرفهم تاني واعالج ذلك الان مع مكتب تاني
وجبت اتنين نجارين واحد من دمياط عمل شغل لدكتور احمد جاري والتاني فيصل النجار اللي كنت هتفق معه الاول واشتغل عند جاري وقيموا الابواب الداخليه ب 1200 ج بالكتير لانها حشو ام دي اف صيني ردئ ولكن بعد الحاح ابيها وضغطه عملنا الباب ب 1600 ج وبتنازل لهم بكل سهوله لرابع مره وبدون ادني تقدير في النهايه .

-السيراميك : اتفقت مع صنايعي من الرحاب ممتاز عن طريق جاري واشتريت السيراميك بناءا" علي حسابهم للمساحات ولقيت انه باقي 20 كرتونه من بورسلين تراس الارضي وجابو واحد بتاع رخام عشان يعمل رخام عشوائي في مدخل الفيلا مع جراج السياره الجانبي للفيلا فاوقفت ذلك واصريت اننا نستخدم العشرين كرتونه بورسلين بدل رميهم في الجزء الجانبي مع عمل حجر بازلت مكان عجل السياره وجه المشرف بتاعهم واعطي صنايعي السيراميك والرخام الابعاد ومكان عجل العربيه ولكن بعد الانتهاء فوجئنا بان عجل العربيه نصه علي الحجر والنصف الاخر علي السيراميك !!
*التكييفات : عندما نزلت في اول يونيو 2106 الماضي وجدت ابيها مع الاسترجي يحاولون اصلاح شروخ الابواب وكلمته بضيق علي التكييفات واخبرني انهم ملتزمون بتوريد التكييفات حتي في حاله لم يوردها العربي وانهم سيتحملون فروق الاسعار وهم مسئولين عن التوريد
حجزت التكييفات مع شركه العربي من بنها لصاحبها محمد دياب العربي من خلال مكتب نوران وبثقه فيهم حولت لها 20 الف جنيه للتعاقد مع العربي وعمل تجهيزات التكييفات علي حساب توريد 5 تكييفات 2 للارضي 3و5 حصان و3 تكييفات للاول اتنين وربع حصان وكان الاتفاق بالاسعار التاليه جهاز 5 ح ب س كاريير ب 9200 ج حائطي وجهاز 3 ح ب س كاريير 5900 ج وتلات اجهزه اتنين وربع حصان للاول ب 5150 ج


ومنذ اكتر من اربعه اشهر ولارتفاع الاسعار عملنا اجتماع مع محمد العربي ورفع سعر التكييفات كل علي حده من 200-300 ج ووافقت علي ان يتم التوريد باسرع وقت وبدات المماطله من العربي واعطائ 100 معاد وعندما فاض الكيل ذهبت اليه الي بنها في رمضان الماضي
واخبرني ان ابيها اجل التوريد لوجود حسابات لم تقفل بيننا وانه اخيرا اخبره بتحويل باقي قلوس دفعه التكييفات(14000 ج) علي حسابهم وطبعا العربي ما صدق لانه هيبيع التكييفات اغلي فصعقت من عدم الام..ه في التعامل علما بانني اوقفت التعامل معهم من شهر فبراير الماضي علي ان يستمر النقاش والاسترجي في اصلاح عيوب النقاشه والابواب فكيف يجروئ علي تحويل الفلوس لحسابهم
حجتهم وجود حساب لهم فعلا باقي رخام ولكن نخلص عيوب النقاشه اولا وبعدين نراجع الحساب كله ونقفله ولكن للاسف هذا مبداهم مع الكل صنايعيه والعملاء خلي الكل ليه فلوس عندك عشان يعمل اللي هو عايزه ...بالبلدي " خلي صباعهم تخت ضر..ك" عشان تبقي يدك الاعلي وخلي الضمير ده علي جنب ... انفعلت علي ابيها في التليفون حيث انها لا ترد كالعاده واتهمتهم بخيانه الا...ه وانعدام الض..ر ولم يرد واقفلت الخط.
واخيرا جاء مندوب شارب للمعاينه فوجد ان مواسير النحاس لا تصلح الا لاجهزه اتنين وربع واصغر ولا تصلح اطلاقا ل 3 او 5 ح
واكد كلامه مندوب شارب (شركه افريفيا) كما ان التجهيزات لابد من تعديلها لانهم عند التركيب لم يراعوا مسافه الجبس ولا حليه السقف ولابد من عمل تكسير الصرف وتوطيه التوصيلات لاسفل لان بعدها الان عن الجبس 20 سم فقط والمفروض 40 سم
واشتريت التكييفات بفروق اسعار كالتالي 2800 ج للاتنين وربع ح و 4300 ج للخمسه ح
كان من الممكن ان لا اكتب هذا الموضوع لولا موضوع التكييفات والذي كان كالقشه التي قسمت ظهر البعير فلقد تحملت منهم الكثير لمحاوله ابقاء العلاقه جيده ولكنهم لا يهتمون الا بالفلوس فقط واصدق الان كل ما قيل لي فيهم من بعض العملاء وبعض الصنايعيه الذين عملوا معهم واقسموا لي انهم لا يسلمون فيلا للنهايه ابداا.
ودي بعض الصور القليله اللي توريكم العيوب الكبيره في الابواب والنقاشه والجبس


رطوبه في الجبس والاسبونج نتيجه جلي الرخام قبل عمل العمود ووزر الرخام


شقوق في باب الفيلا الرئيسي وشقوق في النقاشه
وللتاكد من صحه المكتوب يمكنكم الاتصال بالتي اسماوهم :
1 –ا/ محمد سمير 01000804445
كان عميل عندهم

2- أ/ محمد جمال 01005758278
مقاول المحاره والجبس

3- أ/ احمد 01142709960
01206888822
مقاول نقاشه بيصلح نقاشه الفيلا

4-م/ احمد عبدالقادر 01022287176
01202666135
مهندس احمد حضر معي اكتر من مره وشاف عيوب الشغل

5-أ/ اشرف 01007064571
01111166629
مقاول جبس وديكورات

6-ا/ فيصل 01229176747
النجار الذي اصلح شغلهم

مجلد ملفات عضو ● مركز تحميل نايل موتورز
ده رابط لبعض الصور

تاخير بالاستلام و فنش زباله وعدم متابعه للصنايعيه وقله ضمير
-

من امن العقاب اساء الادب مهو لو هما عارفين فى بوليس هيوديهم السجن مكانوش عملوا كده مع الناس تخيل لو التصرفات ديه فى السعودية او الكويت او الامارات كانت الشرطة اتصرفت معاهم ازاى؟؟!! بس كده يبقى انت اكيد فى ماسر !!

السلام عليكم و رحمه الله
بعتذر لحضرتك كان لازم تسال اكتر قبل ما تتفق مع شخص بعينه
و للاسف الاكبر اغلب الناس بتخاف تتعامل مع المهندسين و يقولوا نتعامل مع مقاولين..
انا مهندس معمارى من الاسكندريه اغلب الناس خافوا يتعاملوا مع اى مهندس معمارى وديت كانت نصيحتى ليهم اتعاملوا مع اى مهندس معمارى شاطر على ان تتعاملوا مع اى مقاول ممتاذ حتى
لان للاسف المقاول بياخد الشغل ولا بيباشر ولا بيهتم باى شئ الاهم الشغلانه تتم و ياخد فلوس و بس ...
و دول عينات منةالمقاولين هنا بالاسكندريه ليا صله بيهم للاسف بحكم شغلى...
ارجوا الحذر قبل التعامل.
بعتذر جدا جدا على الاطاله
اخوكم فى الله م.جواد

الموضوع جبااااااااااار من هنا للأسبوع الجاى ويستحق القراءة اكثر من مرة..صاحب الموضوع كان شاب و على ما عمل القرش دة مبقاش زى الأول يعنى شبابة مش هيتعوض ومن حقة يرتاح .. و واضح ان بالة طويل جدا.. بس هل طول البال مبرر انى أعرض نفسى للسكر والضغط؟ و فين اخت مراتك من الحدوتة المرة الى كانت السبب فيها.. واضح انك حسن النية ونبيل..أعمال التشطيب اسهل من كدة باﻹتفاق على سعر المتر و منة تحديد التكلفة اﻹجمالية والنسبة للمقاول .. و حضرتك ﻻ محتاج تروح وﻻ تتابع ..كل يوم ﻻنك قطعا مش فاضى و ﻻزم يكون فية ثقة صديقى انت اتبهدلت جامد و واضح انك اخدت طول البال و المثابرة من شغلك لكن دى مصاير ناس .. دة قرش زيادة ضاع كان ممكن بعد المعمعة يسترك.. قدر الله ما شاء فعل و أنا ﻻ ادر ما موقفك من زكاة المال..لكن ارمى من ورا ضهرك وانسى كل الى فات حتى ﻻ تتدهور فتسعد كل من يحقد عليك..خلص معاهم الحساب فورا واتركهم لحال سبيلهم واشتغل مع حد بمتحمس ويفهم وعندة ضمير وطموح وفريق عمل ثابت وعددة قليل..لو عايزنى اساعدك بأسماء صنايعية ماعنديش مانع..بس خلى بالك ان الديفوهات فى الفينيش النهائى امر طبيعى .. والمهم الصورة العامة الجيدة فى مجملها بمعنى انة كويسلو اخدنا 90 % من الى عاوزينة .. تحياتى لكل مجتهد..لكن فى اية فى القرآن تحرمنى النوم وتشعرنى بالدناءة والحقارة واﻹستسﻻم لمصير نادم تعيس اسمحلى اعرضها عليك واعرف وقعها على قلبك.. (قُلْ إِنْ كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُمْ مِنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُوا حَتَّىٰ يَأْتِيَ اللَّهُ بِأَمْرِهِ ۗ وَاللَّهُ لَا يَهْدِي الْقَوْمَ الْفَاسِقِينَ)
[سورة التوبة 24]