-
العجلة طارت من الطمبورة
رجاء من جميع الزملاء ومن الادمن التأكيد علي الجميع انه بعد مايروح يصلح العجلة في اي مكان يراجع هو بنفسه علي ربطها وتثبيتها بشكل كويس
لانه انا اول امبارح العجلة كات مهوية شوية رحت لبتاع الكاوتش بيولي ازود قولتله لأ اكشف عليها وزود شحم الجنظ علشن ميهويش لاني كنت متأكد انها مش مخروممة وفعلا عمل الي طلبته منه وكشف عليها وطلع الشحم عاوز يزيد
المهم بعد كدة اتشغلت في تيلفون والواد الصنيعي ركب الفردة وطلعت بيها مشوار علي طريق الكرميات رايح جي حوالي 120 كيلو وورحت وتاني يوم خارج من الشارع ويادوب جبت التاني والفردة الشمال قدام هووووووو ب طارت والعربية وقعت طبعا الرفرف الشمال اطبق من تت واكيد الكرتيرة حصل فيها حاجة المهم ما علينا ربنا سترها وركبت الفردة وقرطت عليها كويس ومشيت طبعا في صوت حديد بيخبط في حديد وطقطقة جامدة نتيجة الوقة مش عارف دة من اية وهاوديها للعفشجي الجمعة ان شاء الله يبص عليها
بس الي عاوز ااكد عليه اوعي تنشغل وانت عند بتاع الكاوتش واتأكد ان العجلة اتربطت كويس وربنا يستر طريقنا وطريقكم ياري
-
اعتقد ممكن يكون عندك نتيجة الوقعة حاجة من الاختيارات دى:-
علبة دركسيون - ومسمار ميزان - ومقص- وجوز كبالن وطنابير اذا ماكنتش اتلوحت
-
طبعا يا زملاء انا حكتلكم الصبح علي الي حصل للعربية وطيران العجلة
الحمدلله انا بقي روحت للعفشجي ودة شاب لطيف عندي في حلوان وذكي وبيشغل دماغة ودة تقرير بقي عن ما حدث
اولا :غيرنا جلب المقصات وقالي بما اني فاكك نركب بقي تيل الفرامل الجديد ودة كنت اشتريته من فؤاد في التوفيقية هو والجلب وقد حدث
ركبلي البطاحات والعربية الحمدلله اترفت شويتين عن الاول
الحاجة التالتة بقي لما فك لاقي البيلية بتاعت الطمورة بسم الله مشاء الله مفروكة بشكل غبي وطبعا اشتريت بلية م واحد اسمه الفاروق علي كورنيش المعصر بحلوان الماني ب 95 جنية
القصة دي كلفتني شاكب راكب شامل تربيط العفشة 150 جنية مصنعية
دة غير انه ظبط البوش الي كان في علبة الدركسيون والدركسيون اتزبط كتير جدا عن الاول الحمدلله
تحياتي واسف علي الاطالة بس حبيت اشاركم ويارب مايكون عندد حد فيكم ابدا حاجة وحشة
وبكرر يا اصدقائي الكرام اوعي تمشي من عند بتاع الكاوتش من غير ما تابع كويس اوي ربط الفرد :floating::floating:
-
شكرا على الافاده بتجربتك
وهى فعلا هامه لاى حد بيسيب عربيته عند الصنايعى وينشغل او يمشى طبعا مش كل الصنايعيه زى بعض فيهم الى مهتم بشغله يعنى لو انت زبون قديم هيكون مهتم بيك ولو فى فنى عنده هوا الى شغال بداله قله يتاكد من شغله ويديه الاوكيه ان كله تمام متخدهاش من الصبى عنده وتجرب على طول
اما لو كنت انت نفسك عندك خبره وبتقراء كتير عن عالم الميكانيكا ده هيريحك فى انك تتاكد من الشغل بنفسك قبل ماتمشى وتجرب
Content Relevant URLs by
vBSEO 3.6.0 PL2