طلب نصيحة

**theman** · 17-08-2016 05:34 PM

سلام عليكم انا قدامى عربية تيجو 2014 الشكل الجديد كاملة مانيوال راشة اكصدام أمامي فقط عاملة 66000 كيلو صاحبها طالب 104 قابلة للتفاوض أخلص فيها ولا أشوف انفى زيرو أحسن؟

**ahmed.biso13** · 17-08-2016 09:05 PM

السعر مناسب بس حاول تفاصل عشان مصاريف التسجيل والترخيص
وخد معاك ميكانيكى وسمكرى يبصوا عليها

**theman** · 18-08-2016 11:01 AM

المشاركة الأصلية كتبت بواسطة ahmed.biso13

السعر مناسب بس حاول تفاصل عشان مصاريف التسجيل والترخيص
وخد معاك ميكانيكى وسمكرى يبصوا عليها

مش عارف بس بفكر اجيب انفي زيرو داخلة دماغي يعني السعر اللي هجيب بيه تيجو مستعملة ممكن يجيب انفي زيرو واريح دماغي من الصيانات والكلام ده علي الاقل 5 سنين ايه رايكم ؟

**Mohamed Desoky** · 18-08-2016 06:12 PM

المشاركة الأصلية كتبت بواسطة theman

مش عارف بس بفكر اجيب انفي زيرو داخلة دماغي يعني السعر اللي هجيب بيه تيجو مستعملة ممكن يجيب انفي زيرو واريح دماغي من الصيانات والكلام ده علي الاقل 5 سنين ايه رايكم ؟

السلام عليكم ورحمة الله وبركاته انتى كده بتفكر صح ليه اشترى عربيه مستعمله وانا معايه تمن زيرو ده الفكر الحقيقى انا كنت هقولك كده من يومين انك تجيب الانفى زيرو وهيا عمليه جدا وقطع غيارها متوفره داخل وخارج التوكيل وتريح نفسك خالص من المستعمل وخلى بالك فى ميكانيكى او سمكرى اى واحد من دول حتى لو العربيه فيها حاجه مش هيقولك لانه يهمه فى المقام الاول البيعه تتم باى شكل علشان ياخد نسبته من التمن انا بقولك لانى فاهم شغل السوق واى صنايعى حتى لو صاحب او حتى اخ دلوقتى فى الايام الحلوه دى مات الضمير الله يرحمه ؟؟؟؟؟؟؟؟؟؟؟؟؟؟؟ والصانيعى مش هياخد 100 ويسكت لا هياخد نسبه من البيع زى السوق يعنى لو 100 الف ج الصنايعى هياخد الف ج لواحده وكمان تظبيط العربيه المستعمله كاوتش على زيوت على سيور على حسب الحاجه المداريه فيها وده كوم وكارثة نقل الملكيه والترخيص وفلوس كتير هتتصرف علشان ماسر فهمت اللعبه جايه ازاى علشان كده انصح كل الزملاء لو معاك فلوس زيرو اشترى وابعد عن المستعمل ؟ المستعمل عايز واحد غنى علشان يصرف بقلب وطبعا الغنى فى بلدنا بيركب زيرو مش هيركب مستعمل ؟ والمانى مش اى نوع ؟ انا اسف طولت بس انا بحب الصح هات الانفى من غبور نفسه حتى لو هتستنى شويه 15 او حتى شهر استلمها من غبور افضل والانفى دى انا دارسها كويس جدا المهم توكل على الله وهات الانفى وحش السوق حاليا مبيعاتها عاليا جدا وانتشرت فى الشارع زى الفيرنا فى 2004 والانفى افضل واقوى لان سعرها مميز وغبور مش غبى يرفع سعرها عن 100 الف علشان ينافس الانوس واللوجان لان كده كده الفيرنا بتموت واحده واحده لانها مش موجوده غير فى مصر والهند فقط وربنا يوفقك ؟

**bluemail** · 19-08-2016 04:57 AM

المشاركة الأصلية كتبت بواسطة theman

مش عارف بس بفكر اجيب انفي زيرو داخلة دماغي يعني السعر اللي هجيب بيه تيجو مستعملة ممكن يجيب انفي زيرو واريح دماغي من الصيانات والكلام ده علي الاقل 5 سنين ايه رايكم ؟

ده الكلام الصح
ايه اللي يخليك تجيب عربيه داخلة علي ال 70 الف، وانت بنفس السعر تقدر تجيب زيرو؟
والاتنين مانيوال يعنى مفيش فرق
اتوكل علي الله واستخير في الانفي
بالتوفيق