ايه افضل؟ بيجو 405 الفينات والا تويوتا كرولا تسعينات والاتنين سعرهم متقارب 55000
عرض للطباعة
ايه افضل؟ بيجو 405 الفينات والا تويوتا كرولا تسعينات والاتنين سعرهم متقارب 55000
ابعد عن اي بيجو الكورولا لك وللزمن
الف شكر علي اهتمامك بس انا بتكلم في بيجو 2003 او 2004 والكورولا من 93 الي 98
الياباني ياباني
و الفرنساوي فرنساوي
sherif_mahalla افهم منها ايه دي
انا ماعرفش فى الفرنساوى
اليابانى اعتمادية مذهلة بس السيارة قديمة و كتير من العربيات العجوزة دى بلاقيها بتحرق زيت--يعنى لو هتجيبها تأكد من كفاءة المحرك
ثانيا التكنولوجيا ستفقدها فى عربية تسعينات-ماعتقدش هتلاقى فيها باور مثلا
غير كده اليابانى القديم النضيف يضرب اى عربية بالقديمة فى مسألة التحمل و الاعتمادية و سهولة الصيانة(تويوتا)
تويوتا، دور علي حالة نضيفه
بالتوفيق
شكرا ليكم فعلا انا ميلت اكتر للتويوتا انا قدامي واحدة 93 كويسة غير اني بحس ان استهلاك البنزين فى التويوتا اقل من البيجو بالرغم من ثبات السي سي يعني البيجو لاتتعدي 220 كيلو لكل 20 لتر انما التويوتا المظبوطة بتوصل 260 و320 فى السفر
بيجو 405 الفينات طبعا خاصة لو برستيج 2000 سى سى هتعجبك جدا كعفشة و تكييف و ثبات و ارتفاع عن الارض
2000 سي سي كتير شوية اليومين دول ايه رايك فى الموديلات ال 1600
سعر التويوتا المستعمل مش عالي من فراغ...
التويوتا لو جبتها هتعرف يعني إيه عربية بدون أعطال... حتى لو قديمة...
في وقت من الأوقات كان معايا تويوتا كريسيدا... كل اللي كنت بعمله إني كل 5 سنين تقريبا بغير الأجزاء الاستهلاكية الكبيرة بتاعتها.. يعني اسطوانة دبرياج.. كاوتش.. تيل فرامل.. وممكن سمكرة ودوكو بشكل عام..
ما أنكرش إن العربية كانت بدأت تفتح بقها في بعض الأجزاء الكبيرة زي مثلا: رداخ - طلمبة مية - طلمبة زيت - رادياتير - كلتش مروحة... دينامو...
بس لما تبص لإن الحاجات دي بتتغير بعد 25 سنة شغل... وإن الحاجة اللي هتتغير مش هترجع تفكر فيها إلا بعد 15 سنة على الأقل.. تبقى عربية تستاهل مصاريفها...
...
انا فى رأى البيجو طبعا افضل من الكورولا
ال 405 سيارة عائلية متوسطة
الكورولا التسعينات سيارة عائلية صغيرة
كده المقارنة وضحت الافضلية للبيجو اداءا وركوبة
نأتى للصيانة التويوتا افضل بمراحل من البيجو كتوافر قطع غيار وتوافر مراكز خدمة
من الآخر
بتفكر تركب بس تتعب شوية فى الصيانة هات البيجو
بتفكر فى اعادة بيع وصيانة اسهل هات الكورولا
10000 شكر على اهتمامكم وتعبكم معايا يا جماعه انا جديد فى المنتدي بس بجد منتدى محترم والمشتركين فيه ناس محترمة انا مكنتش فاكر ان حد ممكن يهتم
زي ماقلتلك يا كبير تويوتا لو خايف علي جيبك صدقني التويوتا اصيله انا كان عندي 406 موديل 2003 هي فعلا في متعة السواقه احسن و الثبات و الامان لكن بهدلتني من كم المشاكل المهووول والوقتي معايا اكسنت ماشاء الله 2014 اكثر اعتماديه بمراحل