الموضوع: تويوتا كورونا

كنت عايز رأي حضراتكم في العربية تويوتا كورونا..لاني بصراحة اشتريتها و لقيت حالتها نضيفة و سعرها كويس و خاصة في ظل الارتفاع الرهيب للاسعار بس خوفت من قلة قطع غيارها و اماكن صيانتها و مش عارف ابيعها و لا اخليها؟

مبروك على العربية
أنا عندي أختها 1993 مانيوال 1600 سيارة عملية و اعتمادية
قطع غيارها متوفرة عند العالمية في الحرفيين و شارع دمشق جديد و استيراد و يوجد لها قطع غيار استيراد عند السيد أبو المعاطي في الحرفيين أسعاره معقولة
لكن مش دايما بتلاقي الجديد ياباني ممكن صيني أو تايواني و الحقيقة قطع غيارها الجديدة غالية جدا بالمقارنة بكرولا نفس الموديل، مثلا طنابير تيوتا الملكة إيطالي ب 350 جنيه انا اشتريت طنابير أمامي للكرونا صيني ب 500 .
انا مبسوط جدا من أداء العربية لكن الناس كلهم و الميكانيكي اللي بتعامل معاه بالذات مكرهني فيها جااااااااااامد جدا و كلامهم بخليني عايز أغيرها
أنصحك بالاحتفاظ بها لو عندك الشروط دي :
1 - مشاوير طويلة
2 - لست من هواة التغيير حيث إن العربية لا تحتفظ بسعرها عند إعادة البيع
3 - تقدر تعدي على كلام الناس و لا يهمك لأنك مش ها تخلص