| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 3 من 6 الأولىالأولى 1 2 3 4 5 6 الأخيرةالأخيرة
النتائج 21 إلى 30 من 58

الموضوع: مشكلة زوجية

  1. #21

    الصورة الرمزية Egymagic

    رقم العضوية : 185168

    تاريخ التسجيل : 28Feb2016

    المشاركات : 67

    النوع : ذكر

    الاقامة : الجيزة

    السيارة: لا يوجد

    السيارة[2]: لا يوجد

    الحالة : Egymagic غير متواجد حالياً

    افتراضي -

    hasad">

    انا مش مع الجواز التاني لانك برضوا حتتجوز ست مصرية وقبل الجواز بتبقي حاجة وبعد الجواز حتلاقي الوضع زي الاولانية , نصيحة بلاش جواز تاني وخصوصا ان زوجتك هو دا اسوء عيب فيها , الاهتمام بالمظهر والشكل احسن من انك تلاقي وحده مهتميه بشكلها ومظهرها واخلاقها مش تمام او هايفة او كدابة او مش نضيفة في بتها او او او .
    مشكلتك مش خطيرة علشان تخليك تتجوز تاني
    حاول معاها باكثر من طريقة او اسمع نصيحة الاخ وخليها تشتغل
    اغلب المصريات اللي بتشفهم بره دول متزوقين واخر شياكة وحلاوة في البيت حاجة تانية خالص :)


  2. #22

    الصورة الرمزية melouk1

    رقم العضوية : 72661

    تاريخ التسجيل : 09Jun2010

    المشاركات : 913

    النوع : ذكر

    الاقامة : Madinaty

    السيارة: c 240 2004

    السيارة[2]: E 250 2010

    دراجة بخارية: no

    الحالة : melouk1 غير متواجد حالياً

    افتراضي -

    اقتباس المشاركة الأصلية كتبت بواسطة egymagic مشاهدة المشاركة
    انا مش مع الجواز التاني لانك برضوا حتتجوز ست مصرية وقبل الجواز بتبقي حاجة وبعد الجواز حتلاقي الوضع زي الاولانية , نصيحة بلاش جواز تاني وخصوصا ان زوجتك هو دا اسوء عيب فيها , الاهتمام بالمظهر والشكل احسن من انك تلاقي وحده مهتميه بشكلها ومظهرها واخلاقها مش تمام او هايفة او كدابة او مش نضيفة في بتها او او او .
    مشكلتك مش خطيرة علشان تخليك تتجوز تاني
    حاول معاها باكثر من طريقة او اسمع نصيحة الاخ وخليها تشتغل
    اغلب المصريات اللي بتشفهم بره دول متزوقين واخر شياكة وحلاوة في البيت حاجة تانية خالص :)
    معتقدش انا موافق الرأي ده
    لان الست لو هتتجمل للناس بره البيت و مش هتتجمل عشان جوزها يبقى موضوع تاني خالص !!!!!


  3. #23

    الصورة الرمزية Mohamed212

    رقم العضوية : 143630

    تاريخ التسجيل : 15May2013

    المشاركات : 68

    النوع : ذكر

    الاقامة : Cairo

    السيارة: 2015 Corolla

    السيارة[2]: 2010 New Accent

    الحالة : Mohamed212 غير متواجد حالياً

    افتراضي -

    اقتباس المشاركة الأصلية كتبت بواسطة قلبي اشتكى مشاهدة المشاركة
    السلام عليكم ورحمة الله وبركاته

    أنا عضو قديم معكم في المنتدى الفاضل ولكن سجلت باسم مختلف حفاظا على الخصوصية لعرض المشكلة فقط

    ولكن الي دفعني للتسجيل وكتابة الموضوع هي مشكلة شخصية مع زوجتي احترت استشير مين فيها

    أنا عندي 37 سنة، متزوج من خمس سنين وربنا رزقنا بطفلين توأم ربنا يباركلي فيهم
    زوجتي تعرفت عليها بالصدفة البحتة، انا شغال في مكان يعني برستيجه عالي شوية (وهقول ليه وصفته كدة لاحقا) وهي كانت بتقدم السي في بتاعها آملا انها تلاقي شغل، قريت ملفها وشوفت صورتها وبدات ادور عليها وحصل بينا حوار فنقاش فتعارف، فعمك كيوبيد دخل في النص وانتهى الموضوع بالتهاني والزغاريد

    في الاشهر الاولى من الجواز، بسيبها عادي بتتكلم مع اختها الي اكبر منها لأنهم مرتبطين جدا جدا ببعض، وعادي جدا بالنسبة لي مفيش اي مشاكل انا سايبها براحتها تعمل ما بدا لها.

    ولكن لاحظت من خلال كلامها مع اختها ان حديثهم كلهم بيدور حوالين الأكل، ايوة بالظبط زي ما حضرتك قرأتها كدة... الأكل فقط

    يعني الحوارات بينهم كلها على سبيل المثال:

    متشكر جدا لحضراتكم
    السلام عليكم ورحمة الله وبركاته
    اخي الفاضل ليك رائي واسف انه لو معجبش حضرتك

    اول شيء كونك اخترت مراتك عن طريق صورة في سي في داه يدل انك بحثت من الاول علي الجمال
    وداه مش عيب ولا حرام
    وكل بنت لها طباع وعادات اتربت عليها وانا تقريبا في نفس سنك وفي نفس مرحلة الزواج وعندي تؤم برده :)
    رائي ليك متسمعش لاي حد او نصيحة حد هيرد علي شكوتك لان كل رائي او نصيحة هي تعبير عن الشخص نفسه وعن رائي نفسه وحياته مع زوجته

    رائي كل اللي حضرتك كاتبه داه اكتبه في رسالة او اطباعه واديه لمراتك وقولها انا بكتب شكوي ليكي اسمعيها وكوني الحكم والخصم واحكمي فيها

    بيتك مش هيتصلح غير بينكم انتم الاتنين
    وبما انك كنت تبحث عن الجمال في شريكة حياتك ومحب للجمال
    اعمل وحاول واصبر في انك تزود النقطة ديه عند مراتك غير اسلوبك في لفت نظرها
    احنا كلنا سمعنا منك لكن لم نسمع منها " مش معنا كدا اني بقولك سمعني رائي مراتك فيك"
    لكن مفيش انسان كامل
    والبنت علي حسب مااتربت في بيت اهلها وكل واحدة ليها طباع لازم نحترمها وصعب تغيرها لكن يمكن اكتساب الشخص طباع جديدة وداه دورك
    حاول واصبر وغير طريقة لفت النظر والتعليم
    واعتبرها ارض غصبة كل ماتزرع فيها كل ما هتحصد منها
    جيبها وهزر معاها وابدائ بحط مكياج ليها دعبها باي طريقة
    المهم شوف انت لانك انت ادري واحد بزوجتك ومدخلش حد بينكم ابدا
    ومتخليش الموضوع هي تفعله خوفا منك او من تصرف هتعمله
    خليه بحب وانك انت اللي عايز تعطي من غير مقابل

    اقراء القصة ديه وانت تفهم قصدي
    "تزوجت فتاة...
    وذهبت للعيش مع زوجها وحماتها
    .. وبعد وقت قصير اكتشفت أنها لا تستطيع التعامل مع. حماتها ، فقد كانت الأخيرة تنتقدها و تثير غضبها.. ولم يتوقفا يوما عن الجدال والصراخ،
    كان الزوج بدوره يعانى أحزاناً ومشقة.. ولم يعد في استطاعة الزوجة التحمل أكثر..
    قررت أن تفعل شيئا .. فذهبت ( لصيدلي ). صديق عائلتها..شرحت له الوضع بالتفصيل وسألته أن يمدها ببعض العقاقير السامة حتى تتخلص من. حماتها إلى الأبد..
    فكر الصيدلي ثم دخل غرفة التحضير دقائق ثم خرج ومعه زجاجة صغير مزودة بقطارة وقال : ليس من الحكمة أن تستخدمي سما سريعَ المفعول وإلا ثارت حولك الشكوك، لذا سأعطيك هذا العقار الذي يعمل تدريجيا وببطء ،
    وعليك أن تجهزي لها كل يومين طعاما من الدجاج أو اللحم وتضعين عليه نقاط من هذا السم بالقطارة ، وفى هذه الأثناء عامليها بلطف وتودد ..
    لا تتشاجري معها أبدا مهما كانت الظروف.. عامليها كما لو كانت امك حتى إذا انقضت أيام عمرها لم يشك فيك أحد..
    سعدت الزوجة بهذا الحل وأسرعت إلى المنزل لتبدأ التنفيذ على الفور ..
    مضت الأيام والشهور وهى تحرص على التنفيذ بكل دقة وتذكر دائما ما قاله الطبيب لعدم الاشتباه، فتحكمت في طباعها وأطاعت حماتها وعاملتها كما لو كانت أمها..
    بعد ستة أشهر تغير جو الأسرة تماما، مارست الزوجة تحكمها في طباعها بقوة وإصرار، نشأ جو من الحب والصداقة بينها وبين حماتها التي تغيرت هي الأخرى وصارت كالأم الحنون لزوجة ابنها..أصبح الزوج سعيدا بما طرأ على جو الأسرة وهو يلاحظ كل ما يحدث..
    بعد هذه المدة ذهبت الزوجة للصيدلي ولكن هذه المرة لتقول له: من فضلك ساعدني لأمنع السم من قتل حماتي ، فقد صارت جدا لطيفة وأنا أحبها الآن مثل أمي.، أرجوك لا أريدها أن تموت..
    ابتسم الصيدلي وهز رأسه وقال يا بنيتي:
    أنا لم أعطك سما قط ،
    لقد كان المحلول الذي بالزجاجة ماء !
    .أما السم الذى أوشك أن يقتلك فقد كان قابعا في عقلك ، والآن تأكدت والحمد لله أنك برئتِ منه !
    عامل الناس بمثل ما تحب ان يعاملوك به ...وادفع بالتي هي أحسن..
    وسايس الناس بالمعروف..
    ولا تتسرع بالاحكام !

    "


    ربنا يصلح حالك

    سُبْحَانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ


  4. #24

    الصورة الرمزية ابو سيف

    رقم العضوية : 113

    تاريخ التسجيل : 23Apr2007

    المشاركات : 890

    النوع : ذكر

    الاقامة : zagazig

    السيارة: اسبرانزا..A516

    السيارة[2]: دايو..اسبيرو

    دراجة بخارية: no

    الحالة : ابو سيف غير متواجد حالياً

    افتراضي -

    اقتباس المشاركة الأصلية كتبت بواسطة ESO101 مشاهدة المشاركة


    كفاية 5 سنين تعيد نفس المحاولات للتأكد أنها لن تتغير بنفس المحاولات
    وأنا رأيي أن موضوع التهديد بالزواج سواء تلميح أو تصريح ليس جيد
    وصل لها مشكلتك معها بشكل واضح
    وإمشي في إجراءات الزواج عندما تتوفر لديك القدرة بدون أن تناقشها أبدًا برغبتك
    أنا عن نفسي عانيت من مشكلة ليست فقط إهمالًا في نفسها بل حتى في البيت
    رغم أني أوفر لها خادمة ومربية ولكن كل شيء كان أهلها
    لما عزمت على الزواج والمرأة بطبيعتها لها حاسة عجيبة سبحان الله
    عرفت وتأكدت من رغبتي وسألتني فأجبتها بصدق وبكل وضوح وأوضحت لها تمسكي بها ورعايتي لها
    عادت متغيرة كثيرًا ... للأفضل الحمدلله .. ولكني مازلت عازم على الزواج لرغبتي الحقيقية بالزواج رغم أنها تحسنت
    فالأمر لا يجب أن يكون تأديبًا لها أو تهديدًا لها يجب أن يكون نابع من رغبة حقيقية بداخلك وتسعى له في صمت

    أما إن كنت غير قادر على هذه الخطوة فلا تطرحها لها لأنها ستعلم أنك غير جاد
    الجاد لا يصرح إلا بعد حسم أمره ..
    وقتها تعايش مع المشكلة كأمر واقع لا سبيل لحله حاليًا ..
    ورتب للحل في المستقبل وخليها معززة مكرمة في بيتها بالطريقة اللي تحب أنها تكون عليها


    تحيــــــاتي


  5. #25

    الصورة الرمزية lonedoctor

    رقم العضوية : 3737

    تاريخ التسجيل : 16Dec2007

    المشاركات : 1,830

    النوع : ذكر

    الاقامة : cairo-makkah

    السيارة: byd L3 Auto 2015

    السيارة[2]: Ford explorer 2008

    دراجة بخارية: i don't have

    الحالة : lonedoctor غير متواجد حالياً

    افتراضي -

    انا تركتها تحت عصمتك معززة مكرمة فهذا فضل منك واحسان
    انما تقصيرها فى حقك يجعلها امراة ناشز شرعا ويترتب عليه الكثير من الاحكام الشرعية منها ان لا تظل في بيتك بعد الطلاق وتفقد نفقة المتعة ولا تنفق عليها فى العدة
    للاسف الناس لا يعلمون شيئا عن الاحكام الشرعية وهى حكم الله من فوق سبع سماوات واولها الزوجة التى يتوجب عليها طاعة زوجها اصلا واصبح التعامل الان بين الزوجة وزوجها كانه boy friend بمزاجها تعاشره وتسمع كلامة اذا عندها رغبة واذا ما عندهاش مايلزمهاش وعايشة فى خيره وفى بيته وتحت عصمته

    لعمرك مـا الإنسـان إلا بدينـه فلا تترك التقوى اتكالاً على النسب
    فقد رفع الاسلامُ سلمـانَ فـارسٍ وَقَدْ وَضَعَ الشِّرْكُ الشَّرِيْفَ أَبَا لَهَبْ


  6. #26

    الصورة الرمزية svneleven

    رقم العضوية : 131031

    تاريخ التسجيل : 07Nov2012

    المشاركات : 2,303

    النوع : انثى

    الاقامة : https://t.me/pump_upp

    السيارة: 82418712244

    السيارة[2]: BMW E90

    دراجة بخارية: CharlesBoazy

    الحالة : svneleven غير متواجد حالياً

    افتراضي -

    عن ابي هريرة رضي الله عنه ان رسول الله صلي الله عليه و سلم قال (لا يفرك مؤمن مؤمنةان كره منها خلقا رضي منها اخر). رواه مسلم.
    الكمال لله وحده. حاول تصلح بشتي الطرق و لا تياس و لا تهدم بيتك بنفسك. لن تجد انسان كامل و لو بحثت لوجدت في نفسك عيوب.


  7. #27

    الصورة الرمزية Amr_MO

    رقم العضوية : 119810

    تاريخ التسجيل : 30Jan2012

    المشاركات : 179

    النوع : ذكر

    الاقامة : القاهرة

    السيارة: BMW M6

    السيارة[2]: BMW M6

    دراجة بخارية: N/A

    الحالة : Amr_MO غير متواجد حالياً

    افتراضي -

    السلام عليكم وجزيل الشكر لجميع الاخوة الكرام على المداخلة والافادة بآرائهم

    عاوز بس اوضح بعض النقاط لازالة بعض الالتباس الي لاحظته

    أولا: موضوع اني اتجوز مرة تانية ده شيئ مستبعد تماما، يعني حتى لو كانت الظروف المادية تسمح بكدة فمش هتحصل لأن التعبات كارثية وخصوصا على أولادي
    وأنا لما كنت بكلمها اني اروح اتجوز واحدة تانية فالموضوع مكنش بتهديد ليها لكن كان الموضوع بهزار وبضحك وحتى كنت بقولها ساعتها وانا بضحك ولكن في نفس الوقت بوجهلها رسالة عن عدم الرضا عن حالها وحالتها وهيئتها وهي فهمت قصدي ساعتها لأنها مبتلاقيش رد وبتسكت او بتتذمر من مجرد الكلام في موضوع زي ده ولكن بدون أي خطوات إيجابية منها لتحسين نفسها ولو بأقل القليل بعد ما فهمت الرسالة.

    ثانيا: موضوع اني اخليها تشتغل فده برضه شيئ صعب للغاية، لأنها لا تملك من الخبرات العملية الي تخليها تقدر تتوظف في مكان معين، وبرضه انا شخصيا مش محبذ فكرة الزوجة العاملة بالمرة -وده وجهة نظر شخصية- لأن الأولاد وبشكل خاص محتاجين رعاية واهتمام ومتابعة مستمرة ودائمة ومش عاوز تقصير من الناحية دي حتى لو على حساب ان موضوع شغلها ده ممكن يحل المسألة، لا البيت والأولاد أهم وأولى.

    ثالثا: موضوع التجمل الي انا بطلبه منها، مش بقولها شعرك مفرود 24 ساعة، ولا تعملي اشتراك اسبوعي مع بتاعة الكوافير، ولا بقولها 24 ساعة ميكاج وتزويق، مفيش واحدة كدة وابقى عبيط لما اقولها حاجة زي كدة ده حتى الواحد هيزهق بعدها.
    لكن مفيش خالص؟ مفيييييش على رأي واحد؟ وسائل وأدوات ان الزوجة تتجمل لجوزها كتيرة وبسيطة ومش مكلفة ولا عاوزة مجهود، اي حاجة منها على فترات عادي خالص، هو مش في حديث بيقول واذا نظر إليها أسرته؟ هو ده الي انا اقصده، موضوع الماديات انا مش مقصر فيه معاها يعني لو هي فعلا من جواها عندها الرغبة لكدة وهي كبتن عموما طبيعي بتحب تتجمل حتى لنفسها، يعني حتى هي مفكرتش تشتري لنفسها قلم كحل ولا قلم روج، مع اني اصلا مانعها من اي حاجة من دي لما نكون خارجين برة، لكن هو عشان برة مفيش يبقى في البيت برضه مفيش؟، انا ساعات بدخل عليها المطبخ اهزر واضحك معاها وانكشها وافكلها التوكة الي عاملة بيها ديل الحصان ده بالعافية بدون غشومية طبعا وبهزار، عشر دقايق وترجع تربطه تاني اقولها برضه رجعتيه تاني؟ وادور وشي الناحية التانية وويبان على وشي اني مضايق منها، انا لا عاوز شعرها يبقى حرير على طول ولا غيره انا بطلب مجرد اي تحسين في شكلها او تغير اي حاجة، تهتم هي بنفسها حتى بوشها بشعرها بعنيها باي حاجة ولو بأبسط الأشياء، لكن هي زي ما بتقوم من النوم الصبح زي ما بتنام بالليل، اشتريت لها هدوم للبيت كتيرة ولا بتتلبس ولا غيره ومركونة حتى الحاجات الي هي اشتريتها وهي بتجهز نفسها اتلبست مرة ومركونة من ساعتها، مفيش تغيير حتى في طريقة ونوعية الي بتلبسه حتى.

    رابعا: علاقتا ببعض من ناحية التعامل بشكل عام الحمد لله كويسة بنسبة كبيرة وحتى ساعات بحاول استدرجها في الكلام انها تكون زعلانة مني في حاجة او مقصر معاها في ناحية من النواحي وانا مش واخد بالي او غيره، يعني مفيش مشاكل داخلية او نفسية الحمد والفضل لله، هي انسانة محترمة جدا، ذوق، بتشرفني قدام أهلي دايما، والدتي بتحبها جدا والعكس، صاحبة واجب، وبتسمع الكلام في الي بأمرها بيه، يعني هي مش زوجة ناشز او غيره بالمرة، ومفيش حاجة مزعلاها مني مخلياها مش مهتمية بنفسها وسايبة نفسها كدة

    ولكن سمع الكلام مينفعش اجبرها على حاجة زي دي بالعافية وبالغصب زي ما وضحت قبل كدة، مش هيبقى ليها اي طعم ولا اي معنى بالمرة، حاولت معاها احسسها بنفسها وانها انسانة جميلة وانها تلتفت لنفسها شوية وانها لو عملت كذا او لبست كذا هتبقى امورة وجميلة وخلافه، ولكن هي بتفكر ان دي رفاهيات يعني او مش ضرورية وحاجات ثانوية يعني اذا هي معملتهاش فمش مشكلة طالما بتطبخ كويس والبيت نضيف والعيال كويسين وكله تمام يبقى كدة تمام التمام، حاولت كذا مرة اثير غيرتها زي ما وضحت وريتها حتى بعض الصور الي انا متصورها في الشغل مع زمايلي وفيها بعض صور زميلاتي بنات في الشغل ووريتها هما عاملين ايه في نفسهم وهي اضايقت وتغاظت من مجرد بس انهم موجودين في الصور، قولتلها البنت بتحب تهتم بنفسها لنفسها، ده الواحد مننا لما كان ايام المراهقة كان بيروح للحلاف مرة كل اسبوع يقعد يعمل حمام كريم لشعره ويسرحه مش عارف ايه ويقصه ازاي عشان يعجب نفسه وانتي مفيش كدة خالص؟ وبرضه مفيش اي استجابة منها.

    حاسس بجد ان الحياة صحراء جرداء قاحلة مكفهرة، مقارنة بالي الواحد بيحتك بيهم في الشغل وفي الشارع وفي المواصلات يعني بتوصل بيا اني ساعات باخد اجازة يومين من الشغل عشان مروحش اشوفه الي بشوفه هناك وارجع البيت الاقيها بالشكل ده للأسف الشديد.


  8. #28

    الصورة الرمزية melouk1

    رقم العضوية : 72661

    تاريخ التسجيل : 09Jun2010

    المشاركات : 913

    النوع : ذكر

    الاقامة : Madinaty

    السيارة: c 240 2004

    السيارة[2]: E 250 2010

    دراجة بخارية: no

    الحالة : melouk1 غير متواجد حالياً

    افتراضي -

    اقتباس المشاركة الأصلية كتبت بواسطة amr_mo مشاهدة المشاركة
    السلام عليكم وجزيل الشكر لجميع الاخوة الكرام على المداخلة والافادة بآرائهم

    عاوز بس اوضح بعض النقاط لازالة بعض الالتباس الي لاحظته

    أولا: موضوع اني اتجوز مرة تانية ده شيئ مستبعد تماما، يعني حتى لو كانت الظروف المادية تسمح بكدة فمش هتحصل لأن التعبات كارثية وخصوصا على أولادي
    وأنا لما كنت بكلمها اني اروح اتجوز واحدة تانية فالموضوع مكنش بتهديد ليها لكن كان الموضوع بهزار وبضحك وحتى كنت بقولها ساعتها وانا بضحك ولكن في نفس الوقت بوجهلها رسالة عن عدم الرضا عن حالها وحالتها وهيئتها وهي فهمت قصدي ساعتها لأنها مبتلاقيش رد وبتسكت او بتتذمر من مجرد الكلام في موضوع زي ده ولكن بدون أي خطوات إيجابية منها لتحسين نفسها ولو بأقل القليل بعد ما فهمت الرسالة.

    ثانيا: موضوع اني اخليها تشتغل فده برضه شيئ صعب للغاية، لأنها لا تملك من الخبرات العملية الي تخليها تقدر تتوظف في مكان معين، وبرضه انا شخصيا مش محبذ فكرة الزوجة العاملة بالمرة -وده وجهة نظر شخصية- لأن الأولاد وبشكل خاص محتاجين رعاية واهتمام ومتابعة مستمرة ودائمة ومش عاوز تقصير من الناحية دي حتى لو على حساب ان موضوع شغلها ده ممكن يحل المسألة، لا البيت والأولاد أهم وأولى.

    ثالثا: موضوع التجمل الي انا بطلبه منها، مش بقولها شعرك مفرود 24 ساعة، ولا تعملي اشتراك اسبوعي مع بتاعة الكوافير، ولا بقولها 24 ساعة ميكاج وتزويق، مفيش واحدة كدة وابقى عبيط لما اقولها حاجة زي كدة ده حتى الواحد هيزهق بعدها.
    لكن مفيش خالص؟ مفيييييش على رأي واحد؟ وسائل وأدوات ان الزوجة تتجمل لجوزها كتيرة وبسيطة ومش مكلفة ولا عاوزة مجهود، اي حاجة منها على فترات عادي خالص، هو مش في حديث بيقول واذا نظر إليها أسرته؟ هو ده الي انا اقصده، موضوع الماديات انا مش مقصر فيه معاها يعني لو هي فعلا من جواها عندها الرغبة لكدة وهي كبتن عموما طبيعي بتحب تتجمل حتى لنفسها، يعني حتى هي مفكرتش تشتري لنفسها قلم كحل ولا قلم روج، مع اني اصلا مانعها من اي حاجة من دي لما نكون خارجين برة، لكن هو عشان برة مفيش يبقى في البيت برضه مفيش؟، انا ساعات بدخل عليها المطبخ اهزر واضحك معاها وانكشها وافكلها التوكة الي عاملة بيها ديل الحصان ده بالعافية بدون غشومية طبعا وبهزار، عشر دقايق وترجع تربطه تاني اقولها برضه رجعتيه تاني؟ وادور وشي الناحية التانية وويبان على وشي اني مضايق منها، انا لا عاوز شعرها يبقى حرير على طول ولا غيره انا بطلب مجرد اي تحسين في شكلها او تغير اي حاجة، تهتم هي بنفسها حتى بوشها بشعرها بعنيها باي حاجة ولو بأبسط الأشياء، لكن هي زي ما بتقوم من النوم الصبح زي ما بتنام بالليل، اشتريت لها هدوم للبيت كتيرة ولا بتتلبس ولا غيره ومركونة حتى الحاجات الي هي اشتريتها وهي بتجهز نفسها اتلبست مرة ومركونة من ساعتها، مفيش تغيير حتى في طريقة ونوعية الي بتلبسه حتى.

    رابعا: علاقتا ببعض من ناحية التعامل بشكل عام الحمد لله كويسة بنسبة كبيرة وحتى ساعات بحاول استدرجها في الكلام انها تكون زعلانة مني في حاجة او مقصر معاها في ناحية من النواحي وانا مش واخد بالي او غيره، يعني مفيش مشاكل داخلية او نفسية الحمد والفضل لله، هي انسانة محترمة جدا، ذوق، بتشرفني قدام أهلي دايما، والدتي بتحبها جدا والعكس، صاحبة واجب، وبتسمع الكلام في الي بأمرها بيه، يعني هي مش زوجة ناشز او غيره بالمرة، ومفيش حاجة مزعلاها مني مخلياها مش مهتمية بنفسها وسايبة نفسها كدة

    ولكن سمع الكلام مينفعش اجبرها على حاجة زي دي بالعافية وبالغصب زي ما وضحت قبل كدة، مش هيبقى ليها اي طعم ولا اي معنى بالمرة، حاولت معاها احسسها بنفسها وانها انسانة جميلة وانها تلتفت لنفسها شوية وانها لو عملت كذا او لبست كذا هتبقى امورة وجميلة وخلافه، ولكن هي بتفكر ان دي رفاهيات يعني او مش ضرورية وحاجات ثانوية يعني اذا هي معملتهاش فمش مشكلة طالما بتطبخ كويس والبيت نضيف والعيال كويسين وكله تمام يبقى كدة تمام التمام، حاولت كذا مرة اثير غيرتها زي ما وضحت وريتها حتى بعض الصور الي انا متصورها في الشغل مع زمايلي وفيها بعض صور زميلاتي بنات في الشغل ووريتها هما عاملين ايه في نفسهم وهي اضايقت وتغاظت من مجرد بس انهم موجودين في الصور، قولتلها البنت بتحب تهتم بنفسها لنفسها، ده الواحد مننا لما كان ايام المراهقة كان بيروح للحلاف مرة كل اسبوع يقعد يعمل حمام كريم لشعره ويسرحه مش عارف ايه ويقصه ازاي عشان يعجب نفسه وانتي مفيش كدة خالص؟ وبرضه مفيش اي استجابة منها.

    حاسس بجد ان الحياة صحراء جرداء قاحلة مكفهرة، مقارنة بالي الواحد بيحتك بيهم في الشغل وفي الشارع وفي المواصلات يعني بتوصل بيا اني ساعات باخد اجازة يومين من الشغل عشان مروحش اشوفه الي بشوفه هناك وارجع البيت الاقيها بالشكل ده للأسف الشديد.
    شرحك جميل و محترم و انت مش محتاج رأينا خالص ماشاء الله
    إرضى بالأمر الواقع و إحتسبه عند الله و عاوزك تدعو الله عز وجل في جوف الليل انه يغير حالها
    لان الظاهر ده فكر و طبع غير قابل للتغير حتى البسيط
    يبقى أطلب من الله وحده اللي انت عاوزه
    بصراحة بعد ردك ده لا يوجد اي حل من خارج البيت الا اللجوء الى اللي خالقكم هو اللي يقدر يعمل كل حاجه
    تحياتي


  9. #29

    الصورة الرمزية Mohamed212

    رقم العضوية : 143630

    تاريخ التسجيل : 15May2013

    المشاركات : 68

    النوع : ذكر

    الاقامة : Cairo

    السيارة: 2015 Corolla

    السيارة[2]: 2010 New Accent

    الحالة : Mohamed212 غير متواجد حالياً

    افتراضي -

    الصراحة مش عجبني كثرة الافصاح وخصوصيات زوجية علي الملاء
    انا اسف
    بس رائي احفظ لسانك واصلح بيتك

    وقوله تعالى : \"َوَعاِشُروُهَّن بِاْلَمْعُروِف فَإِْنَ كِرْهتُُموُهَّن فَعََسى أَْن تَْكَرُهواَ شْيئًاَ ويَْجعََلَّ الله ُفِيِهَ خْيًراَ كثِيًرا (19 (سورة
    النساء.

    قال صلى الله عليه وسلم : « اتقوا الله في النساء فإنكم أخذتموهن
    بأمانة الله واستحللتم فروجهن بكلمة الله » (صحيح مسلم برقم (1218 .

    فالميثاق الغليظ يقتضي أن يحفظ كل من الزوجين سر الآخر وأن يكون ساتراً لعيوبه كما يكون ساتراً لعورته

    قال الشاعر :
    والسّر فاكتْمهُ وَلا تنطْق بِِه * * * فهَو الأسيُر لديَك إْذ لا ينِشُب
    واحرْص علَى حفِظ القلوِب من الأذَى * * * فرجوُعها بعدَ التنافِر يصعُُب
    إَّن القلوَب إذا تنافَر ودَُّها * * * مثُل الزجاجِة كسُرَها لا يُشعُ

    يروى أن أحدهم ذهب ليطلق زوجته فسألوه عن سبب طلاقها فقال : لا أتحدث عن زوجتي بما يسوؤها ولا أفشى سراً لها
    , وبعد أن طلقها قالوا له : الآن طلقتها فأخبرنا عن سبب طلاقك لها , فقال : لا يحل لي أن أتكلم عن امرأة صارت أجنبية
    عني .


    ومن الميثاق الغليظ أن لا يهدد أحد من الزوجين عند كل خلاف بطلب الطلاق والفراق , قال تعالى : \" الَّطَلاُقَ مَّرتَاِن
    فَإِْمَساٌك بَِمْعُروٍف أَْو تَْسِريٌح بِإِْحَساٍنَ وَلا يَِحُّل لَُكْم أَْن تَأُْخذُواِ مَّما آتَْيتُُموُهَّنَ شْيئًا إَِّلا أَْن يََخافَا أََّلا يُِقيَماُحدُودََّ الله فَإِْنِ خْفتُْم أََّلا
    يُِقيَماُ حدُودََّ الله فََلاُجنَاَحَ علَْيِهَما فِيَما اْفتَدَْت بِِه تِْلَكُ حدُودَُّ الله فََلا تَْعتَدُوَهاَ وَمْن يَتَعَدَُّ حدُودََّ الله فَأُولَئَِكُ هُم الَّظاِلُموَن (229(
    سورة البقرة .
    فالرجل لا يجعل من الطلاق لعبة يلعب بها ويهدد بها الآخر في كل كبيرة وصغيرة


    منقول من الميثاق الغليظ للدكتور بدر عبد الحميد هميسه


    رائي لا تنشر فتاخذ كلمة من فم شخص ناقم علي حياته فيهدم بها بيتك
    ربنا يحفظك انت وزوجتك واطفالك ويجعل بيتكم سعيدا
    اصلح بيتك بينك وبين زوجتك ولا تنتظر ان يصلح لك احد بيتك

    سُبْحَانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ


  10. #30

    الصورة الرمزية lonedoctor

    رقم العضوية : 3737

    تاريخ التسجيل : 16Dec2007

    المشاركات : 1,830

    النوع : ذكر

    الاقامة : cairo-makkah

    السيارة: byd L3 Auto 2015

    السيارة[2]: Ford explorer 2008

    دراجة بخارية: i don't have

    الحالة : lonedoctor غير متواجد حالياً

    افتراضي -

    hasad">

    العلاقة بين الزوج والزوجة فى الاسلام تندرج تحت عقد شرعى ولكل طرف فيه حقوق وواجبات
    وهى ليست فى جانب طرف واحد بس (لمن يذكر فضيلة الاحسان الى الزوجة ولا يفرك مؤمن مؤمنة والكلام ده) لانه هنا موضعه انه يحدث بدون سبب او مبرر شرعى او لالحاق الضرر بها وايذائها لغرض غير مشروع
    طيب فى القران الكريم قال الله تعالى فعظوهن واهجروهن فى المضاجع واضربوهن فهل هذا يضاد الاحاديث التى ذكرت الاحسان الى الزوجة
    يا جماعة الخير كل شئ يجب ان يوضع فى موضعه وفى المقام المناسب له
    زوجتك ممتازة ومؤدبة وتسمع كلامك ولكن ليس الامر هكذ فى كل شئ وانما فى جانب التزين والاهتمام بمظهرها واعفاؤك انت شخصيا كرجل ناشزة وغير مطيعة وتعصى امرك وبالتالى فان الاحصان وغض البصر واشباع الغريزة وهو المقصد الاول من الزواج اساسا غير متحقق فبالتالى هذه ليست علاقة زوجية سوية على الاطلاق
    عاجبك الوضع على كدة براحتك لكن ماتشتكيش بقي يا برنس
    مش عاجبك يبقي لازم تديها درس وتفوقها مظبوط وتخليها تنتبه لحقوقك الشرعية ولازم تعرف انها تتحمل اثم عدم احصانك واشباعك جنسيا كدة على بلاطة وتتحمل وزر النظر الى النساء الاخريات اللى انت مش قادر تمنع عينيك عنهم كمان
    يا اخى من باب قوا انفسكم واهليكم نارا حتى
    للاسف زوجتك تجهل تماما الواجبات الشرعية بصفتها زوجة لك امام الله وسعادتك عايزها تعمل كدة من باب الغريزة و الاتيكيت وزى باقى الحريم وده مش هيحصل
    وصدقنى اول ما عمرك يتخطى الاربعين يحيينا ويحييك ربنا هتتعب اوى والسن ده هو اخطر سن للرجل عموما
    لا حصل شباب ولا حصل عواجيز
    والبنات اللى انت هتتجنن عليهم دلوقت ساعتها هينادوك يا عمو ومش هتقدر تتجوز واحدة منهم بتعتبرك زى والدها بس انت من جواك مش كده لسه عايش بغريزة شاب عنده 20 سنة وهتبقى قى صراع نفسى رهيب
    الحق نفسك من دلوقت نصيحة من رجل له خبرة فى الحياة واكبر منك سنا
    وتقبل تحياتى

    لعمرك مـا الإنسـان إلا بدينـه فلا تترك التقوى اتكالاً على النسب
    فقد رفع الاسلامُ سلمـانَ فـارسٍ وَقَدْ وَضَعَ الشِّرْكُ الشَّرِيْفَ أَبَا لَهَبْ



 
صفحة 3 من 6 الأولىالأولى 1 2 3 4 5 6 الأخيرةالأخيرة

المواضيع المتشابهه

  1. مواقف زوجية
    بواسطة mahmoudysf في المنتدى المنتــــــدى الاجتمــاعى
    مشاركات: 8
    آخر مشاركة: 02-10-2012, 03:33 PM
  2. حالات زوجية مصرية ... ولا الأجنبي !
    بواسطة friendship7897 في المنتدى المنتــــــدى الاجتمــاعى
    مشاركات: 32
    آخر مشاركة: 23-06-2012, 10:17 PM
  3. مشكلة زوجية عويصة
    بواسطة cyborg_ift في المنتدى المنتــــــدى الاجتمــاعى
    مشاركات: 127
    آخر مشاركة: 12-12-2011, 05:45 PM
  4. 10 خطوات لحياة زوجية سعيدة .. (سمن على عسل)
    بواسطة Youssef.Awad في المنتدى المنتــــــدى الاجتمــاعى
    مشاركات: 23
    آخر مشاركة: 12-02-2010, 06:39 PM
  5. نصائح زوجية خاصة
    بواسطة نور القمر في المنتدى المنتــــــدى الاجتمــاعى
    مشاركات: 7
    آخر مشاركة: 31-08-2009, 02:24 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2