أنا سمعت ناس كتير بتتكلم ع ان عزلها حلو ..
بالنسبه للثبات اعتقد انها هيا هيا نفس الشاسيه بتاع الموديل 2016 اللي قبلها .. و اللي متأكد منه انه نفس الماتور و الفتيس بتاع الشكل اللي قبلها و اعتقد محدش اشتكى من الفتيس ولا الماتور
ممكن بس توضيح لحته ان فيه فئات فيها تكيف خلفي و فئات لأ ؟ اعتقد انه اي عربيه بتكون نفس الموديل يا كل فئاتها فيه تكيف خلفي او كل فئاتها مفيهاش .. اصل دا مش option ولا انا فاهم غلط ؟
و معلش سؤال اخير معرض الطارق اخدت قد ايه وقت استلام .. أكتر من شهر مثلا ؟ و هل ينفع لو اشتريت اي عربيه من خارج التوكيل " سؤءا كانت من موزع معتمد أو خليجي " ينفع اعملها صيانات داخل التوكيل ؟
بالنسبة للتكيف
من الاولي للرابعة نفس التكييف ... بس الرابعة في مسند اليد فتحات تكييف للكرسي الخلفي الباقي لا
في الخمسة و السادسة تكييف دويل زون ديجيتال و بفتحات تكييف للخلف
بالنسبة للكاميرا هي موجودة من اول الرابعة بس ممكن تتركب عادي برة
بالنسبة للضمان مش هقدر افيدك ... انا اتعرض عليا خليجي هاي لاين ليد علي 237 ... ذادت بعد كدة 10 الاف ... و قالي هتشترب ضمان تريبل ايه 3 سنين ب 3 الاف ... امانة ما تبعتش عشان انا كنت عاوز عربية الوكيل
عزل العربيه جيد جدا ... ايوة هي نفس الشاسية و الفتيس و الماتور القديم بتاع 2012
أكيد الناس أزواق ... و أكيد انا شوفت ان الينترا احسن من سيراتو ... علي فكرة الاتنين واحد في كب حاجة تقريبا ... الفكرة عندي كانت اني عاوز نيو شيب يكمل 4 سنين علي الاقل في السوق .. السيراتو فيس ليفت يعني سنتين و هيتغير ... علي فكرة فورد فوكس الجديدة بتلعب في نفس التمن بس الف سي سي تربول
انا كنت حاجز العربية عند معرضين الغليان و الطارق ... الطارق سلمني الاول ... تقريبا شهر بس العربية مكنتش موجودة عند حد وكيل ... كل الي كان موجود كان خليجي ... أظن ان العربيه متوافرة دلوقت عند الكل يعني ايام و تستلم
شكرا جدا على كل المشاركات و وتفاعلكم