الموضوع: ماء السيارة فى كيا ريو 2015

المياه الملونه للمحركات الحديثه لازم تتغير كل 50 الف كيلو او كل عامين علشان بتفقد خواص التبريد والتزيت لطلمبة المياه واترموستات الكوعه الداخلى يعنى لايمكن تحط مياه من الحنفيه وافضل واضمن مياه فى السوق موبيل واحسن حاجه تعملها روح المحطه واعمل دورة تنظيف المحرك وحط مياه خضره ؟

ممكن تزود المياه بمياة تكيف
لو كان فى نقص لانه المياه الخضراء بتكون 4 لتر
وغالب بغض العربيات بتحتاج 4.5 الى 5 لتر

العربية انا مشتريها مستعملة رخصتها من شهر 10/2014 وماشيه 31 الف كيلو حتى الان فا افهم من كده ان شهر 10 الجاي هروح اعمل دورة تنظيف المحرك طب الدورة دي بتتعمل فين فى اي محطة بنزين ولا مراكز الغسيل وبيع الزيوت ولا ايه ؟؟؟

المشاركة الأصلية كتبت بواسطة borio1704

كتالوج عربيتك بيقوللك على المياه المناسبة ومواعيد تغييرها

وبالنسبة لكيا (حسب المكتوب في الكتالوج)... فالسائل اللي فيها (بتاع الفبريكا) بيقعد حوالي 200 ألف كيلومتر أو خمس سنوات (أيهما أقرب)..

بعد كده تغسل الدايرة وتحط المية بتاعت كيا بردو.. ودي بتقعد سنتين.


المية بتاعت كيا (خليط بنسبة 50:50) وأساسه إيثيلين جليكول..




والسائل نفسه لونه أزرق فاتح شفاف.. زي كده



لو عايز تزود السائل .. زوده بمية مقطرة فقط (بتاعت البطارية)... وما تقربلوش نهائي أي مية معدنية أو من بتاعت الحنفية.


...

ياريت حضرتك تقولي فى حالتي المفروض اعمل ايه العربية شاريها مستعملة معييش كتالوج
رخصة 10/2014 ماشية حتى الآن 32 الف كيلو مش فاهم هل فيه سائل تاني غير الميه بينضاف للماتور ولا ايه لان الى درسته للتبريد هو فقط الميه فا انا مش فاهم حاجه المفروض اروح فين ولا اعمل ايه بس اي مكان غير التوكيل

المشاركة الأصلية كتبت بواسطة borio1704

أولا... نزل الكتالوج من هنا علشان ما تدوخش..

kia cars owners | car owners manual | kia canada

اختار سنة والموديل وهو هينزلك كتالوجها مباشرة...

بس خلي بالك إن الكتالوج ده بتاع كندا... وبعض الحاجات ما تنطبقش علينا.. زي الزيوت مثلا..



موضوع مياه التبريد حاليا كبير شوية وبحر زي ما بيقولوا..

واللي يهمنا منه نستخدم إيه في العربية بتاعتك..

مية التبريد في العادة بتبقى خليط من المية المقطرة ومادة الإيثيلين جلايكول في أغلب الأوقات + مواد مانعة للصدأ

كل ما نسبة الإيثيلين جلايكول زادت كل ما كان المية بتتجمد على درجة حرارة أبرد...


كتالوج الكيا بيقوللك إنك لو في جو حار.. فنسبة المية لسائل التبريد بتبقى 65 : 35...

لسببين..

1- تبريد المية أحسن
2- سائل التبريد فيه مواد بتمنع الصدا وبتزيت طلمبة المية.. فما ينفعش نقللها أكتر من كده.

وزي ما قولتلك.. حضرتك مش محتاج تغير المية خالص دلوقتي.. خصوصا لو كانت المية لونها أزرق شفاف زي الصورة...

دي مية الفابريكة.. وبتقعد عندك 5 سنين.. زي ما الكتالوج كاتب.


أما لو كانت المية عند حضرتك شفافة تماما أو لونها غير اللون الأزرق.. فدي فعلا لازم تتغير.


كيا بتشترط إن السائل اللي تحطه يكون أساسه "إيثيلين جلايكول" ويكون مناسب للرادياتير الألومنيوم...



دي صورة من كتالوج السيراتو 2014... توصيات الزيوت والسوائل هي نفسها بتاعت الريو (ما عدا زيت الفتيس فقط).




...

تمام الف شكر ليك انا هفتح الريداتير بكره واشوف الميه لو لقيتها بيضا هغيرها ولو لقيتها زرقه هسيبها لحد ما اكمل 3 سنين كمان باذن الله طب لو حبيت اغيرها عند ناس محترفه بحيث ينفذولي المطلوب من غير ما انطق اروح فين؟؟
والتكلفة بتكون كام تقريبا؟؟

السلام عليكم انا غيرت مية العربية للمية الى فى الصورة دي لانى مكنتش اعرف صاحب العربية الأولانى كان حاطط فيها مية ايه بالظبط و اشتريت الجركن ده ب 90 جنيه
للتذكير عربيتي كيا ريو موديل 2015 عايز اعرف من اهل الخبرة بس المفروض الميه دي اغيرها تاني بعد أد ايه ؟؟