لو معاك ١٣٠ الف تجيب ايه ؟

**gemy1990** · 22-08-2016 12:36 PM

السلام عليكم جميعا يارب تكونوا بخير ..

من كتر ما الواحد محتار ملقتش حل غير اني اخد رأيكم اصل دا مش هيحصل كل سنه :d
نخش في الموضوع خلونا متفقين اني طالع من شاهين ف مهما كان الاختيار هحس بالنقله :d
المبلغ دا يجيب سيراتو كوبيه وانا بعشق العربيه دي بس كتير بيخوفوني منها وانها منظر بس ف مش عارف وفي نفس الوقت يجيب اوبترا و النترا وكله بيقول دول عمليين اكتر وفيه وجهه النظر الي بتقول هات كسر زيرو حاجه يعتبر جديده رينو لوجان مثلا ولا سانديرو ستيب واي تاخد انت خيرها ومضمونه عن القديم وهتفرق في ٥ سنين مثلا علشان الباقي هيبقى ٢٠١٠ او ٢٠١١ بس مقلق من رينو و فيه نيسان صني بس مع اخويا وعربيه محروقه بالنسبه ليا تنصحوني ب ايه انا شباب و مش متجوز ومش ناوي اتجوز :d

**gemy1990** · 22-08-2016 02:56 PM

و قدامي كروز 2014 ماشيه 70 بتاعت واحد صاحبي مضمونه طالب 135 الموديل دا فيه مشكله الفيتيس ولا تمام و رأيكم اجيب دي ومفكرش كتير ؟

**salam100100** · 22-08-2016 04:35 PM

المشاركة الأصلية كتبت بواسطة gemy1990

السلام عليكم جميعا يارب تكونوا بخير ..

نيسان صني بس مع اخويا وعربيه محروقه بالنسبه ليا تنصحوني ب ايه انا شباب و مش متجوز ومش ناوي اتجوز :d

نفسى اعرف اللى بين السطور (يعنى هى عربيه حلوه ولا بلح؟)

الصنى مش هتعجبك عشان هى عربيه عائليه ومبتديش اداء الجولف مثلا

كسر زيرو للكورى هيكون مناسب جدا ومناسب فى اعاده البيع

**gemy1990** · 22-08-2016 05:03 PM

لا هي عربيه تحفه بسم الله ما شاء الله ربنا يباركله فيها وتوكيل محترم انا الي اقصده ان خلاص حفظتها و موجوده نغير بقى هنعمل ايه ب اتنين نفس السحنه :d
وبعدين هي عربيه كلاسيك انا عايز حاجه شبابي شويه افهم من كلام حضرتك ان الكروز سوقها حلو لو حبيت ابيعها ؟

**salam100100** · 23-08-2016 09:14 AM

الاوبترا منتشره اكتر من الكروز. فبالتالى اعاده بيه احسن

انا ركبت الاتنين مسقتهمش, الاتنين متقاربين جدا
لو هتقارن الاوبترا بالنترا, الالنترا تكسب

لو بتدور على عربيه كسر زيرو شبابى. الاعضاء هنا فالمنتدى بيشكرو فالبروتون جن 2 (انا مسقتهاش)
شوفها ولو عجبتك جمع عنها معلومات

**gemy1990** · 23-08-2016 01:59 PM

البروتون مشكلتها ال rpm مش بيفصل صاحبي جاب البرسونه من سنه تقريبا و حصل فيها مشاكل كتير والكروز لسه مكلم قريبي يعتبر بيتاجر في العربيات قالي الكروز ابعد عنها انا بأمانه مش عارف اجيب ايه نفسي في الكوبيه بس كله بيخوفني منها و يقولي هات كسر زيرو تعيش معاك احسن والكوبيه بتاعت شباب يعني ملعوب بيها وش مش عارف ربنا يكتب الي فيه الخير

**marko polo** · 24-08-2016 10:27 AM

130 يجبولك تويوتا كورولا 2010 او 2011 عداد معدى 100 الف بحاجة بسيطة واوبشن فقير يعنى كبيرك يبقى فيها جنط وموفرة فى البنزين او سيراتو 2011 عداد من 50 الى 60 الف وابشن بالعبيط فتحة وطارة مالتى وحساسات وكل حاجة بس مش موفرة فى البنزين لو مشاوريك جوة البلد كتير لكن لو سفر استهلاكها تمام والسيراتو هاتها سيدان علشان الكوبية مش هتلاقى حالة نظيفة و الكويسة منها بيتكلم فى 140 اقل حاجة و الالنترا انا مش بحبها خالص و 130 يركبوك النترا 2012 فاضية خالص عداد من 50 الى 60 الف

**gemy1990** · 24-08-2016 11:29 AM

انا شايف كذا عرض لالنترا 2012 كامله او من غير فتحت سقف بتلعب في رينج من 130 ل 140 هنزل واتفرج انا شايفها احسن حل عربيه شبابي و عمليه و ربنا يكتب الي فيه الخير