| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 3 من 3 الأولىالأولى 1 2 3
النتائج 21 إلى 27 من 27

  1. #21

    الصورة الرمزية Mohamed Desoky

    رقم العضوية : 179850

    تاريخ التسجيل : 25Sep2015

    المشاركات : 1,478

    النوع : ذكر

    الاقامة : الشيخ زايد

    السيارة: شيرى a15

    السيارة[2]: سيينا

    الحالة : Mohamed Desoky غير متواجد حالياً

    افتراضي -

    hasad">

    لقاء العمالقه مهندس احمد ومهندس بوريو اكيد فى معلومات اكتر واكيد تاساكا صاحب الموضوع مبسوط دلوقتى ؟وانا سئلتك ياباشمهندس بوريو مصر فيها كام مليون عربيه لان الموضوع ده عايز اعرفه لانى بشوف فى الشارع العربيات اكتر من الناس احنا 90 مليون عندنا كام مليون سياره وسؤال تانى مش ممكن عربيات الخليج القديمه تتباع فى مصر استعمال الخارج ؟


  2. #22

    الصورة الرمزية م/أحمد عبد الفتاح

    رقم العضوية : 29225

    تاريخ التسجيل : 05Jan2009

    المشاركات : 1,362

    النوع : ذكر

    الاقامة : الإسكندرية

    السيارة: لايوجد

    السيارة[2]: Jeep KK 2009

    الحالة : م/أحمد عبد الفتاح غير متواجد حالياً

    افتراضي -

    اقتباس المشاركة الأصلية كتبت بواسطة borio1704 مشاهدة المشاركة

    معلش... مضطر أختلف معاك في كذا نقطة يا بشمهندس أحمد

    أتفق معاك إن موضوع التوكيلات في مصر عموما عليه علامات استفهام...

    بس التوكيلات موجودة من زمان في كل مكان في العالم.. بما فيهم مصر أيام الملكية.. أيام ما كان السوق المصري سوق الدولة العظمى في المنطقة..

    مشكلة مصر حاليا إن سوقها ضعييييييف بالمقارنة مع أسواق تانية.. وبالتالي فصوت العميل اللي طالع منه مالوش أهمية... للأسف.

    عايزك تقارن كده سوق مصر اللي بيتباع في مالا يزيد عن 100 ألف عربية سنويا (واحنا 90 مليون).. في مقابل السوق السعودي اللي مبيعات السيارات الجديدة فيه حوالي 2 مليون عربية سنويا (السعودية كلها 30 مليون بكل المواطنين والمقيمين)..

    مين اللي المفروض المصنع يعمل له عربية على مزاج سوقه.. احنا ولا السعودية؟؟

    من أسبوعين كده كنت رديت على أحد المواضيع هنا .. وكنت جايب احصائية لكمية السيارات المجمعة في مصر واللي اتباعت خلال 2013 و 2014...

    أكبر مصنع بايع 2000 عربية في السنتين...

    تفتكر ده سوق يتبصله؟؟؟

    وحتى لو العميل عنده مشكلة... الشركة الأم أسهل لها إنها تنسحب من السوق عن إنها توجع دماغها بمشكلة فردية (بالنسبالها)... هي باعت كام عربية أصلا؟؟؟

    للأسف.. طبيعة السوق بالمنظر ده بتخلينا دايما ناخد بواقي وفضلات الأسواق اللي حوالينا (سواء الخليج أو أوروبا).



    بالنسبة لمشاكل تويوتا وفولزفاجن.. فالمشكلة شايفها من جزئين...

    أول جزء.. إن تويوتا ومن بعدها فولزفاجن هما الشركتين الأكبر في العالم... وده فيه تهديد كبير لصناعة السيارات الأمريكية...

    والموضوع من وجهة نظري هو قرصة ودن لليابان وألمانيا علشان ما يتجرأوش ويفتكروا نفسهم سيطروا على السوق الأمريكي...

    بدليل إن المشكلتين حصلوا في أمريكا... ومن بعدها سمعة الشركتين اتأثرت بشكل كبير.


    الجزئية التانية... مسألة القوانين والتشريعات. .
    واضح إن القوانين البيئية اللي بتطلع في أمريكا وأوروبا فيها اشتراطات أكبر من إمكانية الشركات حاليا... والشركات مش ملاحقة..

    وده خلى بعض الشركات تتحايل على القانون زي ما فولزفاجن عملت.. وزي ما ميتسوبيشي كمان عملت..

    بس ميتسوبيشي ما استحملتش ﻹنها خسرانة أصلا... فنيسان اشترت تلت الشركة وبقى ليها حق الإدارة... مع العلم بإن نيسان هي اللي بلغت عن ميتسوبيشي.


    خلاصة الكلام... مصالح البزنس والسوق بتحكم تصرفات الشركات... ولو العميل جاي من وراه مصلحة أكيد هتجري وراه وترضيه...

    إنما لو مش جاي من وراه حاجة.. مش هتفكر فيه أصلا.


    ...
    أنا مش باتكلم عن السوق المصرى أنا باتكلم بصفة عامة عن السوق العالمى - وتلخيص كلامى إن صناعة السيارات حالياً فى اسوأ عصورها بسبب اتجاه الشركات المصنعة لإرضاء منظمات السلامة والبيئة على حساب المستخدم يعنى العلاقة اللى كانت بين الشركة المصنعة والفيدباك بتاع المستخدم تقريباً إنعدمت وده السبب فى إن معظم السيارات الحديثة على الزيرو من تقريبا ١٠ سنين أو اكتر شوية بقت إعتماديتها وأعطالها وتكاليف صيانتها فى مستوى سئ جداً على مستوى العالم .
    إللى عملته أمريكا فى تويوتا ولا فى فولكسفاجن (مع العلم بأن قصة الفولكسفاجن اكتشفت فى امريكا ولكن النسبة الكبيرة من الـ ٦ مليون عربية كانت فى أوروبا) مش يعتبر إبتزاز برضه ؟؟؟؟؟
    مع خالص تحياتى لحضرتك واتفاقى مع كلام حضرتك ولكن أنا كنت باتكلم فى نقطة تانية

    amadios سابقا


  3. #23

    الصورة الرمزية borio1704

    رقم العضوية : 105306

    تاريخ التسجيل : 26Jun2011

    المشاركات : 3,844

    النوع : ذكر

    الاقامة : اسكندراني بره مصر

    السيارة: Not Yet

    السيارة[2]: KIA CERATO EX 2014

    الحالة : borio1704 غير متواجد حالياً

    افتراضي -

    اقتباس المشاركة الأصلية كتبت بواسطة م/أحمد عبد الفتاح مشاهدة المشاركة
    أنا مش باتكلم عن السوق المصرى أنا باتكلم بصفة عامة عن السوق العالمى - وتلخيص كلامى إن صناعة السيارات حالياً فى اسوأ عصورها بسبب اتجاه الشركات المصنعة لإرضاء منظمات السلامة والبيئة على حساب المستخدم يعنى العلاقة اللى كانت بين الشركة المصنعة والفيدباك بتاع المستخدم تقريباً إنعدمت وده السبب فى إن معظم السيارات الحديثة على الزيرو من تقريبا ١٠ سنين أو اكتر شوية بقت إعتماديتها وأعطالها وتكاليف صيانتها فى مستوى سئ جداً على مستوى العالم .
    إللى عملته أمريكا فى تويوتا ولا فى فولكسفاجن (مع العلم بأن قصة الفولكسفاجن اكتشفت فى امريكا ولكن النسبة الكبيرة من الـ ٦ مليون عربية كانت فى أوروبا) مش يعتبر إبتزاز برضه ؟؟؟؟؟
    مع خالص تحياتى لحضرتك واتفاقى مع كلام حضرتك ولكن أنا كنت باتكلم فى نقطة تانية

    أتفق معاك بنسبة كبيرة في إن اعتمادية العربيات عموما بقت أقل نسبيا وتكاليف صيانتها بقت أعلى...

    بس تعالى نحلل ليه الكلام ده حصل؟؟؟

    لما تراجع تقارير الاعتمادية العالمية .. وتفاجأ بإن ماركات مشهورة ومعروفة برقيها زي مرسيدس تكون في قعر قائمة السيارات الاعتمادية... ترجع وتشوف مشاكل العربية دي إيه تلاقيها مشاكل في معظمها إلكترونية.

    دي ضريبة المنافسة في السوق.. اللي بتفرض على الشركات دي إنها تحشيها بكمية من التجهيزات الإلكترونية المعقدة اللي ما تقدرش لحد دلوقتي تعتمد عليها أو تثق فيها بنفس الثقة في التجهيزات الميكانيكية.

    أنا بعتقد إن تويوتا ولكزس (اللي واخدين أعلى اعتمادية في العالم) بيشتغلوا بنظرية "خليك في السليم"... على أساس إن التكنولوجيا اللي بيستخدموها بتبقى أثبتت جدارتها فعلا قبل ما ينزلوها في عربياتهم.. فممكن تبان "بعض" عربياتهم متأخرة نسبيا في التكنولوجيا... بس تكنولوجيا للشغل.. مش للتباهي.

    من حوالي 20 سنة كان في نكتة طلعت على حوار بين بيل جيتس رئيس ميكروسوفت ورئيس جنرال موتورز (مش فاكر اسمه)..
    المهم.. إن بيل جيتس كان بيتريق على إن العربيات ما تطورتش خلال ال100 سنة اللي فاتوا بنفس تطور الويندوز وإلا كان زمان العربيات بتطير ...
    رد رئيس جنرال موتورز إن لو كانت العربيات بتشتغل بنفس طريقة الويندوز كان ساعة لما تدوس فرامل العربية تسألك "هل انت متأكد؟؟؟"

    للأسف.. ده تقريبا اللي حصل دلوقتي في العربيات.

    نتيجة التكنولوجيا الجديدة دي إن لما حاجة بتبوظ نادرا لما بتتصلح.. خصوصا لو بوردة كمبيوتر مثلا ولا حساس من اللي بيظبطوا عمل الموتور...


    زمان ما كانش فيه كمية التعقيدات دي... الدنيا كانت ابسط بكتير.


    ...

    لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
    مَثَلٌ صينِيّ
    Trust me, I'm an Engineer
    Ahmed Nabil Al-Bora'ie

    أعشق السيارات.. أحب اليابانية، الكورية... ولا أفضل الأوروبية


  4. #24

    الصورة الرمزية borio1704

    رقم العضوية : 105306

    تاريخ التسجيل : 26Jun2011

    المشاركات : 3,844

    النوع : ذكر

    الاقامة : اسكندراني بره مصر

    السيارة: Not Yet

    السيارة[2]: KIA CERATO EX 2014

    الحالة : borio1704 غير متواجد حالياً

    افتراضي -

    اقتباس المشاركة الأصلية كتبت بواسطة م/أحمد عبد الفتاح مشاهدة المشاركة
    إللى عملته أمريكا فى تويوتا ولا فى فولكسفاجن (مع العلم بأن قصة الفولكسفاجن اكتشفت فى امريكا ولكن النسبة الكبيرة من الـ ٦ مليون عربية كانت فى أوروبا) مش يعتبر إبتزاز برضه ؟؟؟؟؟
    مع خالص تحياتى لحضرتك واتفاقى مع كلام حضرتك ولكن أنا كنت باتكلم فى نقطة تانية

    ابتزاز طبعا وبالثلث.... حد يقدر يتكلم مع أمريكا؟؟؟


    ...

    لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
    مَثَلٌ صينِيّ
    Trust me, I'm an Engineer
    Ahmed Nabil Al-Bora'ie

    أعشق السيارات.. أحب اليابانية، الكورية... ولا أفضل الأوروبية


  5. #25

    الصورة الرمزية borio1704

    رقم العضوية : 105306

    تاريخ التسجيل : 26Jun2011

    المشاركات : 3,844

    النوع : ذكر

    الاقامة : اسكندراني بره مصر

    السيارة: Not Yet

    السيارة[2]: KIA CERATO EX 2014

    الحالة : borio1704 غير متواجد حالياً

    افتراضي -

    اقتباس المشاركة الأصلية كتبت بواسطة mohamed desoky مشاهدة المشاركة
    لقاء العمالقه مهندس احمد ومهندس بوريو اكيد فى معلومات اكتر واكيد تاساكا صاحب الموضوع مبسوط دلوقتى ؟وانا سئلتك ياباشمهندس بوريو مصر فيها كام مليون عربيه لان الموضوع ده عايز اعرفه لانى بشوف فى الشارع العربيات اكتر من الناس احنا 90 مليون عندنا كام مليون سياره وسؤال تانى مش ممكن عربيات الخليج القديمه تتباع فى مصر استعمال الخارج ؟

    بصراحة معنديش فكرة دقيقة عن عدد العربيات... بس ممكن أقول إن العدد حوالي 7-8 مليون... شامل العربيات والتاكسيات والنقل والأوتوبيس.

    في السعودية أعتقد الرقم ممكن يوصل 3 أضعاف مصر..

    بس خلي بالك مصر فيها ناس ممكن تحيي العربية الميتة.. إنما في السعودية.. غالبا العربية بتضرب رصاصة الرحمة قبل أوانها.


    بالنسبة لاستيراد العربيات المستعملة من السعودية... فمصر فيها قانون بيمنع دخول العربيات المستعملة إلا إذا كنت المالك الأول لها... يعني تكون شاريها على الزيرو وتستخدمها بره وبعدين تنزل بيها مصر...

    طبعا.. فيه استثناءات لفئات معينة زي المعاقين مثلا.

    وكمان القانون بيمنع دخول العربيات الزيرو الموديلات القديمة.. يعني لازم تكون موديل السنة.. مش عربيات متخزنة.


    ...

    لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
    مَثَلٌ صينِيّ
    Trust me, I'm an Engineer
    Ahmed Nabil Al-Bora'ie

    أعشق السيارات.. أحب اليابانية، الكورية... ولا أفضل الأوروبية


  6. #26

    الصورة الرمزية Mohamed Desoky

    رقم العضوية : 179850

    تاريخ التسجيل : 25Sep2015

    المشاركات : 1,478

    النوع : ذكر

    الاقامة : الشيخ زايد

    السيارة: شيرى a15

    السيارة[2]: سيينا

    الحالة : Mohamed Desoky غير متواجد حالياً

    افتراضي -

    معلومات جميله ومهمه ربنا يبارك فيكم ؟


  7. #27

    الصورة الرمزية م/أحمد عبد الفتاح

    رقم العضوية : 29225

    تاريخ التسجيل : 05Jan2009

    المشاركات : 1,362

    النوع : ذكر

    الاقامة : الإسكندرية

    السيارة: لايوجد

    السيارة[2]: Jeep KK 2009

    الحالة : م/أحمد عبد الفتاح غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة borio1704 مشاهدة المشاركة

    أتفق معاك بنسبة كبيرة في إن اعتمادية العربيات عموما بقت أقل نسبيا وتكاليف صيانتها بقت أعلى...

    بس تعالى نحلل ليه الكلام ده حصل؟؟؟

    لما تراجع تقارير الاعتمادية العالمية .. وتفاجأ بإن ماركات مشهورة ومعروفة برقيها زي مرسيدس تكون في قعر قائمة السيارات الاعتمادية... ترجع وتشوف مشاكل العربية دي إيه تلاقيها مشاكل في معظمها إلكترونية.

    دي ضريبة المنافسة في السوق.. اللي بتفرض على الشركات دي إنها تحشيها بكمية من التجهيزات الإلكترونية المعقدة اللي ما تقدرش لحد دلوقتي تعتمد عليها أو تثق فيها بنفس الثقة في التجهيزات الميكانيكية.

    أنا بعتقد إن تويوتا ولكزس (اللي واخدين أعلى اعتمادية في العالم) بيشتغلوا بنظرية "خليك في السليم"... على أساس إن التكنولوجيا اللي بيستخدموها بتبقى أثبتت جدارتها فعلا قبل ما ينزلوها في عربياتهم.. فممكن تبان "بعض" عربياتهم متأخرة نسبيا في التكنولوجيا... بس تكنولوجيا للشغل.. مش للتباهي.

    من حوالي 20 سنة كان في نكتة طلعت على حوار بين بيل جيتس رئيس ميكروسوفت ورئيس جنرال موتورز (مش فاكر اسمه)..
    المهم.. إن بيل جيتس كان بيتريق على إن العربيات ما تطورتش خلال ال100 سنة اللي فاتوا بنفس تطور الويندوز وإلا كان زمان العربيات بتطير ...
    رد رئيس جنرال موتورز إن لو كانت العربيات بتشتغل بنفس طريقة الويندوز كان ساعة لما تدوس فرامل العربية تسألك "هل انت متأكد؟؟؟"

    للأسف.. ده تقريبا اللي حصل دلوقتي في العربيات.

    نتيجة التكنولوجيا الجديدة دي إن لما حاجة بتبوظ نادرا لما بتتصلح.. خصوصا لو بوردة كمبيوتر مثلا ولا حساس من اللي بيظبطوا عمل الموتور...


    زمان ما كانش فيه كمية التعقيدات دي... الدنيا كانت ابسط بكتير.


    ...
    بالظبط كده مافيش أى نقاش فى الكلام ده هما بيرضوا منظمات السلامة والبيئة على حساب المستخدم وطبعاً محدش يقدر يقول للبيئة تلت التلاتة كام بس يقدروا يمشوا حالهم معاهم شوية فى صالح المستخدم لأن الموضوع عندهم نسبى وبيتكال بمكيالين فمثلاً عندك إشتراطات البيئة فى كاليفورنيا مشددة أكتر من الـ ٥١ ولاية الامريكانى التانيين واكتر برضه من كل دول العالم والكلام ده اكتشفته بالصدفة وانا كنت فى تكساس ومعايا دودج رام وعلبة البيئة باظت مرة وقلت اشتريها من على الايباى لانها كانت معدية الـ٥٠٠ دولار فى التوكيل ولقيتها فعلا موجودة من ماركة محترمة جداً اسمها مجنافلو ودى اشهر شركة فى انظمة العادم للسيارات وتمنها ١٥٠ دولار او ١٢٠ مش فاكر - المهم طلبتها منهم اونلاين من عالايباى لقيتهم باعتينلى رسالة بيتأكدوا إنى مش مقيم فى كاليفورنيا لأن علبة البيئة بتاعتهم تصلح للعمل فى جميع الولايات وجميع دول العالم عدا ولاية كاليفورنيا !!!!!! فطبعا قلتلهم ابعتوا ياعم ماتقلقوش :) - والـ ٦ مليون عربية بتوع فولكس ماشيين ولا الهوا والدنيا مشت فأكيد طبعاً بتوع البيئة أنبسطوا عالاخر :)
    بس الراجل بتاع جنرال موتورز ده برنس والله :)

    amadios سابقا



 
صفحة 3 من 3 الأولىالأولى 1 2 3

المواضيع المتشابهه

  1. الوضع الافضل للفتيس الاوتوماتيك اثناء الوقوف
    بواسطة تامر راغب في المنتدى هيــونــداى
    مشاركات: 70
    آخر مشاركة: 17-12-2014, 06:00 PM
  2. استفتاء في معدل استهلاك زيت الموتور
    بواسطة amrmaismail في المنتدى المحركات
    مشاركات: 18
    آخر مشاركة: 04-01-2011, 11:28 PM
  3. الماتور بيقطع اثناء الوقوف و السبر ؟؟
    بواسطة mostafadaly في المنتدى دايــو+شيفرولية لانوس
    مشاركات: 6
    آخر مشاركة: 19-09-2010, 10:34 PM
  4. مشاركات: 3
    آخر مشاركة: 25-02-2009, 04:43 AM
  5. اهمية عدم شرب الماء اثناء الوقوف
    بواسطة درش في المنتدى المنتــــــدى الاجتمــاعى
    مشاركات: 8
    آخر مشاركة: 14-06-2007, 02:27 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2