افكاركم للسطح بتاع بيتنا نعمل صاج ولا برجولا ولا ايه ؟

**EgyArmy** · 23-08-2016 02:49 AM

بفكر يبقى سطح بيتنا ده و هو هيبقى الدور الخامس علوي يبقى قعده حلوة كدة و فى نفس الوقت يستحمل عوامل الجو بين صيف نار و شتا بيطير الشبابيك و اطباق الدش و فى نفس الوقت سيمبل عشان ميبقاش عش للطيور و الحشرات

الفكرة الاولى و الارخص
يتعمل صاج بس مشاكله كبيرة يعنى فى الصيف هيبقى جهنم و الدور الى تحته مش بعيد يتسلقوا او نلاقيهم مشويين و لو اتبنى جمبنا ادوار عاليه لو مشبك غسيل وقع هيعمل صوت كأنه انفجار و الشكل العام مش هيبقى اد كدة

الفكرة التانيه و ليها مشاكلها برضه
برجولا فى النص كدة و ليها ممر من اول السلم ليها و دى هيبقى شكلها حلو بس ممكن يبقى الواحد قاعد و يلاقى برص ولا فار قاعد جمبي و فى نفس الوقت مش هتغطى مساحة السطح و الدور الى تحت هيتبهدل احلى بهدله بسبب ان السطح كله مكشوف

و فكرت ياما ازرع قصريات مترين كدة فى متر بس هتلم حشرات بشكل غير طبيعى و يمكن صرف المايا يأثر على الدور الى تحت و تبقى مصيبه

و فكرت نبنى دور كامل من غير عمدان بس هتبقى تكلفه رهيبه و احنا لسه خارجين من بنا و فى مرحلة تشطيبات دلوقتى

انتم ايه رايكم اعمل ايه ؟
و البرجولا ممكن تتكلف كام ؟

**إنسانة** · 23-08-2016 09:08 AM

وتكون مكيفة وافرشها براحتك والشبابيك تتفتح وتتقفل بحسب رغبتك

انا عاملة زيها والارضية شوف نوع ارضيات مناسبة للاجواء عندكم النباتات عايزة عناية كبيرة الافضل تستخدم اضاءه مودرن

**EgyArmy** · 25-08-2016 07:01 AM

المشاركة الأصلية كتبت بواسطة إنسانة

وتكون مكيفة وافرشها براحتك والشبابيك تتفتح وتتقفل بحسب رغبتك

انا عاملة زيها والارضية شوف نوع ارضيات مناسبة للاجواء عندكم النباتات عايزة عناية كبيرة الافضل تستخدم اضاءه مودرن

والله عندك حق اشكال جميله اوى و حتى لو الالموتال ده ممكن يتعمل بى اس صغير مش لازم حاجة غاليه زى الشقق بس ايه نوعيه الخشب الى يستحمل الشتا و الصيف ده و الاسقف دى بتبقى خشب كلها ولا الشكل الخارجى بس

**إنسانة** · 25-08-2016 11:56 AM

افتكر مواد upvc خيارك الامثل مقاومه للعوامل المناخيه وشبه الخشب

وممكن بناء عادي بس الشبابيك والزجاج يمثل 80% من المساحة

مش لازم مساحه كبيره اوده 5*5 او اصغر هتكون ممتعه جدا

بالتوفيق

**فتح الباب** · 25-08-2016 08:13 PM

خشب ويتم تغطيته بفايبر جلاس للحصول على شكل جميل ومقاومة جميع العوامل الجويه . هذا ما يتم فعله على شاطئ البحر الابيض المتوسط . ولا يوجد اصعب من المناخ مثلما البحر