هل هناك علاقة بين الماء النازل من الشكمان وقربة المياه؟؟!

**عبدالله المصري** · 23-08-2016 06:30 PM

نوبيرا بتنقط مياه من الشكمان على طول وفي كل وقت بالليل أو النهار ولله الحمد مفيش نقص في مياة القربة لحد دلوقتي بس انا قلقان جدا وخايف لحسن يكون فيه حاجة في العربية وأنا مش عارف
أرجوا الرد على سؤالي من الإخوة الخبراء علشان نفسيتي تعبت وبقي عند وسواس مراجعة مياة القربة لحظة بعد لحظة مخافة إن المياة اللي نازله من الشكمان على طول ممكن تكون من القربة بسبب خلل في جوان وش السلندر او غير ذلك وبالتالي العربية تقفش ولا يحصلها حاجة فحد يبل ريقي الله يرضى عنكم

**Mohamed Desoky** · 23-08-2016 07:31 PM

المشاركة الأصلية كتبت بواسطة عبدالله المصري

نوبيرا بتنقط مياه من الشكمان على طول وفي كل وقت بالليل أو النهار ولله الحمد مفيش نقص في مياة القربة لحد دلوقتي بس انا قلقان جدا وخايف لحسن يكون فيه حاجة في العربية وأنا مش عارف
أرجوا الرد على سؤالي من الإخوة الخبراء علشان نفسيتي تعبت وبقي عند وسواس مراجعة مياة القربة لحظة بعد لحظة مخافة إن المياة اللي نازله من الشكمان على طول ممكن تكون من القربة بسبب خلل في جوان وش السلندر او غير ذلك وبالتالي العربية تقفش ولا يحصلها حاجة فحد يبل ريقي الله يرضى عنكم

افهم من كلام حضرتك انك الصبح قبل ماتدور العربيه فى مياه نازله من الشكمان بتنقط لوحدها طول الليل ارجو التوضيح ؟

**ahmed.biso13** · 23-08-2016 09:47 PM

دى اعراض جوان وش السلندر
ولو مشيت على كده الزيت يطحن معاك
الحق العربية دلوقتى عشان متعملهاش معاك فى العيد

**عبدالله المصري** · 23-08-2016 10:32 PM

على طول الميه بتنزل من الشكمان يعني: هي وشغالة فقط لما بتكون مبطلة مبتجبش ميه؛ والمياه ديت اللي بتكلم عنها قطرات مش كتير يعني بس بتنزل على طول هي وشغاله ومفيش والحمد لله نقص في مياة القربة

**عبدالله المصري** · 23-08-2016 10:44 PM

المشاركة الأصلية كتبت بواسطة ahmed.biso13

دى اعراض جوان وش السلندر
ولو مشيت على كده الزيت يطحن معاك
الحق العربية دلوقتى عشان متعملهاش معاك فى العيد

بس اللي أعرفه يا أستاذنا أن من أعراض جوان وش السلندر إنه يحصل نقص في مياة القربة أو الراديتير والله أعلم
بس والحمد لله ما عنديش نقص في مياة القربة وبالتالي مفيش نقص في مياة
وبرضو من أجل العلم قبل ظهور هذا الأمر مباشرة كنت حاطط غطا قربة جديد شكله مضروب ومنفس لأنه كان عامل صوت تنفيس والقربة كانت بتعرق شويه حولين الغطا فحصل نقص في القربة على الآخر فرجعت الغطاء القديم ومن ساعتها محصلش نقص في المياه في القربة بس الشكمان مايزال بيجب نقط ميه من ساعتها لما بتكون العربية شغالة

**عبدالله المصري** · 23-08-2016 11:09 PM

اللي بأكد عليه إنه من يومين وإلى الآن بفضل الله مفيش نقص في مياة القربة رغم القطرأت اللي بتنزل من الشكمان طول مالعربية شغاله

**Sherif Mandoor** · 24-08-2016 12:48 AM

ده تعريق شكمان وياكد ان الموتور حالته كويسه جدا مفيش اي قلق طالما مافيش مياه بتنقص
والتعريق حتلاقيه يزيد في الشتاء

**عبدالله المصري** · 24-08-2016 01:49 AM

المشاركة الأصلية كتبت بواسطة sherif mandoor

ده تعريق شكمان وياكد ان الموتور حالته كويسه جدا مفيش اي قلق طالما مافيش مياه بتنقص
والتعريق حتلاقيه يزيد في الشتاء

جزاك الله خيرا على هذه الطمأنة بس كل اللي قلقني هو استمرار نزول قطرات ماء من الشكمان بدون توقف طول مالعربية شغاله سالانسية أو مشي علما بإننا في الصيف؟!
مع التأكيد على عدم نقص المياه في القربة والحمد لله.
فهل فيه فعلا تعريق بالطريقة دي؟؟؟!!

**ramadan272** · 24-08-2016 02:20 AM

المشاركة الأصلية كتبت بواسطة عبدالله المصري

جزاك الله خيرا على هذه الطمأنة بس كل اللي قلقني هو استمرار نزول قطرات ماء من الشكمان بدون توقف طول مالعربية شغاله سالانسية أو مشي علما بإننا في الصيف؟!
مع التأكيد على عدم نقص المياه في القربة والحمد لله.
فهل فيه فعلا تعريق بالطريقة دي؟؟؟!!

انا عندى أيضاً كذلك وسألت كثيراً من الاخوه ومن سائقى التاكسى والميكروباص والميكانيكى أيضا جميعهم اكدوا أنه امر طبيعى

بس انت إزاى عرفت ان الشكمان بينزل مياه والعربية [gdwl]ماشية[/gdwl]!!!!!

**عبدالله المصري** · 24-08-2016 02:52 AM

المشاركة الأصلية كتبت بواسطة ramadan272

انا عندى أيضاً كذلك وسألت كثيراً من الاخوه ومن سائقى التاكسى والميكروباص والميكانيكى أيضا جميعهم اكدوا أنه امر طبيعى

بس انت إزاى عرفت ان الشكمان بينزل مياه والعربية [gdwl]ماشية[/gdwl]!!!!!

أولا جزاك الله خيرا على هذه الإجابة
ثانيا إزاي عرفت إن الشكمان بيجيب ميه والعربية ماشيه هههههههه
[B]لأني أول منزل من العربية بعد أي مشوار بجري مباشرة على الشكمان وطبعا بلاقية عرقان يا ولداه ميه