الموضوع: بخصوص التجنيد , ايه وضع ضغط الدم العالي؟

140-90 مش بيعتبر ضغط عالى
بيسموه طبيعى مرتفع
انا ضغطى دايما كده ومفيش دكتور بيكتبلى علاج غير لما وصل 160-100 ابتديت اخد علاج

المشاركة الأصلية كتبت بواسطة engahmed02345

فعلا انا قريت كلام حضرتك ان الرقم دا بداية مرحلة الضغط العالي يعني حاجة بسيطة بس انا مكتوبلي علاج من سنتين لان ضغطي احيانا بيوصل ل 170 كمان علي حسب الاكل بقة او المجهود او الضغط النفسي مش عارف...بس انا لما اتقاسلي في يوم الكشف 140/90 كنت واخد علاج قبل ما اروح حبايتين..المشكلة اني مترشح ظابط وبيقولو التدريب بيبقي مش هزار يعني وخايف لو لبست يبقي فيه مضاعفات صحية.

انت حاول تسال الاول هل الضغط المرتفع سبب للاعفاء ولا لا
ولو انت مش عاوز تدخل اسال الدكتور بتاعك وهو يقولك ماتخدشى الدوا لمدة يحددهالك
بس اعتقد ان ده مش سبب للاعفاء من الجيش
انا اسمع دايما عن النظر والوزن وحاجات تانيه ماكنشي فيها الضغط
والله اعلم

واحد قريبي ضغطه عالي في الحلميه حجزوه في مستشفي عسكري مش فاكر اسمها يومين و كانوا بيقيسوا الضغط كل شويه عشان يعرفوا الضغط دا عالي مستمر ولا حاجه عرضيه و في الاخر خد اعفي

اسف علي تاخر الرد الكلام دا من سنتين و ماكنش بياخد ادويه عشان لو خد ادويه الضغط حيتظبط هما كانوا بيكشفوا كل شويه عشان يتأكدوا انه مبيخدش حاجه تعلي الضغط

بما ان شغلى كله كان تنظيم و ادارة فعرفت عن من بدايه دخول الناس للجيش لحد خروجهم و من ضمن اسباب الاعفاء الطبي ضغط الدم المرتفع بس فى حاله انه يمنعك من قيامك باداء الخدمة العسكرية مش عايز اقولك اكيد هتطلع و لا اقولك هتدخل بس من وجهة نظرى حالات مرضيه اسوء من كدة بكتير و دخلت و حالات مرضيه اقل من كدة بكتير و خرجت او حتى طلعت معاش طبى بالنسبه للصف و الظباط الموضوع بيبقى بختك يا ابو بخيت و متقلقش من موضوع الوقت يعنى الموضوع من بدايه 2015 خف كتير جدا عن من اول الثورة و على فكرة مفيش حاجه اسمها تخصص يا اما يدخل ظابط يا اما اعفى و الى يأكدلك الموضوع ده لو فيه ظابط او صف معانا فى المنتدى لو خدم فى منطقه تجنيد انا ياما شوفت تخصصات غريبه جدا و دخلت عساكر سواء طب او علوم او هندسه او لغات شرقيه او عبري حتى كله فى المقام الاول و الاخير تجنيد يعنى معمول للعساكر يعنى لو ملقوش فيك امل لظابط هتتاخد عسكرى لو ملقوش فيك امل كعسكرى هتاخد اعفاء و فى الاول و فى الاخر زى ماقولتلك و بكررها تانى الموضوع ده نصيب