مشكله فى العماره الجديده محتاج ارائكم
انا الحمد لله اشتريت شقه من فتره و حاليا بوضبها عشان الجواز دعواتكم معايا المشكله بدات اثناء التوضيب او بمعنى ادق المشاكل
اثناء التوضيب نزلى السباك و قالى فى واحد فى الدور السابع طلع و بيقولى عايزك و بتاع طلعت معاه لقيت حد كبير سنا و بيتكلم بقمه العصبيه بدون داعى ان فى طوب وقع فى المنور و ده هيكسر المواسر و دى مصيبه و مينفعش و هو و انت و حاولت اهديه على قد مقدر و فهمت منه ان المنور ملوش باب عشان كده لازم ينزلو بحبل و ان مشاكل الميه مش عارف ( كل ده محدش يعرف اذا كانت الطوبتين عملو مشكله اصلا ولا لا و الكلام بقاله اكتر من 15 يوم المهم
نزلت اسال على الى ساكن فى الدور التالت و لقيته هو و واحد صاحب محل تحت البيت و قالولى الاتى صاحب الشقه قالى انا عامل حديد مينفعش حد ينزل من عندى ثانيا المنور منشع على طول و هما عالم زباله مش راضين يعملوه و كان فى فلوس للعماره عملو بيها السلم و مرديوش يظبطو المنو و صاحب المحل ( كافيه ) دخلنى عنده و قالى بص ناشع ازاى و عالم زباله و يارب العماره تقع :)
طلعت للى فى السابع قولتله الكلمتين دول قالى هجيبلك نمره الى فى الاول و نشوف و مجابش
المهم من 15 يوم و كل شويه حد يكلمنى فى الحوار الى انا اصلا مش عارفله ناهيه و لا اصلا فاهم و حاسس انهم عايزين يلبسونى اى ماسوره مكسوره و خلاص لان محدش يعرف الطوبه عملت ايه و زى متقالى المنور على طول ناشع ؟
لسه من كم ساعه واحد جديد مكلمنى و بيتكلم بعصبيه مش طبيعيه و يقولى العامل الى انت جايبه فى الشقه كان امبارح بيلعب بالاسانسير انا هجيب ناس و اطلع اقطعو و هعمل فيه و اسوى
و مازلت بحاول اتمالك نفسى و اقول لو سمحت ممكن تتكلم بهدوء و تقولى فى ايه و فى الاخر يخش يقولى و موضوع الماسوره الى اتكسرت و الميه ؟؟ هو انت عرفت منين ؟؟ دى طوبه و قعت و انا مش شايف مواسير مكسوره و الميه حسب الكلام على طول موجوده
انا مشكلتى للاسف انى عصبى و حاسس انى قريب هغلط فى حد و ابدا مشاكل ميعلم بيها الا ربنا مش كل شويه حد يكلمنى بعصبيه فى العماره العجيبه الغير متعاونه دى ؟؟ و مش عارف اتصرف ازاى
مثال اخير كان اخويا معاه شكاير اسمنت و عايز يطلعهم اعترض بتاع الكافيه الى ملوش فى الاسانسير اصلا و يقولو انتو عليكو فلوس الشقه دى مدفعتش فى اتحاد الملاك من مش عارف اد ايه :) و نت مال اهلك
المهم ان موضوع فلوس اتحاد الملاك تم السؤال عنه قبل دفع تمن الشقه الى كان ماسك العماره ساعتها و اتقالى لا مفيش حاجه و قولت كده للى ماسكها دلوقتى قالى معلش مكنش يعرف قولتله و انا خلاص اديت الراجل فلوسه
زى منتو شايفين كده حوارات و مشاكل و عصبيه و اسلوب مضايقتى جدا و حاسس انى هبتديها غلط عشان معش فى عذاب ايه رايكم
و كمان ضغط فتره الجواز ده مخلينى مش قادر استحمل اصلا مسؤليات و التزامات و مشاكل كتير
ياريت اى حد يشوف الموضوع يرد محتاج اراء ناس كتير و عاقله لانى للاسف معنديش اصدقاء كتير