انا استلمتها من اسبوعين بس لسه ما رخصتش ... الفئة الرابعة هاي لاين وكيل
الحقيقة انا كنت محتار بنها و بين تويوتا كورولا الفئة التانية ... و فكرت ازود و اجيب مازدا 3 هاي لاين بس ما عجبنيش الجير 4 سرعات و صوت المحرك عالي عشان كتينة جنزير و مقفولة علي 175 كيلو ... بس رست علي الالينترا و الحمد لله
عملت بيها مشوار 160 كيلو بين 6 اكتوبر و المنصورة ... ما شاء الله العربيه خفيفوها كتير بالمحرك مع الكيكنج بيخلي العربية تطير ... التريم جو و التابلوه هادي و منظم تحس انك راكب الماني و خاماته معقوله اوي ... شكلها بره من قدام فورد فيوجن و من ورا مازدا 3 ... واسعه جدا من جوه خاصه الكورسي الخلفي عن الكورولا و المازدا 3 ... العربيه ادائها في التسارع رائع الامانه ... لكن الحقيقة ادائها في المنحنيات وحش جدا في رأي ... حسيت انها يتعوم مني علي منحنيات المحور ما بين 80 ل 100 كم ... دا اوفر فيو سريع عن العربية
كنت دخلت شوفت الريتنج بتاعها في كندا و امريكا ... في فئتها بتيجي بعد الهوندا سيفيك طيعا و قبل التويوتا كورولا
المفضلات