السلام عليكم ورحمة الله وبركاته
من فضلكم عايز اعرف اغير الكاوتشات امتي ؟
على كام كيلو ؟ او على كام سنة ؟
وهل لو هشتري كاوتشين اتنين الافضل احطهم قدام ؟
مع العلم ان العربية دفع امامي
عرض للطباعة
السلام عليكم ورحمة الله وبركاته
من فضلكم عايز اعرف اغير الكاوتشات امتي ؟
على كام كيلو ؟ او على كام سنة ؟
وهل لو هشتري كاوتشين اتنين الافضل احطهم قدام ؟
مع العلم ان العربية دفع امامي
كل الكاوتش اللى فى السوق اخره 40 او 50 الف كيلو والصلاحيه من تاريخ انتاجه 5 سنين ده لو عاش لان شوارعنا الجميله لايمكن الكاوتش يعيش فيها وبلاش الكاوتش الغالى لان كله بيبوظ مش هتفرق كتير ؟
انصحك تقرا الموضوع ده، مفيد
http://www.nilemotors.net/Nile/490040-a.html
بالتوفيق
هو قدام بيفضلوا الجديد لسبب واحد
لو حصل أنهم لا قدر الله اتعرضوا لانفجار السيارة بتحدف جامد ناحية الإطار المنفجر على عكس الخلفي
لكن مفيش فرق كبير بين أن يكون الجديد قدام أو ورا
الأفضل تغير أرببع عجلات مع بعض
أو لو هتغير اتنين بس حطهم قدام و رجع التانين ورا
انا كمان غيرت فردتين امامى هانكوك فى شهر3 ؟2015 وخربه بدرى يدوب 17 الف كيلو والاصلى اللى نازل فى العربيه كومهو صينى والله العظيم شغال 6 سنين كويس والهانكوك يخرب بسرعه مع ان كل طريقى سفر بدون مطبات انا مستغرب تقريبا كل الاسماء الكبيره فى الكاوتش بتخيب او بيتغش زى كل حاجه فى بلدنا غش فى غش ؟
خمس سنين ده بالنسبة للكاوتش الجديد من تاريخ الصنع طب بالنسبة لو كاوتش استعمال خارج يبقي يتغير بعد اد ايه
لو كاوتش مستعمل ما تركبيهوش... حتى لو ادولك عليه فلوس.
عن تجربة ... والتجربة أنا ذاكرها في الموضوع ده
http://www.nilemotors.net/nile/490040-a.html
...
مش غش ولا حاجة...
وانت بتشتري الكاوتش.. فيه رقم صغير كده ابقى بص عليه...
حاجة اسمها Treadwear.. يعني تآكل المداس...
وده مؤشر بيبقى عبارة عن رقم.. كل ما زاد.. كل ما نقشة الكاوتش عمرها يبقى أطول..
بس ده طبعا بييجي على حساب الثبات شوية... لإن الكاوتش الطري بيمسك أحسن في الأسفلت.
http://www.tire-information-world.co...g-21319934.jpghttp://cdn-img1.pneus-online.com/ass...-utqg/utqg.jpghttp://s7.sears.com/is/image/Sears/t...$cq_width_350$
مشكلة الرقم ده إنه نسبي حسب كل شركة... لإنه بيعبر عن عمر نقشة الكاوتش بالنسبة لأطرى كاوتشة بتصنعها الشركة نفسها..
فلو قلنا مثلا إن أطرى كاوتشة في الشركة بتمشي 15 آلف كيلو قبل ما تتمسح... الفردة دي بتاخد رقم 100 في الشركة..
فالفردة اللي مكتوب عليها 200 هتعيش ضعف المسافة دي (200%) ... يعني 30 ألف كيلومتر.
كاوتشة زي دي مثلا مش هتعيش معاك أبدا..
http://www.maseratiforum.co.uk/upfil...0B880D7389.jpg
وكاوتشة زي دي هتعمر معاك
http://images.rezulteo-itarat.com/ne...nib-itar_a.jpg
من الآخر... لو اشتريت ماركة كوري أو صيني.. اتأكد إن الرقم د ما يقلش عن 400
...