انا مقبم في سلطنة عمان وعايز مقارنة بين سوزوكي فيتارا 1600 وهيونداي كريتا 1600 وكيا سبورتاح 1600 ياريت حد يفيدني هل حد يشجعني اشتري الفيتارا رجاء المشاركة
عرض للطباعة
انا مقبم في سلطنة عمان وعايز مقارنة بين سوزوكي فيتارا 1600 وهيونداي كريتا 1600 وكيا سبورتاح 1600 ياريت حد يفيدني هل حد يشجعني اشتري الفيتارا رجاء المشاركة
ما تبصش للعربيات إنها 1600 وبس.. العربيات اللي حضرتك بتقارن بينها فيها اختلافات تخليك ممكن تستبعد واحدة أو اتنين لما تعرف الفرق..
خد بالك إن فيه فرق في الأحجام بين العربيات الـSUV... وده بيفرق في الأسعار والإمكانيات لإن الأحجام المختلفة معناها فئات مختلفة.
الهيونداي كريتا والسوزوكي فيتارا من فئة السيارات الـSUV الصغيرة
واللي زيها في السوق قليلين شوية.. زي المازدا CX-3 والفورد إيكوسبورت (الإيكوسبوت ممكن تعتبرها أصغر كمان)
ودول حتلاقي مساحة التخزين اللي فيها أقل طبعا.. وحجمها الإجمالي من بره أصغر
الكيا سبورتاج والسوزوكي جراندفيتارا من فئة الـSUV تحت المتوسطة..
ودي هتلاقي فيها عربيات تانية كمان زي هيونداي توسان والتويوتا RAV-4 ومازدا CX-5 مثلا.
حاول تحدد حضرتك محتاج إيه من العربية الأول.. وبعدين نشوف مع بعض..
وأنصحك تقرا الموضوع ده كمان..
http://www.nilemotors.net/Nile/329150-a.html
...
انا حددت هذه السيارات على اساس ان هذه السيارات المتاحة في سلطنة عمان suv و1600cc علشان الجمارك لازم تكون اقل من 1600 cc وسمعت ان فيات منزلة سيارة suv 1600 cc وفيه نيسان جوك برضه هي دي للاختيارات المتاحة بغض النظر عن السعر ارجو الافادة
ماهو علشان كده بقول لحضرتك لازم تحدد أولوياتك.. لإن كل عربية ليها مميزات وعيوب.. ولا يمكن تلاقي عربية فيها كل المميزات.
المهم..
بالنسبة للفيات... فالمؤكد إنك ما تحاولش تفكر في أي عربية فيات إطلاقا... لإنها صفقة خسرانة بكل المقاييس... غالية - أعطالها كتير (أكتر عربيات معروفة بأعطالها في العالم) - قطع غيارها في مصر مش موجودة بسهولة.
نيسان جوك بردو مش مناسبة.. صغيرة جدا خصوصا في مساحة التخزين الخلفية(ما تنفعش عية رايحة تصيف).. فيها مشاكل في الفتيس الـCVT بتاعها.. وتكلفة تغييره غالية.
الهيونداي كريتا يبدو إن فيها مشاكل في مصر.. بصراحة أنا معرفش التفاصيل لإني مش عايش في مصر حاليا..
العربية من جوه بسيطة نسبيا.. لإنها من فئة صغيرة أصلا.
http://www.autonewshq.com/wp-content...5-Interior.jpg
بالنسبة لسوزوكي عموما.. فالسوزوكي من أفضل الماركات الاقتصادية في العالم... سعرها كويس جدا ومعمرة وموفرة في البنزين...
وسوزوكي فيتارا طول عمره عربية دمها خفيف وسمعتها حلوة وما حدش اشتكى منها.
http://www.vitaratt.com/wp-content/u...terior-107.jpg
بس مشكلتها إنها صغيرة بالذات من جوه (طول قاعدة العجلات 2.5 متر)... مقابل 2.59 متر للهيونداي كريتا (9 سم أكتر)... وده بيفرق جامد من جوه.
بالنسبة لكيا سبورتاج...
كيا سبورتاج الجديدة فيها نقلة كبيرة جدا عن الشكل اللي فات (مع إن العربيتين واحد من ناحية الهيكل).. بس الحقيقة العربية تقدر تعتبرها منافسة مع عربيات أعلى منها .. وده يمكن اللي خلى أسعارها غالية نسبيا... بالإضافة لإنها أكبر.
العربية من جوه بصراحة حاجة مبهرة
http://www.kia.com/content/dam/kwcms...erior-01-w.jpg
قاعدة العجلات في السبورتاج 2.67 متر...
بالنسبالي.. لو السعر والمساحة مش فارقة... يبقى أروح على الأكبر بكل تأكيد... سبورتاج
...
الفيتارا المتوفرة رقم 1 ياباني تجميع في المجر حاصلة على شهادة الأمان الاوربية فيها فتحة بانوراما سقف ودفع رباعي و متوفرة 2 لون احمر مع سقف أسود مثلا ويوجد بها بصمة وسعرها اعلى 1000 دولار تقريبا عن السبورتاج رقم 2 المتوفرة في عمان
السبورتاج المتوفرة رقم 2 كوري تجميع سلوفاكيا واسعة واكبر واقل في السعر والجمارك طبعا
الاختيار الان على اساس الماركة والثبات وقيمتها وشكلها بعد سنتين ان شاء الله لما اجي اجمركها ونزلها مصر واشكرك على سرعة ردك واهتمامك
اتوكل علي الله، سبورتاج
بالتوفيق في اختيارك
ما تحطش موضوع الثيات في دماغك في أي عربية SUV... العربيات دي مش معمولة علشان كده.
بالعكس... الـSUV عموما فيها Body Roll عالي أعلى من أي عربية سيدان في نفس فئتها.
بالنسبة للماركة... كيا حاليا سمعتها أعلى من زمان كتير جدا... وتقدر تقارنها بماركات ياباني كتير.
رأيي حضرتك تروح تشوف العربيات بنفسك على الطبيعة.. وساعتها هتشوف حاجات مش بتبان بالصور ولا الكلام هنا.
...
استاذ elhawari انا مقيم فى الامارات و كنت فى نفس حيرتك فى اختيار سيارة محترمة لمصر من المتوفرين هنا و عندنا الفيتارا ارخص من السبورتاج الهاى لاين - يعنى الفيتار بتنزل فئة واحدة التى تحتوى على بانوراما و دفع رباعى و سعرها تقريبا 73 الف درهم - لكن طبعا الدفع الرباعى على موتور 1.6 ليس له اى قيمة و اعتبر انك لو استخدمته بتقضى على الموتور - المهم - كان امامى الهيونداى كريتا عاملة 50 الف درهم و لكن طبعا سيارة لا تمت للكيا بصلة و تشعر انك راكب سيارة تاتا الهندى - التقفيل الهندى واضع بصمته بوقه فى هذه السيارة - عشان كده استبعدتها - و كانت المقارنة بين الفيتارا و بين السبورتاج - طبعا الكلام ده كان من سنتين - يعنى فى الشكل القديم للكيا سبورتاج - الا ان ظهر الوحش - كيا سبورتاج 2016 ثم 2017 - الشكل الجديد و ابعاد جديدة و تكنولوجيا رهيبة و بصراحة تفوقت على الفيتارا - بالرغم من ان الفيتارا سيارة جميلة و قوية و عملية و كل حاجة لكن السبورتاج 2017 عملت زلزال فى تطور صناعة كيا بإمكانياتها الرائعة فى كذا حاجة - و فعلا زى ما استاذ borio1704 قال بالضبط - نقلة تانية خالص و خارج المنافسة و فعلا زى ما قال لك روح شوف السيارة على الواقع فى التوكيل هتعرف ليه - المهم - وصلت السبورتاج 2017 هنا 1.6 بفئتين - الاولى بدون بانوراما - و الثانية اللى فيها بانوراما و اللى بيسموها فى مصر هاى لاين - و سعرها 75 الف درهم - الدرهم بيعمل 3 جنيه - طبعا لفتت كل الانظار و التوكيل مش عارف يلاحق على طلبات الشراء و اصبحت بالمواعيد و تاخد دور و تنتظر دورك بعد كام شهر لما الطلبية تتبعت و المستورد يجيب الشحنات - السيارة جمركها فى مصر حاليا البانوراما 140 الف جنيه - سعرها فى مصر حاليا الهاى لاين ب 385 الف جنيه على موقع كونتاكت للسيارات - يعنى سعر السيارة بعد تحويل الثمن للجنيه المصرى بالاضافة للجمرك يعتبر تقريبا نفس السعر فى مصر - لكن طبعا لو استخدمت السيارة سنتين زى ما بتقول هينزل سعر الجمرك 15% - يعنى ممكن يوصل الجمرك من 100 الى 110 الف جنيه بعد هذه المدة - الخلاصة - حتى لو متوفرة عندك السيارة كيا سبورتاج الفئة التانية فقط - و التى بدون بانوراما - دى سعرها فى مصر حاليا 355 الف جنيه - جمركها فى مصر 100 الف جنيه - شوف ثمنها كام عندك و احسبها و لو حتى بنفس الثمن بعد الجمرك و مش اقل حتى من مصر - برضوا اتوكل على الله و اشتريها - عربية محترمة فى مصر و توكيلها محترم و كمان الشكل الجديد ايامه جاية لسه فى مصر لما الناس تعرف امكانيات العربية و التكنولوجيا اد ايه فيها
شكرا على الافادة الجميلة