اول 1000 كيلو اثناء التليين

السلام عليكم ورحمة اللة وبركاتة

يا اهل المنتدى الكرام كنت عايز اخد رأيكوا فى حاجة
انا انشاء اللة حستلم لانوس قريب
وعايز اسأل بالنسبة لفترة التليين اول 1000 كيلو المفروض اليين العربية فين وامتى هل بالليل احسن من النهار طيب هل الطرق المفتوحة احسن ولا ممكن امشى فى وس البلد
وفى حاجة مهمة جدا انا بعد لما استلم انشاء اللة طالع مصيف طيب اسافر بالعربية ولا خطر اول 1000 كيلو اسافر بيها مع ملاحظة انى لو سافرت بيها مش حزود عن 80

يا جماعة لوسمحتوا انقذونى
وانا واثق جدا من رأيكوا اللى حاخدوا واطبقوا بدون اى تفكير

وشكرا

اقتباس:

---

اليين العربية فين وامتى

---

هي احسن الطرق للتلين هي طرق السفر في اي وقت مش مشكلة العربية مش هيجلها ضربة شمس :)

سافر بيها بس حاول بقدر الامكان انك متمشيش على سرعة ثابتة ومتمشيش على RPM عالي، ولو ماشي بيها في وسط البلد استعمل الفتيس كتير.


ومبروك على العربية :)

اولا الف مبروك على العربية اما بالنسبة لموضوع التللين فانا اول ماجبت عربيتى كل الناس نصحونى اني مزودش عن 90 كيلو و كمان مشغلش التكييف اما بالنسبة للسفر فبيكون أحسن
للعربية لان الحرق بيبقى منتظم و دة بيريح الموتور و كمان بتخلص ال 1000 كيلو بسرعة بس بشرط الألتزام بسرعة ال90 كيلو

انا لينت علي طريق شرم الشيخ بس الموضوع كان صعب جدا

يستحسن انك تسافر يا اما الصبح يا اما فتره المغربيه علشان الجو بيبقي حر و ما تتعبش العربيه معاك .
خلي بالك من الميه بتاعها و لما توصل ابقي اكشف علي المياه.
يستحسن انك ما تحملهاش شنط و افراد كتير و خلي بالك انها واطيه شويه ف بقدر الامكان كن حذرا و انت علي المطبات خصوصا لو في اتنين او تلاته راكبين ورا.
سافر بيها عادي جدا بس زي ما الاخوه قالو ما تزودش عن ال 90 او 80 كمان و علي الخامس مش الرابع.
ما تحرقش في النقلات و يدوب ال rbm يوصل عند 2 انقل ما تزدش علي الاقل اول 1000 كيلو.
طبعا ما تشغلش التكييف غير لما تستلم العربيه باذن الله علشان توفه شغال ولا لاء؟؟ و بعد ال 1000 كيلو شغله عادي.
و ربنا يباركلك فيها و يملهالك بركه :)

اقتباس:

---

المشاركة الأصلية كتبت بواسطة hazem_khidr

يستحسن انك تسافر يا اما الصبح يا اما فتره المغربيه علشان الجو بيبقي حر و ما تتعبش العربيه معاك .
خلي بالك من الميه بتاعها و لما توصل ابقي اكشف علي المياه.
يستحسن انك ما تحملهاش شنط و افراد كتير و خلي بالك انها واطيه شويه ف بقدر الامكان كن حذرا و انت علي المطبات خصوصا لو في اتنين او تلاته راكبين ورا.
سافر بيها عادي جدا بس زي ما الاخوه قالو ما تزودش عن ال 90 او 80 كمان و علي الخامس مش الرابع.
ما تحرقش في النقلات و يدوب ال rbm يوصل عند 2 انقل ما تزدش علي الاقل اول 1000 كيلو.
طبعا ما تشغلش التكييف غير لما تستلم العربيه باذن الله علشان توفه شغال ولا لاء؟؟ و بعد ال 1000 كيلو شغله عادي.
و ربنا يباركلك فيها و يملهالك بركه :)

---

موضوع التليين دة اتقتل بحث و كل الناس بتقول السواقة الخفيفة افضل بس انا شفت موضوعات على النت بتقول عكس كدة

MMamdouh

اقتباس:

---

موضوع التليين دة اتقتل بحث و كل الناس بتقول السواقة الخفيفة افضل بس انا شفت موضوعات على النت بتقول عكس كدة

---

فعلاً انا قريت برضة بيقولوا احرق غيارات وعلى الـRPM تاخد اداء افضل بعد كدة، يس انا مش قادر اقتنع بالكلام دة، ولو معايا عربية بلينها مش هتهون عليا.

انا قلت كدة بردة بس لما قريت الموضوع فهمت ايه الحكمة... كمان لما قريت تعليمات التليين على طقم شمبر امريكى اتاكدت ان الكلام دة صح

MMamdouh

الموضوع إتفتح قبل كده وإليك الروابط:
http://www.nilemotors.net/Forum/view...CA%E1%ED%ED%E4

http://www.nilemotors.net/Forum/view...CA%E1%ED%ED%E4

انتوا حيرتونى زيادة يا جماعة اعمل ايييييييييييييييييييية اليين على اية
يا باشمهندس ممدوح لازم يكون لك قرار ليا فى الموضوع دة اليين زى مالشباب قال ولا زى ما انت قولت مع العلم ان الشمبر الامريكى غير الكورى طبعا فى القدرة على الاستحمال
وانا بأمانة عايز العربية تكون قوية انا تعبت من 128 والموتور التعبان دة مع احترامى لكل من يملك هذة السيارة اللى فعلا وانا بابيعها دموعى لم تقدر على الثبات وكنت ساعتها حضرب الراجل وهو ماشى بيها عندما كنت انظر اليها اخر نظرة

ما علينا
يا جماعة ارجوكم التوحيد فى الكلام علشان انا احترت انتوا بتقولوا حاجة ومشرف الدايو بيقول حاجة تانية - اعمل ايييييييييييييييية

انا مقدرش اقولك اعمل كذا او متعملش كذا... انا و كل الزملاء بندى نصائح فقط و القرار النهائى بيرجعلك انت

الشمبر الامريكانى او الكورى او حتى المصرى مش هو الفيصل... فى النهاية دى قوانين فزياء و ميكانيكا بتمشى على كل المواتير اى كان صناعتها

MMamdouh

تليين العربيه مش ال 1000 كيلو الاولي بس .
لعلمك الموتور علشان تاخد من احسن اداء مش بيبقي قبل ال 10000 كيلو الاولي.
بس اول الف كيلو لازم يبقي المشي هادي و بعدين تزود شويه بشويه بعد كده برضه ما تزودش مره واحده.

جزاك الله خيراً