مشكلتي الغريبة فى فيات بونتو 2001 محتاج لمساعتكم

مساء الخير .. أملك عربية فيات بونتو 2001 العربية فجأة وقفت مني وماكنتش عايزة تدور .. كانت بتدي مارش فقط. ...وديتها لميانيكي لقا سير الكاتينة دايب تماما فغيره وغير طرمية المية لانها ماكنتش بتاعتها وغير رشاشات البنزيت بإستيراد وظبط حاجات فى كهربة الماتور العربية قامت واشتغلت.

وغيرت بعديها طرمبة الزيت بالمرة عشان لمبة الزيت فيها كانت بتنور علبي السلانسيه والراجل بص على السبيكة وقالي انه شال بوش منها... وغير طرمبة الزيت ومشكلة لمبة الزيد الحمد لله راحت ..

المشكلة ان كل مامشي بالعربيه حوالي نص ساعه وأجي ابطل العربية أو تقف مني ماترضاش تدور وتفضل تقطع مارش كأن البطارية نايمة.... وتدور تاني لما الماتور يبرد بعد ماسيبها نص ساعه !! بقالي 3 ايام فى نفس القصة ومش عارف حلها ؟ ولا الميكانيي واضح انه مش عارف حل ليها ... انا حقيقي فى احتياج ليكم ده ممكن يكون عيب ايه؟ أو فيه ايه عايز يتغير فيها ؟

من فضل السادة المهندسين الخبراء تقديم المساعدة ..حيث انني فى حاجه شديدة إليكم .

طيب و البطارية في الحاجات التانية شغالة؟ نور كاسيت
غالبا المارش يا غما قافش يا اما بيشيع
حاول تشيك عالمارش عند حد متخصص

بص ياباشا في عندك صابر الميكانيكي في مدينه نصر ده شغال في التوكيل وهو الوحيد تقريبا اللي هايحل لك المشكله دي غير كده ماتضيعش وقتك

اللي إنت بتقوله ده محتاج يكون حد قدام العربية , بس تلات حاجات يخشوا فـاللي إنت بتقول عليه ده ياما البطارية فيها حاجة أو المارش أو البوابة , موضوع البوابه ده هيبان لو الموضوع ده بيروح لو دست على البنزين وإنت بدور فـجرب وقولي

شوف يا باشا اذا العربيه بتبطل منك لما تسخن ومبتدرش الا لما تبرد وتقريبا بتبطل بانتظام يعني بعد نص ساعه من السواقه يبقي تشيك علي كرانك سينسور اكيد العطل منه بنسبة 90 بالميه

شوف البطاريه، ممكن تعمل كده في اواخر ايامها

اقتباس:

---

المشاركة الأصلية كتبت بواسطة sherif_mahalla

طيب و البطارية في الحاجات التانية شغالة؟ نور كاسيت
غالبا المارش يا غما قافش يا اما بيشيع
حاول تشيك عالمارش عند حد متخصص

---

البطارية شغالة كويس الحقيقية .. ربما المشكلة فى المارش لاني كنت بطول ايدي عليه لحد ما العربية تدور ؟؟

اقتباس:

---

المشاركة الأصلية كتبت بواسطة gebreel

شوف البطاريه، ممكن تعمل كده في اواخر ايامها

---

إزاي والعربية ماشية كويس بيها والإيضائات كلها شغالة ... والمشكلة ديه بتحصل بس لما امشي بالعربية قيمة نص ساعه او ساعه كده ... وابطل وادور المارش يفضل يرعش كأنه شرقان وماتقومش الا بعد نص ساعه لما تبرد

صابر ده حد مش تمام .. وكل المشكلة اللى انا فيها بسببه ...
روجت عملت عنده وش سلندر واكتشفت بلاوي بعد كده بسبب انه حطلي سير كاتينة بايظ ومهري والماتور كان هايجيب شورط بلوك مني .. بحذر من الراجل ده مش أمين خالص

تقصد حساس كرانك صح ؟؟

الحقيقة جربت أدوس على البنزين وانا بدور ... ماحصلش حاجه وفضلت مشكلة شرقان المارش

اقتباس:

---

المشاركة الأصلية كتبت بواسطة megodahab

شوف يا باشا اذا العربيه بتبطل منك لما تسخن ومبتدرش الا لما تبرد وتقريبا بتبطل بانتظام يعني بعد نص ساعه من السواقه يبقي تشيك علي كرانك سينسور اكيد العطل منه بنسبة 90 بالميه

---

تقصد حساس الكرنك صح ؟؟

اقتباس:

---

المشاركة الأصلية كتبت بواسطة esam_comm

بص ياباشا في عندك صابر الميكانيكي في مدينه نصر ده شغال في التوكيل وهو الوحيد تقريبا اللي هايحل لك المشكله دي غير كده ماتضيعش وقتك

---

صابر ده حد مش تمام .. وكل المشكلة اللى انا فيها بسببه ...
روجت عملت عنده وش سلندر واكتشفت بلاوي بعد كده بسبب انه حطلي سير كاتينة بايظ ومهري والماتور كان هايجيب شورط بلوك مني .. بحذر من الراجل ده مش أمين خالص وغالي جداا على الفاضي

اكشف على علبة البيئة (الفحمه) اللى متوصله بشكمان

انا رأيي تبص على حساس الكرنك ،،، وكان في اختبار انه لما يسخن و تيجي تبطل العربية و تدورها ميدورش تقريبا بتدلق عليه مياه عشان يبرد وتجرب تدور لو دارت يبقى حساس الكرنك بيهيس لما يسخن وده ميبانش لو كشفت كمبيوتر. استشير ميكانيكي قبل ما تعمل حاجة