مشكلتي الغريبة فى فيات بونتو 2001 محتاج لمساعتكم

**samehhakim** · 28-08-2016 12:03 AM

مساء الخير .. أملك عربية فيات بونتو 2001 العربية فجأة وقفت مني وماكنتش عايزة تدور .. كانت بتدي مارش فقط. ...وديتها لميانيكي لقا سير الكاتينة دايب تماما فغيره وغير طرمية المية لانها ماكنتش بتاعتها وغير رشاشات البنزيت بإستيراد وظبط حاجات فى كهربة الماتور العربية قامت واشتغلت.

وغيرت بعديها طرمبة الزيت بالمرة عشان لمبة الزيت فيها كانت بتنور علبي السلانسيه والراجل بص على السبيكة وقالي انه شال بوش منها... وغير طرمبة الزيت ومشكلة لمبة الزيد الحمد لله راحت ..

المشكلة ان كل مامشي بالعربيه حوالي نص ساعه وأجي ابطل العربية أو تقف مني ماترضاش تدور وتفضل تقطع مارش كأن البطارية نايمة.... وتدور تاني لما الماتور يبرد بعد ماسيبها نص ساعه !! بقالي 3 ايام فى نفس القصة ومش عارف حلها ؟ ولا الميكانيي واضح انه مش عارف حل ليها ... انا حقيقي فى احتياج ليكم ده ممكن يكون عيب ايه؟ أو فيه ايه عايز يتغير فيها ؟

**samehhakim** · 28-08-2016 02:24 PM

من فضل السادة المهندسين الخبراء تقديم المساعدة ..حيث انني فى حاجه شديدة إليكم .

**sherif_mahalla** · 28-08-2016 03:18 PM

طيب و البطارية في الحاجات التانية شغالة؟ نور كاسيت
غالبا المارش يا غما قافش يا اما بيشيع
حاول تشيك عالمارش عند حد متخصص

**samehhakim** · 29-08-2016 01:59 PM

المشاركة الأصلية كتبت بواسطة sherif_mahalla

طيب و البطارية في الحاجات التانية شغالة؟ نور كاسيت
غالبا المارش يا غما قافش يا اما بيشيع
حاول تشيك عالمارش عند حد متخصص

البطارية شغالة كويس الحقيقية .. ربما المشكلة فى المارش لاني كنت بطول ايدي عليه لحد ما العربية تدور ؟؟

**esam_comm** · 28-08-2016 05:43 PM

بص ياباشا في عندك صابر الميكانيكي في مدينه نصر ده شغال في التوكيل وهو الوحيد تقريبا اللي هايحل لك المشكله دي غير كده ماتضيعش وقتك

**samehhakim** · 29-08-2016 02:05 PM

صابر ده حد مش تمام .. وكل المشكلة اللى انا فيها بسببه ...
روجت عملت عنده وش سلندر واكتشفت بلاوي بعد كده بسبب انه حطلي سير كاتينة بايظ ومهري والماتور كان هايجيب شورط بلوك مني .. بحذر من الراجل ده مش أمين خالص

**samehhakim** · 29-08-2016 02:11 PM

المشاركة الأصلية كتبت بواسطة esam_comm

بص ياباشا في عندك صابر الميكانيكي في مدينه نصر ده شغال في التوكيل وهو الوحيد تقريبا اللي هايحل لك المشكله دي غير كده ماتضيعش وقتك

صابر ده حد مش تمام .. وكل المشكلة اللى انا فيها بسببه ...
روجت عملت عنده وش سلندر واكتشفت بلاوي بعد كده بسبب انه حطلي سير كاتينة بايظ ومهري والماتور كان هايجيب شورط بلوك مني .. بحذر من الراجل ده مش أمين خالص وغالي جداا على الفاضي

**fouady** · 28-08-2016 05:56 PM

اللي إنت بتقوله ده محتاج يكون حد قدام العربية , بس تلات حاجات يخشوا فـاللي إنت بتقول عليه ده ياما البطارية فيها حاجة أو المارش أو البوابة , موضوع البوابه ده هيبان لو الموضوع ده بيروح لو دست على البنزين وإنت بدور فـجرب وقولي

**samehhakim** · 29-08-2016 02:08 PM

الحقيقة جربت أدوس على البنزين وانا بدور ... ماحصلش حاجه وفضلت مشكلة شرقان المارش

**megodahab** · 29-08-2016 04:56 AM

شوف يا باشا اذا العربيه بتبطل منك لما تسخن ومبتدرش الا لما تبرد وتقريبا بتبطل بانتظام يعني بعد نص ساعه من السواقه يبقي تشيك علي كرانك سينسور اكيد العطل منه بنسبة 90 بالميه