لو معي توكيل بقيادة السيارة يكون عليا مسؤولية قانونية لو المالك عمل بيها مخالفة قانون
سلام عليكم يا جماعة عندي استفسار واستشارة منكم بعد اذنكم.
أخويا ليه فلوس عند جار ليه والجار ده بيقول ان مش معاه فلوس وبيماطله من زمان ووصلوا ف الاخر ان الراجل ده عرض عليه انه يديله عربيته لمدة سنتين بدل الفلوس لان مش معاه فلوس يدفع حالياً المبلغ، قاله هعملك توكيل قيادة لمدة سنتين واعتبر انك اجرت عربية لسنتين بالفلوس بتاعتك .... اخويا محتاج عربية فعلاً وعرض السنتين ده كويس قوي بالنسبة للمبلغ اللي علي الجار هوا 18 الف بالمناسبة والعربية فيرنا اوتو كاملة 2015 لعند هنا وكله تمام.
نيجي بقي للمشكلة، المشكلة ان صاحب العربية شرطه لما يحتاج العربية ياخدها بحيث انها متزدش عن يومين او تلاته ف الشهر يجيب بيها بضاعة للمحل بتاعه بس مش اكتر هوا ده شرطه الوحيد .. المشكلة بقي اني بقلق من الراجل ده بحسه مش مظبوط كده او بيتاجر ف حاجة ممنوعة ف خايف يكون هياخدها اليومين دول يعمل حاجة مش مظبوطة بيها.. اتكلمت مع اخويا وقولتله وجهة نظري، قالي انه فعلا بيشك فيه هوا كمان، بس الراجل بقاله كتير ف الشارع عمرنا ما شوفنا ليه مشكلة ويمكن احنا ظالمينه وقالي انه محتاج العربية لانه اتخرج من طب والتكليف بتاعه جيه ف بلد جمبنا ب 40 كيلو ف العربية دي جاتله من السما... وان العرض ده ممتاز جداً... فكرت ان يعمل عقد ايجار ومحضر تسليم واستلام كل ما الراجل ياخدها ويرجها بس هوا قالي مش هتبقي لطيفة، يعني الراجل عاملي توكيل بعربيته ومديني اوفر محصلش وانا كل ما يجي ياخد عربيته ولا يرجها امضيه علي وصل بكده! هيبقي شكلها وحش قوي.. ف انا مش عارف اعمل ايه ولا ايه التصرف.. هل لو عمل لاخويا توكيل بالقيادة فقط وجيه خد العربية اليومين اللي اتفق عليهم دول واتنيل عمل بيها حاجة مش تمام وغير قانونية.. هل كده يبقي علي اخويا مسؤلية قانونية ولا حاجة... ولو في حل تاني يمكن اخويا من سواقة العربية بس من غير مساءلة قانونية يبقي ايه هوا... وشكراً ليكم واسف اني طولت.
