السلام عليكم
انا مش عارف ايه هى الموديلات المختلفه من نيسان صنى 2017 و اسعارها . لانى بلاقى كذا اسم زى سوبر صالون و اكس صالون و مش عارف الفرق بينهم
شكرا جزيلا
عرض للطباعة
السلام عليكم
انا مش عارف ايه هى الموديلات المختلفه من نيسان صنى 2017 و اسعارها . لانى بلاقى كذا اسم زى سوبر صالون و اكس صالون و مش عارف الفرق بينهم
شكرا جزيلا
كلم خدمه العملاء على 16244
هيوصفولك الفروق وهيدوك اسعار التوكيل (استلام خلال 3 شهور على الاقل)
اعتقد فى 3 فئات
ال EX فى منها اثنين
واعلى فئه اسمها سوبر صالون
الكماليات اللى بيلعبوا فيها:
مرايات ضم -بها اشارات
زجاج خلفى فيميه
طاره مالتى
اسبويلر
جنوط
حساسات ركن
كروم بمقابض الابواب
تكييف تاتش
start stop engine
عدادات اسبور بها عداد حراره
دى الحاجات اللى خطرت على بالى
ياريت ملاك السوبر صالون يساعدونا
فى البداية النيسان الصنى الفيس ليفت 3 فئات
1- EX صالون
2- EX صالون الفئة الثانية (Full Option)
3- سوبر صالون
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ
1- EX صالون
2 ايرباج - فرامل EBS - اشارات فى المرايات - جنوط طاسات 15 بوصة - فوانيس فوج امامية - مرايات تعديل كهرباء
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــ
2- EX صالون الفئة الثانية (Full Option)
بتزيد عن الفئة اللى فاتت الاتى:
زجاج خلفى ملون - طارة ملتى فنكشن - جنوط سبور 15 بوصة - سبويلر خلفى بلمبة فرامل
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــ
3- سوبر صالون
بتزيد عن الفئة EX صالون الفئة الثانية (Full Option) الاتى:-
عزل داخلى للشنطة والكبوت - صالون مطعم بالكروم - مفتاح ذكى (Start engine) - عدادات متطورة - ضم المرايات كهرباء - حساسات ركن خلفية - كاسيت بلوتوث (مكالمات فقط) - تحكم التكييف تاتش بشاشة
الف الف شكر . طب انتوا شايفين ان اعلربيه دى كويسه مقارنة بشيفروليه افيو ؟ لانى قلقان من ان سعرها قريب جدااااااااااااا من الافيو مقارنة بالتجهيزات اللى فيها
اعتقد فى فرق 25000 جنيه فرق مابينهم
الافيو تتفوق فسهوله الصيانه - غير كدا الصنى احسن (من وجهه نظرى)
ولو فعلا حيران ما بينهم, هذود عليك الحيره وحط الاوبترا واللوجان فالمقارنه, هتلاقى نفسك بتستبعد الافيو علطول
الصنى عائلية فى المقام الاول
بلاش الافيو
والاوبترا صينى تقفيل مصرى والصنى تايوانى تقفيل مصرى
واللوجان ناس كتير بتشكر فيها بس انا شخصيا مش مستظرفها
مميزات الصنى ان مراكز صيانتها كتير ومنتشرة عن باقى الموديلات والانواع