عاوز أعمل مشروع صناعة تيشرتات
السلام عليكم
انا شغال بس عاوز أعمل مشروع جانبي لصناعة التيشرتات و بيعها
انا عارف حد عندة مطبعة هيساعدني جداً في الطباعة و انا ليا في الديزين فالموضوع هيبقي تمام و عندي كذا فكرة كويسة و أفكار في التسويق
الموضوع بالنسبة ليا شغل جانبي مش أكتر و مشروع صغير لو أتحوش معايا 3 او 4 ألاف جنية هستثمرهم فيه و أحاول أكبره .. انا عندي أفكار في مجالي ممكن تكون أحسن بس عاوزة أستثمار كبير فمش هعرف أطبقها
انا ناوي أبدأ أشتري تيشرتات سادة براسولا مثلاً و أطبع عليها و بعد كدا لو ربنا كرم و رأس المال زاد ممكن أبقي أشتري قماش و اوديه يتفصل .. بعد كدا لو ربنا كرم قوي بقي أبقي اخد مكان صغير و أجيب مكن و أشغل معايا 3 يقومو بالتفصيل و أطبع و أبيع إن شاء الله
فهل حد يعرف تفاصيل عن الموضوع يقدر يساعدني ؟
يعني أشتري التيشرتات السادة منين ؟ و أسعارهم ايه ؟
الموضوع فعلاً كويس و لا أشوف حاجة تانية ؟
انا ناوي أسوق أونلين بس ... هل في حلول أحسن ؟
