لا يوجد et محدد ( معلومات مهمة بخصوص اوفسيت الجنوط) !

بسم الله الرحمن الرحيم

الحقيقة وانا ببحث فى موضوع الاوفسيت والET الخاص بالجنوط لقيت مواضيع على كذا منتدى ومنهم مواضيع هنا , ولقيت ناس بتقول كلام بدون اساس علمى وبتفتى وطبعا فى ناس كتير بتلبس بسببهم
اللى بيجيب الجنط ويرف , واللى يطلع برا شفة الرفرف ويسبب مشاكل فى مطبات الهوا وغيرهم من المشاكل
النهاردة انا جايبلكم خلاصة الموضوع عشان اى حد هيشترى جنط يجيب الرقم المناسب اللى يخلى العفشة مرتاحة وميضرش العربية ولا الكاوتش

اولا : "مفيش" ET ثابت للعربية
هكررها تانى : "مفيش" ET ثابت للعربية
يعنى مينفعش حد يقولك بص على ET بتاع الجنط القديم او الحديد وهات زيه او قريب منه فى الجديد
وهنعرف مفهوم الET كمان شوية

اولا حضرتك هتدخل على السايت دا وهتشوف رقم الET المناسب و مقاس الكاوتش كمان
اختار موديل العربية وسنة الصنع وانطلق
http://www.wheel-size.com



الET او Offset بيختلف مع اختلاف قطر الجنط و عرض وارتفاع الكاوتش

يعنى مثلا اللى فى الصورة مقاسات لعربية "دايو لاسيتى"
عايز تركبلها جنط 17
تعمل ايه ؟
تفتح الموقع وتشوف مقاس الكاوتش المتاح مع مقاس R17
اللى هو الرقم المكتوب قبل R17
مثلا 215/35
وفى اختيار تانى 205/40

http://i35.servimg.com/u/f35/11/32/74/50/13769413.jpg

طيب نيجى للخانة التانية الخاصة بالET وعرض الجنط J
مكتوب 7j , ودا المقصود بيه عرض الجنط , يعنى الجنط عرضه 7 بوصة

الET او Offset مقصود بيه المسافة من قرص اخرام الجنط الى نصف الجنط ( كما موضح فى الصورة )

http://i35.servimg.com/u/f35/11/32/74/50/13775610.jpg


--
طيب ايه فايدة الالتزام بال ET ؟
مش هيخلى العجل يرف ولا العربية ترعش منك
لانك كل ما بعدت عن الرقم المناسب سواء بالسالب او الموجب هتتسبب فى الرعشة وبالتالى خطر على العفشة و مش هتعرف تستمتع بسرعات .



--
وعايز اذكر برضو ان كل عربية وليها اخر فى القطر
يعنى فى الجدول عربيتك اخرها 17 مثلا
متتغاباش وتركب 18 , هتبدأ المشاكل ومش هتعرف تلمها



بالتوفيق