عرض للطباعة
السلام عليكم
عندي مشكلة في السيارة
سيارتي نوعها هيونداي فيرنا 2004
اول ما افول التانك السيارة تنتش وتقطع وتطفي مني
غيرت فلتر البنزين وطلمبة البنزين والبوجيهات ونفس المشكله شغاله
علي الرغم ان السيارة لو مفول نص التنك او اقل بتمشي زي الفل ومفيش تقطيع او تنتيش
ممكن حد يفيدني،،، وشكرا
هى العربية عندك لما بتيجى تفولها لحد زور التانك بتشرق فى 10 - 15 لتر اللى فى الآخر ؟ أقصد يعنى بيبقى فيه صعوبة شديدة فى ملىء آخر 15 لتر بنزين والمسدس بيفصل كتير وبيضطر عامل البنزينة انه يضغط على المسدس براحة قوى ويملى التانك ببطء شديد؟
لو الاجابة نعم.
اذن هتفحص حساس ضغط تانك البنزين وكمان صمام تهوية تانك البنزين والاولانى ده المفروض انه موجود مع طرمبة البنزين او متصل بالتنك بطريقة ما أما علبة التهوية فدى عادة موجودة اسفل العربية بجوار تانك البنزين.
لان وظيفة الحساس ده انه بيدى اشارة لصمام التهوية انه يفتح اثناء ملو التانك لان الضغط بيزيد جواه وبالتالى يتم تصريف الضغط الزائد ولا تحدث اية صعوبات فى ملئ التانك.
وفى حاجة ممكن تعملها (برده لو الاجابة نعم) قبل ما تقوم بعملية الفحص ، تروح البنزية وتفول التانك على الاخر وطبعا العربية هاتنتش وتقطع هاتحاول تقف بالعربية فى اقرب مكان جنب البنزينة وتعمل الاتى بنفس الترتيب:
فى علبة الفيوزات تبحث عن الفيوز الخاص بطرمبة البنزبن وتشيله من مكانه
تروح على الكونتاكت وتحاول تدور العربية مرتين كل مرة حوالى 3-4 ثوانى (طبعا هى مش هاتدور)
تروح تفتح غطاء تانك البنزين الخارجى والداخلى (وسيبه مفتوح حوالى 5 ثوانى) وانت بتفتحه هاتسمع صوت تنفيس الهواء
بعد كده اقفل غطاء التانك تانى زى ما كان
وصل فيوز الطرمبة فى مكانه تانى
دور العربية
المفروض الار بى ام هايعلى ويوطى كذا مرة وبعد كدة هايثبت والتنتيش هايقل جدا وممكن ماتلاقيش تنتيش خالص
** اللى حصل فوق ده عملية اعادة ضبط الضغط داخل مواسير و خزان الوقود
اسف على الاطالة ولو كان عندى فيرنا كنت وضحت اكثر من كدة وربنا يسهل وتتصلح ان شاء الله
واكشف على طرمبة البنزين