جريمة يندى لها الجبين

**Ramy_Ali** · 01-12-2008 04:42 PM

صاحب شركة يغتصب ربة منزل بالاكراه وزوجته تصور الواقعةالقاهرة: شهدت منطقة فيصل بمحافظة الجيزة المصرية واقعة انتقام غريبة بعد أن قام صاحب شركة سياحة بإستدراج ربة منزل الى شقته بحجة حصولها على مبلغ 160 ألف جنيه كان قد حصل عليها المتهم لإحضار تأشيرات حج هذا العام ولكنه حصل على المبلغ وهرب وبعد أن وصلت المجنى عليها الى شقة المتهم فوجئت بوجود 4 أشخاص وزوجة المتهم الاول حيث قاموا بتوثيقها بالحبال وتحت تهديد الخناجر والسكاكين أجبروا المجنى عليها على التوقيع على 10 شيكات ثم قاموا بالاستيلاء على مصوغاتها الذهبية وتليفونها المحمول .
قام المتهم الاول بإغتصاب المجنى عليها بالقوة وتحت تهديد السلاح أمام زوجته وباقى المتهمين والغريب أن زوجة المتهم قامت بتصوير إرتكاب جريمة الاغتصاب بالتليفون المحمول لإجبار المجنى عليها على عدم إبلاغ الشرطة. قامت المجنى عليها بتحرير محضر ضد المتهمين بعد ان قاموا بالافراج عنها والقائها فى الشارع حيث قررت المجنى عليها فى بلاغها بأن صاحب شركة السياحة "35 سنة" حصل منها على مبلغ 160ألف جنية لإحضار بعض تأشيرات العمرة والحج ولم يقم المتهم برد المبلغ مرة أخرى أو إحضار التأشيرات المتفق عليها .
تم إعداد كمين للمتهمين وألقت المباحث القبض عليهم بمنطقة الطوابق بفيصل وتم تحرير محضر بالواقعة وتولت النيابة التحقيق .

تاريخ التحديث :-
توقيت جرينتش : الأحد , 30 - 11 - 2008 الساعة : 8:4 مساءً
توقيت مكة المكرمة : الأحد , 30 - 11 - 2008 الساعة : 11:4 مساءً

**mohamed_ahmed22** · 01-12-2008 05:09 PM

حسبى الله ونعم الوكيل

**r0xer** · 01-12-2008 05:43 PM

الكلام دا في مصر؟
ممكن المصدر؟

حاسس الخبر ريحته مواقع او جرايد صفرا...او خضرا!

وشكراً.

**OlaOsman** · 02-12-2008 06:23 AM

مش عارفة ليه في منتدى الأخبار المنقولة بقيت احس إني باقرا جريدة أخبار الحوادث.. مع اني بطلت اشتريها من ساعة ما بدأوا يدعبسوا على الجرائم اللا أخلاقية و المثيرة و ينشروها بكثافة.

**waled369** · 02-12-2008 08:05 AM

معقول ؟؟؟؟؟؟؟

دي تبقى عائلة ( محترمة ) أوي

ايه اللي بيحصل ده ؟

**ahmed76** · 02-12-2008 08:26 AM

مصدر الخبر جريده ايه ؟؟؟
اولا : اللى يروح ياخد 160 الف جنيه اكيد هياخد معاه حد علشان ما يتسرقش
وهو راجع
ده لو كانوا 16 الف ياخد برضه معاه حد
انا اللى راجل ولو مكانها هاخد معايا 4 صحابى على الاقل
ثانيا : اكيد هتاخد معاها حد علشان رايحه شقة راجل غريب وهيتقفل عليهم الباب لوحدهم
ولا ايه رأيكوا

**ibrahimsaad** · 02-12-2008 08:52 AM

حسبنا الله ونعم الوكيل
ولاحول ولاقوه الا بالله

**Ramy_Ali** · 02-12-2008 11:37 AM

المصدر شبكة الاخبار محييط

http://www.moheet.com/show_news.aspx?nid=196402

الموضوع لما شفته استغربت جدا لمستوى الجرائم فى مصر
ولا حول ولاقوة الا بالله